Read Dagara, Northern A Yielu za pʋɔ yiel-vla vla 6 Bible Online

A Yielu za pʋɔ yiel-vla vla 6 - Dagara, Northern bible

A Yielu za pʋɔ yiel-vla vla 6

¹Fʋ̃ʋ na pɔl gãw a pɔwbɛ za a, yel kʋ̀ tɩ, nyɩnɛ n'a a fʋ nɩ-nɔna cen? Nyɩnɛ lowr'a ʋ tu? Tɩ bɔbr'a kɛ́ tɩ lãwnɩ fʋ bɔ ʋ.

²A ɩ̃ nɩ-nɔna siw nɩ a ʋ zaadɛ̃ pʋɔ, a mɔ̃-puuru na nyùur vla a lowr. Be n'a ʋ páwr a ʋ dɩb ɛ́ ŋmarɛ lisɩ puuru.

³Ɩ̃ so nɩ a ɩ̃ nɩ-nɔna, ʋʋ mɩ̀ so m. Ʋ àr'ɩ nɩ a ʋ dʋn a lisɩ mɔ̃-puuru pʋɔ.

⁴Ɩ̃ sɛn ɩ, fʋ pɔ̀l'a mɛ̃ Tɩrsa tẽ-kpɛ̃ɛ[7] a, fʋ vɩɛl'a mɛ̃ a Zerizalɛm a, fʋ bɛ tɛr dɩ̃ɛnʋ mɛ̃ sojarɩ na be zɛbr zie a ɩ.

⁵Lɩɛbɩ a fʋ niwn bɛr zi-yoru, bʋ̃ʋ n'ʋ vɛ̃, a fʋ jɩ́rʋ mɩ́ damnɛ mɛ̃ na. A fʋ zukɔbr-vɔlavɔla ɩ na mɛ̃ bʋʋr na darɛ taa siwr Galaadɩ tãw a.

⁶A fʋ nyɩmɛ ɩ na mɛ̃ píir na yi a kʋ̃ɔ sob zie dúor a. Ŋa za tɛr'ɩ a ʋ yɩb-tɔ, kãw za bɛ cɛ ɩ.

⁷A fʋ kɔrɛ mʋ̃ɔ na mɛ̃ girenadɩ tɩ-wɔm bɔba nɩ bɔba a, a pɛn fʋ na pàw a niwn a pùorí.

⁸A nãà na tʋ̃ɔ́ na tɛr pɔwbɛ lɩz'a ata, sɛnbɛ lɩz'a anaar nɩ pɔwsɩrali na bɛ tɛr nʋɔr a.

⁹Mãa zie a, pɔw-been yõ n'ʋ be a tẽw zu, ʋlɛ n'ɩ a ɩ̃ naŋmam, a ɩ̃ pɔl-bɛ-cɛ. Ʋl yõ n'ʋ ɩ a ʋ mã pɔwyaa, nɩ a ʋ bi-nɔna za. A pɔwsɩrali mɩ́ nyɛ̃ ʋ na bʋɔlɛ ʋ zu-nʋ̃ɔ̀ sob. A nãà pɔwbɛ nɩ a ʋ sɛnbɛ mɩ́ danɛ ʋ nɩ à ŋá:

¹⁰«Ãa n'ɩ a pɔw ŋa na sãá mɛ̃ zi-wɛl-paala a? Ʋ pɔ̀l'a mɛ̃ cuw a, ɛ́ nyɩwrɛ mɛ̃ mʋ̃tɔ̃w a, ɛ́ bɛ tɛr dɩ̃ɛnʋ mɛ̃ sojarɩ na be zɛbr zie a ɩ.»

¹¹Ɩ̃ siwr'ɩ a tɩ-wɔnɩ zaadɛ̃ pʋɔ k'ɩ̃ɩ tɩ jɩ́r a fʋɔla pʋɔ tɩ-pɔlɛ kaa, k'ɩ̃ɩ tɩ nyɛ̃, a divɛ̃ tɩɩr pùre na bɩɩ? A girenadɩ tɩɩr pu na bɩɩ?

¹²Ɛcɛ ɩ̃ bãwnɛ nɩ ɩ̃ tʋɔra gùur. Fʋ ɩ na ɩ̃ zɔrɛ nɩbɛ, mãa na ɩ yir na tɛr yúor a pɔwyaa a.