Read Dagara, Northern Bɛn Sɩɩra 16 Bible Online

Bɛn Sɩɩra 16 - Dagara, Northern bible

Bɛn Sɩɩra 16

¹A Sore vɩɛl'a ɛ́ tɛr mimi-kõw Ta bɔbr kɛ́ fʋ tɛr bibiir yaga bɛlɛ bɛ wa tɛr pɛr a ɩ. Nʋ̃ɔ̀ ta ɩrɛ fʋ fʋ na tɛr bibiir a, bɛlɛ bɛ wa ƴãwnɛ a Naaŋmɩn a ɩ.

²Nʋ̃ɔ̀ ta ɩrɛ fʋ fʋ na tɛr bɛ bɛ yãwmɛ a, bɛlɛ bɛ wa zɔrɛ a Sore a ɩ.

³Taa tɩɛrɛ kɛ́ bɛ na vʋʋrɩ na cɛlɩ ɛ, taa ƴãwnɛ a fʋ tɩɛrʋ a yaga bɛ na ɩ a ƴãw ɛ. Bi-been yõ sa n bibiir túr, ɛ́ a kpi kɛ́ bɛ tɛr bibiir sa fʋ na tɛr bibiir ɛ́ bɛ bɛ ƴãwnɛ a Naaŋmɩn a.

⁴Yã-bãwnɛ been yõ na ɩ na a tẽ-kpɛ̃ɛ paalɩ nɩbɛ, ɛcɛ nɩ-faar na ɓã taa a ɩ k'ʋ gã zawla.

⁵Ɩ̃ nyɛ̃ nɩ a yel-yaga á ŋá taabɛ nɩ mimir, ɛ́ wõ n tobe yele na ɩ nɔ-ɓãa-yele gãw lɛ a.

⁶A Sore vũu 'le n a yel-bebe dem lãw pʋɔ, a ʋ suur 'lere nɩ nɩ-bʋʋrɛ na gaarɩ a ƴãw.

⁷Ʋ bɛ dɩ suur kʋ̀ a koro za nɩ-jarmam jarmam na tɩ yel k'aa bɛ fãw zũú ɛ́ gaarɩ a ɩ[5].

⁸Ʋ bɛ jɩɩr'ɩ a tẽ-kpɛ̃ɛ a Lɔtɩ na tɩ kpɩɛr a bɛr ɛ, ʋ na bɛ tɩ nɔnɛ a tẽw dem pɔ̀l-ɩb a ƴãw[6].

⁹Ʋ bɛ zɔ a Kanãa tẽw dem nɩbaalʋ ɛ, a nɩ-bʋʋrɛ bɛ ŋa na tɩ sɛwnɩ kũu, ɛ́ bɛ kʋ bɛ pàw pɛr a bɛ yel-bebe ƴãw a[7].

¹⁰Ʋ mɩ̀ bɛ tɩ zɔ a Ɩsɩrayɛl nɩbɛ tùr-kɔbr ayʋɔb nɩbaalʋ na tɩ kpi a bɛ zu-kpɛnʋ zũú a ɩ[8].

¹¹Nɩ-been yõ saa tɩ n'ʋ gaarɩ a, a nãà ɩ n nɔ-ɓãan ʋ na kʋ̃ nyɛ̃ dɔwrʋ a. Bʋ̃ʋ n'ʋ vɛ̃, a Sore tɛr'ɩ a nɩbaalʋ zɔba nɩ a suur, ʋ mɩ́ dɩ n a suur bʋ̃-zaalɛ. Ɛcɛ ʋ mɩ̀ mɩ́ nyɛ̃ nɩ suur.

¹²A ʋ mimi-kõw ɩ n kpɛ̃ɛ man a ʋ su-ɓaarʋ, ʋ mɩ́ dɩ n nɩ a nɩsaalbɛ a ƴɛ̀rʋ tu n a bɛ ɩ-ɩrɩ.

¹³A yel-bier sob kʋ̃ zɔ n a bom ʋ na de a ɩ, ɛ́ a sob nɛ na tu a Sore a, kʋ̃ nyɛ̃ vĩ a ʋ kanyir dɩb pʋɔ ɩ.

