Read Dagara, Northern Yã-bãwfʋ 13 Bible Online

Yã-bãwfʋ 13 - Dagara, Northern bible

Yã-bãwfʋ 13

¹Dãbol-bule n'ɩ a nɩsaalbɛ bɛl za na bɛ bãw a Naaŋmɩn a. Bɛ na saa jɩ́rɛ a bʋ̃-vɩɛlɩ na sãá a bɛ mimié a, bɛ bɛ tʋ̃ɔ́ bãw a sob nɛ na be a ɩ. Bɛ na saa nyɛ̃ a ʋ tome a, bɛ bɛ bãw a tõ-tone na maalɩ a a ɩ[48].

²Ɛcɛ a al bɛ na de a ɩ a ŋmɩmɛ na kaarɛ a tẽ-daa zie a, alɛ n'ɩ a vũu, a sɛsɛb, a pɩɛlʋ, a ŋmar-bie, a kʋ̃ɔ na ìre nɩ fãw a, bɩɩ a mʋ̃tɔ̃w nɩ a cuw.

³A bome á ŋá vɩɛlʋ wa bɛlɩ bɛ, bɛ tɩ de a a ɩ ŋmɩmɛ a, bɛ nãá tɩ tʋ̃ɔ́ na bãw k'aa bome á ŋá zu-sob ɩ n kpɛ̃ɛ zuo a bɛ pɩɛl ɛ, bʋ̃ʋ n'ʋ vɛ̃, a sob nɛ na ír a a n'ɩ a vɩɛlʋ yib zie.

⁴A bome á ŋá fãw nɩ a ɩ-ɩrɩ wa ɓãá bɛ nʋɔr a, a tɩ fɛr'a kɛ́ bɛ bãw k'aa sob nɛ na maalɩ a a ɩ n kpɛ̃ɛ zuo lɛ.

⁵Bʋ̃ʋ n'ʋ vɛ̃, fʋ̃ʋ wa tɩɛrɛ a lɛ a bʋ̃-íri á ŋá na ɩ bɛrɛ ɛ́ vɩɛl a, fʋ na tʋ̃ɔ́ na bãw a Íre.

⁶Ɛcɛ blãle lɛ n'a a sɛw kɛ́ bɛ yere a nɩbɛ bɛ ŋa: a mɩnɛ kãw, bɛlɛ wa bɔr a sɔ́r a, a Naaŋmɩn n'ʋ bɛ bɔbr, ɛ́ sɩrɩ bɔbr kɛ́ bɛ nyɛ̃ ʋ.

⁷A ʋ bʋ̃-maalɩ na jil pàw bɛ a, bɛ mɩ́ zanɩ a nɩ vla vla. A lɛ a na sãá a, mɩ́ bɛlɩ bɛ na, bʋ̃ʋ n'ʋ vɛ̃, a bom ʋl bɛ na mɩ́ nyɛ̃ a, mɩ́ vɩɛl'a bɛ dɩ vuo ɩ.

⁸Ɛcɛ a bɛl mɩ̀ ƴãw a, gaafara bɛ ka be ɩ.

⁹Bɛ na tʋ̃ɔ́ páw a bãwfʋ a sɛw, bɛ tʋ̃ɔ́ zanɩ a tẽ-daa yel-sɔwlɩ a, bʋ̃ʋ n'ʋ so bɛ bɛ bãw fɔ̃wlɛ a bome á ŋá za bɛ na jɩ́rɛ a Zu-sob?

¹⁰Ɛcɛ baw-bio dem'ɩ a bɛlɩ dem na ƴãw a bɛ tɩɛrʋ bome na bɛ tɛr vʋʋrʋ a ƴãw a! Nɩsaal nuru bʋ̃-maalɩ n'a bɛ bʋɔlɛ ŋmɩmɛ: salm-zɩɛ nɩ salm-pla bome bɛ na maalɩ vla vla, a ŋmɛ̃ taa nɩ dʋn a, bɩɩ kʋsɩɛr na bɛ tɛr yel-ɩra, kãw sob na pɛnɩ koro kãw za a.

¹¹Mɛ̃ à ŋá a, tɩ-cɩɛrɛ n'ɩ ŋan: ʋ mɩ́ fɔw nɩ tɩɛ a ɓawfʋ na ɩ mɔlɛ a ŋmãa. Ʋ mɩ́ ɓo n a pɛgɛ za bɛr vla vla, ʋ mɩ́ pɛnɩ ʋ na nɩ a ʋ bãwfʋ, ír bom na tɛr yel-ɩra a bibie za nyɔ-vʋʋrʋ pʋɔ a.

¹²Ɛ́ a bʋ̃-ŋmaarɛ na cɛ bɛ tɛr yel-ɩra a, ʋ gbɔw nɩ vũu ɩ n a ʋ bʋ̃-dɩrɩ dɩ tɩw.

¹³A bʋ̃-ŋmaarɛ pʋɔ mɩ̀ a, dàa kãw cɛ na bɛ tɛr yel-ɩra ɩ, ʋ na ŋmɛlɩ ŋmɛlɩ bɩɩ kpaw kpaw a ƴãw: ʋ de ʋ na pɛnɩ k'ʋʋ ta zɩ̃ zawla ɩ, pɛnɩ ʋ zoom zoom nɩ bãwfʋ, tɩ ɩ ʋ ŋmɛ̃ taa nɩ nɩsaal,

¹⁴bɩɩ dʋ̃-faa faa kãw. Ʋ mɩ́ bʋl ʋ na pàw ʋ za nɩ bʋ̃-zɩɛ ɓõɓõ, ɛ́ pàw a ʋ zi-ɓalɩ ɓalɩ za.

¹⁵Al pùorí, ʋ cɔbrɩ zie na man ʋ a, kpa ʋ mɛr'ɩ a dacin nɩ pĩi-bir.

¹⁶Ʋ maal'a ɩrɛ k'ʋʋ taa lore ɩ, ʋ na bãw k'ʋʋ kʋ̃ tʋ̃ɔ́ tɩɛ ʋ tʋɔra tɛr a ƴãw, bʋ̃ʋ n'ʋ vɛ̃, tɩɩb tɛwr'ʋ, a na fɛr kɛ́ bɛ tɩɛ tɛr a.

¹⁷Ɛcɛ ʋlɛ wa puore zɛlɛ bʋ̃-tɛrɩ, kul-taa nɩ dɔwfʋ a, vĩ bɛ mɩ́ ɩrɛ ʋ, ʋ na ƴɛ̀rɛ a bʋ̃-kũu ŋa zie a ɩ. Ʋ zɛlɛ nɩ a ƴã-ɓaarʋ bom na bɛ tɛr fãw a zie,

¹⁸ɛ́ bɔbr a nyɔ-vʋʋrʋ bʋ̃-kũu zie. A ʋ gub ƴãw a, ʋ lɔbr'ɩ nuru zɛlɛ bom na bɛ tɛr sõwfʋ kãw za a zie, ɛ́ a ʋ sɔ́r loba ƴãw a, ʋ ƴãw a ʋ tɩɛrʋ bom na kʋ̃ tʋ̃ɔ́ gel gbɛ́r a ƴãw.

¹⁹Ɛ́ a ʋ nyɔ-vʋʋrʋ páwfʋ ƴãw, a ʋ tome vla tob ƴãw nɩ a ʋ nuru tome na na maalɩ a ƴãw, ʋ zɛlɛ a fãw bom na bɛ tɛr fãw kãw za a nuru pʋɔ a zie.