Read Dagara, Northern Bɛn Sɩɩra 25 Bible Online

Bɛn Sɩɩra 25 - Dagara, Northern bible

Bɛn Sɩɩra 25

¹Bʋ̃-vɩɛlɩ ata nɩ bʋ̃-faar ata Bome ata kãw be n be ɩ̃ bɔbr tuotuo, ɛ́ a Sore nɩ a nɩsaalbɛ nɔnɛ a: yɛbr na wone taa a, báalʋ nɩbɛ na kpɩɛr pɩɛl taa a cara pʋɔ, dɛb nɩ pɔw na wone taa vla a.

²Nɩ-pɛ-bʋʋrɛ ata kãw be n be ɩ̃ bɛ nɔnɛ ɩ, ɛ́ a ɩ-ɩrɩ mɩ́ kʋrɛ mɛ̃ suur: nã́w sob na ɩrɛ pɔ̀l-ɩb a, nɩr na kpɛ naalʋ ɛ́ ɩ zir-ŋmarɛ a, dɛb-nyãw na bɛ tɛr yã ɛ́ maalɛ pɩ̃ɔ-yele a. A dɛb-nyamɛ

³Fʋ̃ʋ bɛ wa bɔ bom za bin a fʋ pɔ̀lʋ daarɩ́ a, bʋ̃ʋ n'ʋ fʋ na tɛr fʋ̃ʋ wa kor a?

⁴Nyɛ̃ a yele jielu na kpɛ taa nɩ a zukɔbr-pɛlɛ, ɛ́ a yã-wulu kpɛ taa nɩ a nɩ-kore a!

⁵Nyɛ̃ a yã-bãwfʋ na kpɛ taa nɩ a dɛb-nyamɛ, ɛ́ a tɩɛrʋ tɛrʋ nɩ a yã-wulu kpɛ taa nɩ a nɩ-tɩbr a!

⁶A dɛb-nyamɛ dɛpaal-kpawʋɔ n'ɩ a bãwfʋ bɛ na bãw yaga za a, ɛ́ a bɛ nyʋ̀ʋ́r bom n'ɩ a Sore bɛ na zɔrɛ a. Nʋ̃ɔ̀ na gãw a nʋ̀ʋr za a

⁷Bome piwaɩ n'a ɩ̃ nyɛ̃ k'a nʋmɛ, ɩ̃ɩ na tʋ̃ɔ́ na yel pie sob ƴãw: zu-nʋ̃ɔ̀ sob'ɩ sob nɛ na nyɛrɛ nʋ̃ɔ̀ a ʋ bibiir ƴãw, ɛ́ na tʋ̃ɔ́ mɩ́ cãà vʋʋrɛ ɛ́ nyɛ̃ a ʋ dɔ̃ dem loba a!

⁸Zu-nʋ̃ɔ̀ sob'ɩ sob nɛ na lãw kpɩɛr'ɩ pɔw na tɛr yã a, sob nɛ na bɛ dãw ƴɛ̀r sãw a, nɩ sob nɛ na bɛ tõ kʋ̀ nɩ-kpɛ̃ɛ ʋ na zuo a ɩ.

⁹Zu-nʋ̃ɔ̀ sob'ɩ sob nɛ na tɛr yã ɛ́ ƴɛ̀rɛ nɩbɛ na bɛrɛ wone ʋ a zie a.

¹⁰Nɩr na nyɛ̃ a yã-bãwfʋ a sɩrɩ na ɩ kpɛ̃ɛ, ɛcɛ nɩr bɛ zuore a sob nɛ na zɔrɛ a Sore a ɩ.

¹¹A Sore zɔba zuo nɩ bom za. Sob nɛ na tɛr ʋ a, bɛ tɛr ʋ tɔ ɩ. A pɔw-faa yele

¹³Natɩr bɛ be be kpɛ faa zuo a socir natɩr ɛ, po-tuolu bɛ be be gãw pɔw po-tuolu ɛ.

¹⁴Kpɩɛrʋ bɛ be be zuo a kpɩɛrʋ a dɔ̃ na wa n a ɩ, san-yaafʋ bɛ be be bùore zuo a san a dɔ̃ sob na yáa a ɩ.

¹⁵Lɔw bɛ be be kpɛ faa zuo waab lɔw ɛ, suur mɩ̀ bɛ be be kpɛ faa zuo pɔw suur ɛ.

¹⁶Mãa lãw kpɩɛr'ɩ gbẽw bɩɩ wa-bɩɛ a, alɛ sa ɩ̃ na na lãw kpɩɛr'ɩ pɔw na kpɛ po-tuo a.

¹⁷Pɔw po-tuolu mɩ́ ɩ na ʋ bɛ cãà ŋmɛ̃ a ʋ ŋmɛ̃a a ɩ, a ʋ niwn mɩ́ sɔb'a, ɩ ʋ ŋmɛ̃ taa nɩ wɛ-dʋ̃w kãw bɛ na bʋɔlɛ ursɩ a.

¹⁸A ʋ sɩr mɩ́ cen nɩ a ʋ kpɛ-pɩɛl dem zie tɩ dɩ, ɛ́ mɩ́ cãà bãw gu kone a ʋ kpɩɛrʋ.

¹⁹Po-to-ɩb kãw za bɛ ɩ bom man pɔw po-to-ɩb ɛ. A ʋ yele, a wa baarɩ mɛ̃ a yel-bebe dem yele a!

²⁰Dɛb-nyãw na dúor sɔ́r na ɩ biire a, à ŋá n'a a pɔw-ƴɛ̀ra ŋmɛ̃ sɩr na bɛ damnɛ a zie.

²¹Ta sàw pɔw vɩɛlʋ nyɔw fʋ ɛ, ta bɔbr ʋ a ʋ tɛra ƴãw ɛ.

²²Sɩr a pɔw na kaarɛ a, ʋ bãwnɩ a suur, a bɛ-ƴãwfʋ ɩ-ɩrɩ nɩ a vĩ-kpɛ̃ɛ.

²³Kanyir za na baarɩ a, niw-sãwna nɩ socir natɩr, a pɔw-po-tuo sob tome n'ɩ à á ŋá. Nuru na bɛ damnɛ a, dume na bɛ tɛr fãw a, pɔw na bɛ ɩrɛ a ʋ sɩr nyɛrɛ nʋ̃ɔ̀ a tome n'ɩ à á ŋá.

²⁴Pɔw n'ʋ só a yel-bier tĩ, ʋlɛ n'ʋ só tɩ za kpiir.

²⁵Ta bɛr a fʋ sa-bie-kʋ̃ɔ-bɔw kʋ̃ɔ a cire ɩ, mɩ̀ ta bɛr pɔw-po-tuo sob ʋ ƴɛ̀rɛ lɛ ʋ na bɔbr a ɩ.

²⁶Ʋlɛ bɛ wa sàwr a fʋ nʋɔr a, ɩ nyɩ bʋ́r taa, ír ʋ.