Read Dagara, Northern Yã-bãwfʋ 4 Bible Online

Yã-bãwfʋ 4 - Dagara, Northern bible

Yã-bãwfʋ 4

¹Fʋ̃ʋ bɛ tɛr bie ɛ́ ɩrɛ a vla a, alɛ sa! Bɛ bɛ yiire a bɛlɩ dem na ɩrɛ a vla a yele ɩ, bʋ̃ʋ n'ʋ vɛ̃, a Naaŋmɩn nɩ a nɩsaalbɛ mɩ́ de nɩ a bɛ yele.

²A bɛ cãafʋ daar a, a nɩbɛ mɩ́ cɔwrɛ bɛ na, ɛ́ bɛlɛ bɛ wa cãà a, bɛ̃ɛ kone bɛ na bɛ cãà a. A zie na be kʋralɛ a pʋɔ a, bɛ vɔbl'ɩ a zɛb-tʋ̃ɔ́fʋ kpawʋʋr[12], bʋ̃ʋ n'ʋ vɛ̃, bɛ zɛb'a tʋ̃ɔ́ bom na vɩɛl ʋ za a páwfʋ ƴãw.

³Ɛcɛ a nɩ-faar bibiir saa yãwmɛ sɛw ŋmɩn a, bɛ kʋ̃ tɛr yel-ɩra ɩ. Bɛ ɩ na mɛ̃ tɩ-faar bʋʋrɛ tɩɩr na bɛ tɛ nyɩgɛ siw, ɛ́ a pɛ́ɛ bɛ kpɛmɛ a.

⁴Alɛ saa vo wuli vuo kãw a, ɛcɛ a bɛ tɛr fãw ɛ. A sɛsɛb mɩ́ dam a na, ɛ́ ʋlɛ wa fure nɩ fãw a, ʋ mɩ́ vɔ̃ a na bɛr.

⁵A wuli na cãà vore a mɩ́ kar a, ɛ́ a wɔmɛ na cãà ɩ kɛrɛ zuo a dɩb ƴãw a bɛ tɛr yel-ɩra a, nɩr kʋ̃ tʋ̃ɔ́ ɩ n a bom kãw za ɩ.

⁶A ƴɛ̀rʋ-dɩb bibir a, a bibiir bɛl bɛ na dɔw lãwfʋ na bɛ tu a Naaŋmɩn wulu a pʋɔ a[13], na ɩ n dãsɩɛ dem na wule a bɛ dɔwrbɛ ɩ-faar a.

⁷A nɩ-mɩŋa ʋl a, ʋlɛ saa pʋ̃ɔ̀ kpi a, ʋ na nyɛ̃ nɩ a pɩ̃ɛnʋ.

⁸Bʋ̃ʋ n'ʋ vɛ̃, koru yaga bɛ n'a mɩ́ ɩ a dɛb-nyãw sɛwnɩ ƴãwfʋ ɛ, yome yaga yele bɛ n'a ɩ.

⁹A nɩsaal zie a, a yã-bãwfʋ ɩ n a zukɔbr-pɛlɛ, ɛ́ a koru yaga n'ɩ a nyɔ-vʋʋr-vla.

¹⁰Mɛ̃ à ŋá a, pɔlbile pɛlɩ nɩ a Naaŋmɩn pʋɔ, a Naaŋmɩn nɔ̃w ʋ. Ʋ na tɩ kpɩɛr a yel-bebe dem sɔgɔ a, Naaŋmɩn nyɔw ʋ na ír[14].

¹¹Ʋ ír ʋ na k'aa faalʋ taa wa nanɩ sãwnɛ a ʋ tɩɛrʋ ɛ, k'aa ziri taa wa tule a ʋ sɩ́ɛ ɩ.

¹²Bʋ̃ʋ n'ʋ vɛ̃, a nʋ̃ɔ̀-faa bɛlʋ mɩ́ liw nɩ a yel-vɩɛlɩ, ɛ́ a damnʋ a yel-bɔbrɩ na mɩ́ waar'ɩ a mɩ́ tule nɩ a tɩɛr-vla sob.

¹³A bɛ cɛlɩ ɛ, ɛ́ a pɔlbile ŋa páw a vɩɛlʋ, ɛ́ a ʋ nyɔ-vʋʋrʋ maalɩ tɩ tɔ mɛ̃ ʋ vʋʋr'a tɩ cɛlɩ a.

¹⁴A ʋ nyɔ-vʋʋrʋ na tɩ pɛlɩ a Sore pʋɔ a n'a so ʋ lɛb ír ʋ fɔ̃wlɛ a faalʋ zie ŋa pʋɔ. A nɩbɛ tɩ nyɛ̃ na ɛ́ bɛ bãw a pɛr ɛ, bɛ bɛ tɩ bɔbr kɛ́ bɛ tɛr yel ŋa tɩɛrʋ ɛ:

¹⁵kɛ́ Naaŋmɩn maalʋ nɩ a ʋ su-ɓaarʋ mɩ́ be n a ʋ nɩ-kaa-íri ƴãw, k'ʋʋ mɩ́ gùre nɩ a bɛlɩ dem na tu ʋ a[15].

¹⁶A nɩ-mɩŋa kũu mɩ́ yere nɩ a nɩ-faar na cãà vʋʋrɛ a sãwna. Ɛ́ a pɔlbile na dãwnɩ a vɩɛlʋ páwfʋ a yere a dɛb-nyamɛ na cãà ɩ a nɩ-faar a sãwna.

¹⁷A nɩbɛ mɩ́ nyɛ̃ nɩ a yã-bãwnɛ kũu, ɛ́ bɛ bãw a lɛ a Sore na tɩɛrɛ a ʋ ƴãw a ɩ, bɛ bãw bʋ̃ʋ n'ʋ so ʋ maal tɛr ʋ ʋ bɛ bãw damnʋ a ɩ.

¹⁸Bɛ mɩ́ nyɛ̃ nɩ à á ŋá ɛ́ laar, ɛcɛ bɛlɛ nɛbɛ a Sore na ɩ la.

¹⁹A bɛ kũu daar a, a nɩbɛ kʋ̃ ƴãw a bɛ kũu ɛ. A kpɩmɛ tẽw a, vĩ na bɛ tɛr baarʋ daar a n'a bɛ na nyɛ̃. A Sore na ír bɛ na nɩ fãw a bɛ beba zie lɔb tẽw, a zu de niwn, ɛ́ bɛ kʋ̃ tʋ̃ɔ́ ƴɛ̀r ƴɛ̀rʋ ɛ. Ʋ na ɩ na a bɛ fãw baarɩ a nʋɔr kʋ, bɛ na be n kpɩɛrʋ pʋɔ, ɛ́ nɩr kʋ̃ lɛb tɩɛrɛ a bɛ yele ɩ.

²⁰A Naaŋmɩn wa sɔrɛ a nɩ-faar yel-bebe a, bɛ na màwr'a tawr tarɛ nɩ, ɛ́ a bɛ ɩ-faar na ìr'a àr manɛ a bɛ sãwna.