¹⁴A Sore mɩ́ gù n kʋralɛ k'ʋʋ ɩ a ʋ vɩɛlʋ ɩb, ɛcɛ bɛ na mɩ́ ya n ŋa za man nɩ a ʋ ɩb. Nɩr bɛ cɩ̃ɛnɛ a Sore zie ɩ

¹⁷Ta yere kɛ́: «Ɩ̃ na sɔwlɩ nɩ a Sore ƴãw ɛ. A saa-zu be a, ãa n'ʋ na cãà tɛr a ɩ̃ tɩɛrʋ? A zu-sɛbla pʋɔ a, nɩr kʋ̃ bãw mɛ̃ ɩ. Ãa nɛ m, a zie bɛ na ír ʋ sɛw à ŋá za a pʋɔ?»

¹⁸A salom nɩ a salom saa-zu saa-zu za, a kʋ̃ɔ-bɛrɛ na zulme a pɛ́ɛ nɩ a tẽsɔw mɩ́ dam'a, a lɛn daar a Sore na mɩ́ wa k'ʋʋ wa bɛl a kaa a.

¹⁹A tan nɩ a tẽsɔw pɛr mɩ́ màwr'a, ʋlɛ wa jɩ́rɛ a a.

²⁰Ɛcɛ nɩr bɛ mɩ́ tɩɛrɛ à á ŋá za ɩ. Ãa n'ʋ cɛlɛ a lɛ a Sore na ɩrɛ a zie?

²¹Mɛ̃ a lɛ a saa-sɛsɛb na mɩ́ cɛ̀r ɛ́ a nɩsaal bɛ bãwnɩ a a, lɛ n'a a Sore ɩ-ɩrɩ yaga zie mɩ́ sɔwlɩ.

²²A mɩnʋ ɩ-ɩrɩ à ŋá a, ãa n'ʋ na yel a, ãa n'ʋ na gùre a? A lɛ a Sore na yel a gãw tɩ na.

²³À ŋá n'a a nɩr na bɛ tɛr yã a tɩɛrɛ. Nɩr na bɛ tɛr yã a bɔrɛ nɩ a sɔ́r, ɛ́ tɩɛrɛ dãbol-yele tɛwr. A Naaŋmɩn yã-bãwfʋ na sãá a ʋ bʋ̃-íri pʋɔ a

²⁴Ɩ̃ bie e, bɛrɛ wone mɛ̃, zanɛ a bãwfʋ ɩ̃ na bãw a, cɛlɛ a lɛ ɩ̃ na yere a zie.

²⁵Wulu na man man taa a n'ʋ ɩ̃ na ɩ ʋ sãá, ɩ̃ na maal'a wul fʋ a bãwfʋ ɩ̃ na bãw a.

²⁶A pɛr-tib daar a Sore na tɩ ír a ʋ bʋ̃-íri a, ʋ tɩ ƴãw a nɩ ziir.

²⁷Ʋ ƴãw nɩ tub kʋ̀ a salom zu bʋ̃-nyɩwrɩ k'aa tuur kʋralɛ, ʋ ƴãw nɩ nɛ́ɛ kʋ̀ a, a na tuur a pɛr-tib daar tɩ ta n a baarʋ daar. A bɛ bãw kɔ̃ nɩ bàlʋ ɛ, kãw za bɛ bɛrɛ a ʋ ton ɛ.

²⁸Kãw za bɛ dãw cen ŋmɛ a ʋ tɔ sob ɛ, a bɛ be za na zawrɩ a Sore ƴɛ̀rʋ ɛ.

²⁹Al pùorí, a Sore jɩ́r'ɩ a tẽw, ɛ́ paalɩ ʋ nɩ a ʋ maalʋ.

³⁰Ʋ paal'ɩ a tẽw nɩ dʋ̃-pɛ-bʋʋrɛ za na mɩ́ wa kpi a fɛr k'aa lɛb lɩɛbɩ tanɛ a.