Read Dagara, Northern Bɛn Sɩɩra 17 Bible Online

Bɛn Sɩɩra 17 - Dagara, Northern bible

Bɛn Sɩɩra 17

¹A nɩsaalbɛ a Naaŋmɩn bʋ̃-íri pʋɔ Tanɛ n'a a Sore ír'ɩ a nɩsaal, ɛ́ mɩ́ lɛb ɩ ʋ lɩɛbɩ a tanɛ.

²Ʋ mɩ́ ƴãw nɩ bibie nʋɔr kʋ̀ a nɩsaalbɛ, ɛ́ ƴãw a bɛ nyɔ-vʋʋrʋ daar kʋ̀ bɛ. Ʋ kʋ̀ bɛ nɩ fãw a tẽw zu bome zu.

³Ʋ ír bɛ na, ƴãw bɛ a ʋ ŋmɛ̃-taalʋ, ɛ́ kʋ̀ bɛ fãw mɛ̃ a ʋl mɩŋa a.

⁴Ʋ ɩ na a bʋ̃-íri za zɔrɛ a nɩsaalbɛ, k'aa nɩsaalbɛ tʋ̃ɔ́ dɩrɛ naalʋ a dʋn nɩ a lili zu.

⁶Ʋ ƴãw bɛ nɩ zɛl, mimie nɩ tobe, ɛ́ kʋ̀ bɛ yã a tɩɛrʋ ƴãw.

⁷Ʋ paalɩ bɛ na nɩ yã nɩ bãwfʋ, ʋ wul bɛ nɩ a vla nɩ a faa.

⁸Ʋ ƴãw nɩ a ʋ cãà a bɛ socie pʋɔ, k'ʋʋ tʋ̃ɔ́ wul bɛ a ʋ tõ-toni vɩɛlʋ.

¹⁰Lɛ n'a bɛ na danɛ a ʋ yo-sõw, manɛ nɩ a ʋ tõ-toni vɩɛlʋ. A Wõ-taa nɩ a Wulu

¹¹A Sore kʋ̀ n a nɩsaalbɛ a bãwfʋ ƴãw pʋɔ, ʋ kʋ̀ bɛ nɩ a wulu na mɩ́ ɩ fʋ vʋʋrɛ a.

¹²Ʋ maal'ɩ bɛ nɩ wõ-taa na be kʋralɛ a, ɛ́ wul bɛ a ʋ nɛ-ƴãwnɩ.

¹³Lɛ n'a a bɛ mimie nyɛ̃ a ʋ yúor-vɩɛlʋ-danʋ na ɩ kpɛ̃ɛ a, ɛ́ a bɛ tobe wõ a ʋ kɔkɔr vɩɛlʋ.

¹⁴Ʋ yel bɛ na: «Nyɩ gùre nyɩ tʋɔra bom za na bɛ tu a wulu a ƴãw.» Ʋ kʋ̀ n ŋa za nɛ-ƴãwnɩ na càarɩ a ʋ tɔ a. A Sore nyɛrɛ nɩ bom za

¹⁵A nɩsaalbɛ ɩ-ɩrɩ be n a Sore niŋé kʋralɛ, bom za bɛ sɔwlɩ a ʋ zie ɩ.

¹⁷Ʋ kʋ̀ n nɩ-bʋʋrɛ za nɩ-kpɛ̃ɛ, ɛcɛ a Ɩsɩrayɛl bʋʋrɛ ɩ n a Sore sób.

¹⁹A nɩsaalbɛ ɩ-ɩrɩ za ɩ n cãà a Sore niŋé, mɛ̃ a mʋ̃tɔ̃w a, ʋ jɩ́rɛ nɩ a bɛ ɩb kʋralɛ.

²⁰A bɛ ɩ-faar bɛ sɔwlɛ a ʋ zie ɩ, a bɛ yel-bebe za be n a ʋ niŋé.

²²A Sore zie a, yel-vla fʋ na maalɩ nɩr a, ɩ na mɛ̃ ŋmaarʋ-bʋ̃-ƴãwna na gu na-bom a. Ʋ ɩ n bʋ̃-sɩza man a mimi-gbil.

²³Bibir kãw, a Sore na ìr'a ya a nɩsaalbɛ a bɛ ɩ-ɩrɩ samɛ. Ʋ na kʋ̀ bɛ nɩ a alɩ bome nɛ bɛ na sɛw taa nɩ a.

²⁴Ɛcɛ a bɛlɩ dem na mɩ́ ciire a bɛ sãwna a, ʋ mɩ́ ɩ na bɛ tʋ̃ɔ́ lɛb wa a ʋ zie, a bɛlɩ dem na bàl a, ʋ mɩ́ ɩ na bɛ lɛb ƴãw fãw. Bʋɔlʋ a Sore zie lɛb-waa ƴãw

²⁵Lɛb wa a Sore zie, ɛ́ bɛr a fʋ yel-bebe, puore ʋ, ɛ́ a fʋ sãwna na siwri na.

²⁶Lɛb wa a Naaŋmɩn-na-do-saa-bɛ-pɩɛl-a zie, bɛr a yel-faa, zawrɛ a ʋlɩ bom nɛ ʋ na bɛ nɔnɛ towtow a, zawrɛ ʋ nɩ a fʋ fãw za.

²⁷Ãa n'ʋ na danɛ a Naaŋmɩn-na-do-saa-bɛ-pɩɛl-a a kpɩmɛ tẽw? A nɩ-vʋʋrɩ na bãwnɩ a ʋ nɩ-kpɛ̃ɛnʋ a nɛbɛ.

²⁸Nɩr na vʋʋrɛ ɛ́ tɛr ƴã-ɓaarʋ a na tʋ̃ɔ́ na danɛ a Sore. Ʋlɛ wa kpi, bɛ cãà a, ʋ kʋ̃ lɛb tʋ̃ɔ́ puori ʋ barka ɩ.

²⁹A Sore su-ɓaarʋ sɩrɩ na ɩ kpɛ̃ɛ, ɛ́ a ʋ suur-dɩ-kʋ̀b bɛrmɛ a bɛlɩ dem na lɩɛbɩ cɔw ʋ a zie!

³⁰A nɩsaalbɛ bɛ tɛr a bome za ɩb fãw ɛ, bɛ na ɩ bʋ̃-kpiiri a ƴãw.

³¹Bʋ̃ʋ n'ʋ caalɛ gãw a mʋ̃tɔ̃w? Ɛcɛ ʋ mɩ́ wa bɔr a. Lɛ mɩ̀ n'a a nɩsaal na mɩ́ tɩɛrɛ a faa a zie.

³²A Sore piwre nɩ a salom zu bʋ̃-nyɩwrɩ, ɛcɛ a nɩsaalbɛ za ɩ n tanɛ nɩ úuru tɛwr.