Read Dagara, Northern Bɛn Sɩɩra 26 Bible Online

Bɛn Sɩɩra 26 - Dagara, Northern bible

Bɛn Sɩɩra 26

¹Pɔw-vla kulu tɛr'ɩ nʋ̃ɔ̀ Sɩr na tɛr pɔw-vla a, ʋ tɛr'ɩ zu-nʋ̃ɔ̀, ʋ na vʋʋr'a cɛlɩ gb'a ayi.

²Pɔw na tɛr soci-kpɛ̃w a mɩ́ ƴãw nɩ a ʋ sɩr nʋ̃ɔ̀, a ʋ sɩr mɩ́ bãw nɩ a ƴã-ɓaarʋ a ʋ nyɔ-vʋʋrʋ daar za.

³Pɔw-vla ɩ n bʋ̃-kʋ̀ra na vɩɛl vɩɛl a, sob nɛ na zɔrɛ a Sore a n'ʋ mɩ́ páw ʋ.

⁴Ʋ tɛr a na bɩɩ ʋ ɩ n nã́w sob a, a nɩr ŋa mɩ́ tɛr'ɩ su-nʋ̃ɔ̀, ɛ́ a ʋ niwn mɩ́ vɩɛl kʋralɛ. A pɔw na bɛ ɩrɛ vla a

⁵Bome ata kãw be n be ɩrɛ mɛ̃ dɛ̃bɩ̃ɛ, ɛcɛ anaar sob kãw be n be ƴãwnɛ pʋl-vʋ̃ɔ: ƴɛ̀rʋ bɛ na ƴɛ̀rɛ a tẽ-kpɛ̃ɛ pʋɔ a, zu-sɛbla na ɓã taa a, ziri bɛ na ŋmãa ƴãw nɩr a. À á ŋá za kpɛ n faa zuo a kũu.

⁶Ɛcɛ kpɩɛrʋ bɛ be be kpɛ faa zuo pɔw na nyuur'ɩ ʋ pɔw tɔ, ɛ́ a nʋɔr bɛ lɛb maal vɩɛl ƴãw pʋɔ a ɩ.

⁷Pɔw-po-tuo sob mɩ́ ɩrɛ na a kpɩɛr fʋ man dàa na bɛ 'lẽ vla a ni-kʋ́ɔrɩ nyuru zu a. Fʋ na bɔbr kɛ́ fʋ tʋ̃ɔ́ ʋ a, a ɩ na mɛ̃ nãw fʋ na nyɔwr a.

⁸Pɔw-dã-kuole mɩ́ ɩrɛ nɩ suur yaga, ʋ bɛ mɩ́ lɛb tʋ̃ɔ́ sɔwlɩ a ʋ faalʋ ɛ.

⁹Pɔw ɩb na bɛ vɩɛl a mɩ́ sãá nɩ a ʋ jɩ́rʋ ʋ na mɩ́ jɩ́r fʋ bɛ va mimir a pʋɔ. Bɛ mɩ́ nyɛ̃ ʋ na bãw a ʋ mimie kpɩmnʋ pʋɔ.

¹⁰Powle bɛ wa bãw ʋ tʋɔra nyɔwfʋ a, fʋ̃ʋ lɛb bãw ƴãw fãw piwre ʋ. Alɛ bɛ ɩ lɛ, ʋlɛ wa dɛ nyɛrɛ vuo a, a ʋ yã nʋ̃ɔ̀ n'a.

¹¹Piwre a jɩ́rʋ ʋ na mɩ́ jɩ́r fʋ bɛ va mimir a, ɛ́ ʋlɛ wa bɛlɩ fʋ a, a ta ɩ uru a fʋ zie ɩ.

¹²Mɛ̃ sɔr-cene kʋ̃ɔ-nyúur na kʋrɛ ʋ nyúur kʋ̃ɔ za ʋ na mɩ́ tuori tɔ a, powle na bɛ bãw ʋ tʋɔra nyɔwfʋ a mɩ́ sàw nɩ a weru za, ɛ́ yuo a ʋ lɔw a pime za ƴãw. A pɔw-vla bɛ na danɛ a

¹³Pɔw vɩɛlʋ mɩ́ ɩrɛ nɩ a ʋ sɩr nʋ̃ɔ̀, ɛ́ a ʋ bãwfