Read Dagara, Northern Bɛn Sɩɩra 22 Bible Online

Bɛn Sɩɩra 22 - Dagara, Northern bible

Bɛn Sɩɩra 22

¹A ƴã-tuo sob A ƴã-tuo sob ŋmɛ̃ na mɛ̃ kʋsɩɛr bɛ na ɩɛr'ɩ pɛr a, a nɩbɛ za mɩ́ 'húore ʋ nɩ a ʋ faalʋ ƴãw.

²A ƴã-tuo sob ŋmɛ̃ na mɛ̃ bin na gbil gã a, sob nɛ za na ɓáw ʋ a mɩ́ mɩr mɩr'ɩ a nũu bɛr. A bi-sãwnɩ yele

³Vĩ n'a a bidɛb-wul-guura sãà zie, pɔwyaa wa n'ʋ a, a mɩ́ ɩ ʋ nɩ sãwna.

⁴Powle na bãw yã a na nyɛ̃ nɩ sɩr, ɛcɛ a ʋl na ƴãwnɛ nɩbɛ vĩ a, mɩ́ ɩ na a ʋ sãà nyɛrɛ niw-sʋba.

⁵Pɔw na bɛ ƴãwnɛ nɩbɛ a, ƴãwnɛ nɩ a ʋ sãà nɩ a ʋ sɩr vĩ, bɛ za ayi kʋ̃ bãw kɛ́ nɩr'ʋ ɛ.

⁶Yelu fʋ na yere nɩr, ɛ́ a bɛ ɩ a yelu daar a, ɩ na mɛ̃ cuw yielu fʋ na yiele kuor daar a. Ɛcɛ a fʋ̀ba nɩ a kpãàfʋ ɩ n yã-bãwfʋ kʋralɛ. Dãbol sob bɛ tɛr wulu ɛ

⁹Dãbol sob fʋ na wule a, ɩ na mɛ̃ kʋsele fʋ na lɛb mɛrɛ lali-ŋmɛrnyɛ̃ ƴãw a, bɩɩ mɛ̃ nɩr na gúr kpalfala fʋ sɩ̃wnɛ a.

¹⁰Dãbol sob zie fʋ na ƴɛ̀rɛ a, ɩ na mɛ̃ gʋ̃ɔ-gúre fʋ na ƴɛ̀rɛ nɩ a: ʋ mɩ́ wa sowri fʋ na kɛ́: «Bʋ̃ʋ n'ʋ?»

¹¹Kone a nɩr na kpi a, bʋ̃ʋ n'ʋ vɛ̃, ʋ bɛ cãà nyɛrɛ a cãà ɩ. Mɩ̀ kone a dãbol sob, bʋ̃ʋ n'ʋ vɛ̃, ʋ bɔr'ɩ a yã bɛr. Kone a nɩr na kpi a bɛ̀lbɛ̀l, bʋ̃ʋ n'ʋ vɛ̃, ʋ nyɛ̃ nɩ pɩ̃ɛnʋ. Ɛcɛ a dabol sob nyɔ-vʋʋrʋ kpɛ n faa zuo a kũu.

¹²Kũu kuor mɩ́ kõ na cɛlɩ bibie ayopõi, ɛ́ dãbol sob bɩɩ nɩ-faa kuor kõ a bɛ nyɔ-vʋʋrʋ bibi-vɩɛrɩ za.

¹³Ta ƴɛ̀rɛ nɩ dãbol sob yaga ɩ, ɛ́ taa lore sɔ́r nɩ gẽgemi sob ɛ. Cɩrɛ a ʋ ƴãw taa wa bãwnɛ niw-sʋba ɩ, ɛ́ taa wa páwr dɛwr ʋlɛ wa mɩrɛ ʋ tʋɔra a ɩ. Dɛrɛ ʋ, fʋ̃ʋ wa bɔbr kɛ́ fʋ tɛr ƴã-ɓaarʋ ɛ́ a ʋ dãbol-ƴɛ̀rʋ ta damnɛ fʋ a.

¹⁴Bʋ̃ʋ n'ʋ tɩbrɛ zuo a kur-mɔrmɔr[9]? Sɔwfʋ been yõ n'ʋ: a dãbol sob'ʋ.

¹⁵Biire bɩɩ nyaarʋ nɩ vʋɔra, bɩɩ kur-gbil tuofʋ ɩ n mɔlɛ zuo dãbol sob tɛrʋ.

¹⁶Yir dàar bɛ na ƴãw a nyɔw taa vla a, bɛ tawr yaarɛ a tẽsɔw kɔbr wa dam a ɩ. Lɛ n'a nɩr na tu n ʋ pʋɔ za bom ʋ na tɩɛrɩ vla vla bin a, kʋ̃ sàw bom dam ʋ a daar wa ta a ɩ.

¹⁷Yel fʋ na tɩɛr'ɩ yã yel kɛ́ fʋ na ɩ na a, ʋ mɩ́ ɩ na mɛ̃ vɩɛlʋ bom kãw na ƴãw dacĩ-saala zu a.

¹⁸A kʋsɛ-cãpʋrmɛ na dɔwlɩ a dacin zu a, sɛsɛb wa fure a, a bɛ ganɛ ɩ. Lɛ mɩ́ n'a a sob nɛ zie a dãbol-tɩɛrʋ na mɩ́ ƴãwnɛ a dɛ̃bɩ̃ɛ a: dɛ̃bɩ̃-sãsaralɛ, ɛ́ ʋ faa lo! A báalʋ pùor-tub

¹⁹Nɩr wa ŋmɛ mimir a, a mʋta-kʋ̃ɔ mɩ́ yi na, ɛ́ nɩr wa tɔ a socir a, a ʋ tɩɛrʋ mɩ́ sãá na.

²⁰Nɩr wa lɔbr lili nɩ kʋsɛbɛ a, ʋ mɩ́ ɩ na a ƴaw, nɩr na yere a ʋ bá a sãwnɛ nɩ a báalʋ.

²¹Fʋ̃ʋ wa vʋ̃ɔ sʋɔ bá ƴãw a, a yele za bɛ sãw ɛ: ʋ na tʋ̃ɔ́ na lɛb wa.

²²Fʋ̃ʋ nɩ ʋl wa zɛb taa a, taa zɔrɛ dɛ̃bɩ̃ɛ ɩ: nyɩ na tʋ̃ɔ́ na lɛb kpɛ taa. Ɛcɛ fʋ̃ʋ wa tʋʋr ʋ, fʋ̃ʋ bɛ wa bʋɔlɛ ʋ nɩr, fʋ̃ʋ wa manɛ a ʋ yel-sɔwlɩ bɩɩ fʋ̃ʋ wa sɔwlɛ yere ʋ a, a yele á ŋá na ɩ n bá za ʋ zɔ.

²³Ɩ a fʋ tɔ kpɛ-ta sob, ʋ na ɩ nã́w sob a, lɛ n'a ʋlɛ wa tɛr a a lɛn daar a, fʋ na nyɛrɛ maalʋ. Tu a ʋ pùor a ʋ kpɩɛrʋ daar, ʋlɛ wa dɩ a gbãw a lɛn daar a, fʋ na páw nɩ a fʋ dem.

²⁴Mɛ̃ a lɛ fʋ na mɩ́ nyɛ̃ kʋ̃ɔ-tʋlʋ úuru bɩɩ zʋ̀ʋ́r bãw kɛ́ vũu be n be a, lɛ mɩ́ n'a, fʋ̃ʋ wa wone zʋmɛ na tʋʋr a, fʋ mɩ́ bãw kɛ́ zɩ̃ɩ na cir'a.

²⁵Ɩ̃ bɛ be za na zɔ vĩ bá gub ƴãw ɛ, ʋlɛ wa tɛr ɩ̃ yel-ɩra a, ɩ̃ bɛ sɔwlɛ ɩ.

²⁶Ɛcɛ ʋlɛ wa n'ʋ so yele fɛrɛ mɛ̃ a, bɛlɩ dem za nãà mɩ́ wa wõ a a, na mɩ́ cɩ́rɛ nɩ a ʋ ƴãw. Puoru kɛ́ fʋ tʋ̃ɔ́ so fʋ tʋɔra

²⁷Ɩ̃ bɔbr'a kɛ́ nɩr nãá piwre a ɩ̃ nʋɔr, ɛ́ kpà a ɩ̃ nɔgbãbie dɩ̃dɔr. Lɛ n'a a ɩ̃ ƴɛ̀rʋ kʋ̃ʋ mab ɩ ɩ̃ lo ɩ, ɛ́ a ɩ̃ nʋɔr kʋ̃ ɩ ɩ̃ bɔr ɛ.