Read Dagara, Northern Bɛn Sɩɩra 18 Bible Online

Bɛn Sɩɩra 18 - Dagara, Northern bible

Bɛn Sɩɩra 18

¹A Sore ɩ n kpɛ̃ɛ A Sore na vʋʋrɛ kʋralɛ a n'ʋ ír bom za, bom bɛ cɛ ʋ bɛ ír ɛ.

²Ʋl yõ n'ʋ bɛ na tʋ̃ɔ́ yel k'ʋʋ ɩ n nɩ-mɩŋa.

⁴Ʋ bɛ kʋ̀ nɩr za a fãw k'ʋʋ mɩ́ yel a ʋlɩ bom nɛ ʋ na na ɩ a ɩ. Bʋ̃ʋ n'ʋ vɛ̃, ãa n'ʋ na tʋ̃ɔ́ nyɛ̃ a ʋ nɔ-ɓãa yel-maalɩ?

⁵Ãa n'ʋ na tʋ̃ɔ́ manɩ bãw a ʋ kpɛnʋ na bɛ dɩ vuo a? Mɔ̃ mɩ̀, ãa n'ʋ na tʋ̃ɔ́ manɩ a ʋ su-ɓaarʋ ɩ-ɩrɩ?

⁶Bɛ kʋ̃ tʋ̃ɔ́ ír bom bɛr a pʋɔ ɩ, bɛ kʋ̃ tʋ̃ɔ́ ƴãw bom dɔwlɩ a pʋɔ ɩ. A Sore nɔ-ɓãa tome bɛ tɛr nyɛ́b ɛ.

⁷Nɩr wa manɛ k'ʋʋ baar'a na a, a tib'a ʋ pãa mɩ́ tĩ. Ʋlɛ wa tɛw àr a, ʋ bɛ mɩ́ lɛb cãà bãw ŋmɩŋmɩn za n'a ɩ. Bʋ̃ʋ n'ɩ a nɩsaal?

⁸Bʋ̃ʋ n'ɩ a nɩsaal? A ʋ yel-ɩra n'ɩ bo? A vla bɩɩ a faa ʋ na mɩ́ maalɛ a pɛr'ɩ bo?

⁹Ʋlɛ wa vʋʋrɩ yome kʋba a, ʋ cɛlɩ na.

¹⁰A kʋ̃ɔ-kpɛ̃ɛ kʋ̃ɔ-bir-been, a biire biir-bir, à ŋá n'a a ʋ yome blã á ŋá ŋmɛ̃, a zie na bɛ tɛr baarʋ daar a ƴãw.

¹¹Alɛ n'a só a Sore mɩ́ nyɔw ʋ tʋɔra a nɩsaalbɛ ƴãw, ɛ́ zɔrɛ a bɛ nɩbaalʋ yaga za.

¹²Ʋ mɩ́ nyɛ̃ na ɛ́ bãw a lɛ a bɛ baarʋ na sɩrɩ ɩrɛ nɩbaalʋ a, alɛ só ʋ dɩrɛ suur kʋ̀rɛ bɛ yaga za.

¹³A nɩsaal mɩ́ zɔrɛ nɩ a ʋ nɩsaal-tɔ nɩbaalʋ, ɛcɛ a Sore ʋl zɔrɛ nɩ a ʋ bʋ̃-íra za nɩbaalʋ. Ʋ mɩ́ yere na, ʋ mɩ́ kpãanɛ na, ʋ mɩ́ wule na, ʋ mɩ́ tɛr'ɩ a bɛlɩ dem na bɔrɛ a lɛb wa n a ʋ zie, mɛ̃ pi-cɩ̃ɩnɛ na lɛb tɛr a ʋ dʋn wa n a.

¹⁴Ʋ zɔrɛ nɩ a bɛlɩ dem na sàwr a wulu a nɩbaalʋ, nɩ a bɛlɩ dem na mɩ́ sàw fɔ̃wlɛ a lɛ ʋ na yel a. A bom tɩrʋ yele

¹⁵Ɩ̃ bie e, fʋ̃ʋ wa maalɛ nɩr a, fʋ̃ʋ ta lãwnɩ yelu ɛ. Fʋ̃ʋ wa kʋ̀rɛ nɩr bom a, fʋ̃ʋ ta lãwnɩ ƴɛ̀rʋ na sãwnɛ pʋɔ a ɩ.

¹⁶A ɓɩɛlʋ bɛ mɩ́ ɩ a zie ɓãá ɩ? Lɛ n'a ƴɛ̀rʋ mɩ̀ na tʋ̃ɔ́ ɩ vla zuo bʋ̃-kʋ̀ra.

¹⁷Ƴɛ̀r-vla bɛ sa bʋ̃-kʋ̀ra na vɩɛl a ɩ? A nɔ̃wfʋ nɩr mɩ́ lãw nɩ a za ayi taa.

¹⁸A dãbol sob mɩ́ yere nɩ a nɩr ŋmama ŋmama! Ɛ́ a nyuur sob bʋ̃-kʋ̀ra waar'ɩ mʋta-kʋ̃ɔ. A maal-ɩb a yã-bãwnbɛ na mɩ́ tɛr a

¹⁹Mɩ́ sowri bãw baarɩ, ɛ́ bãw ƴɛ̀r. Kaa fʋ tʋɔra zie vla baarɩ, ɛ́ bãw lo a bàalʋ.

²⁰Jɛl fʋ tʋɔra, ɛ́ a Naaŋmɩn bãw dɩ n fʋ a ƴɛ̀rʋ, lɛ n'a, a daar wa ta a, ʋ na dɩ n a suur kʋ̀ b.

²¹Ta gù wa ɩ bàal pãa nyɛ̃ a fʋ sãwna ɩ, ɛcɛ fʋ̃ʋ wa dɛ sãw a, fʋ̃ʋ wul kɛ́ fʋ ciire nɩ a fʋ sãwna.

²²Fʋ̃ʋ wa kõ nʋɔr a, fʋ̃ʋ ír ʋ a ʋ daar, ta gù a kũu daar fʋ ír ɛ.

²³Cɔbrɩ tɔ ɛ́ bãw kõ a nʋɔr, ta ɩ mɛ̃ nɩr na bɛ̀lɛ a Sore a ɩ.

²⁴Bãwnɩ a fʋ nyɔ-vʋʋrʋ baarʋ daar: a Sore na tʋ̃ɔ́ na nyɛ̃ nɩ fʋ suur, ɛ́ dɔwrɩ fʋ ŋmɛlɩ kpaar cɔw fʋ.

²⁵A bʋ̃-dɩrɩ wa ʋr a lɛn daar a, fʋ̃ʋ bãwnɩ a kɔ̃ na na tʋ̃ɔ́ lo a. Fʋ̃ʋ wa tɛr a a lɛn daar a, fʋ̃ʋ bãwnɩ a nã́w na na tʋ̃ɔ́ kpɛ b, fʋ ɩrɛ wʋ̀ʋr a.

²⁶A biɓaara tɩ ta a zaanʋɔra a, bom za na tʋ̃ɔ́ na lɩɛbɩ, a Sore mɩ́ ɩ n fɔ̃w.

²⁷A yã-bãwnɛ mɩ́ gùre nɩ ʋ tʋɔra a yele za pʋɔ. A yel-bier wa bɛ̀lɛ ʋ a, ʋ bɛ sàwr lɔbr ʋ tʋɔra bɛrɛ ɩ.

²⁸Nɩsaal za na tɛr yã a, mɩ́ nyɛ̃ nɩ a yã-bãwfʋ bãw, ɛ́ mʋʋrɛ sob nɛ na nyɛ̃ ʋ a.

²⁹A bɛlɩ dem na bãw ƴɛ̀rʋ a mɩ̀ mɩ́ wul'ɩ a bɛ yã-bãwfʋ. Bɛ mɩ́ lɔb'ɩ zʋkpa-vɩɛlɩ pàw a zie mɛ̃ saa na wa a. A tʋɔra-nyɔwfʋ

³⁰Ta bɛr a fʋ yel-bɔbrɩ a só b ɛ, mɩ́ nyɔw fʋ tʋɔra a fʋ vʋla za ƴãw.

³¹Fʋ̃ʋ wa tuur a fʋ yel-bɔbrɩ za pùor a, a fʋ dɔ̃ dem na ɩrɛ fʋ na laar.

³²Ta de a fʋ nyɔ-vʋʋrʋ tu n a ƴã-gan nʋ̃ɔ̀ ɩ, alɛ bɛ ɩ lɛ, fʋ nãà mab'a ya a san.

³³Ta ƴãw fʋ tʋɔra nã́w dɩrɛ cuw bome nɩ libie fʋ na pɛ̃w, ɛ́ a fʋ kpa-zʋbr ɩ kpa-zʋb-zawlɛ a ɩ.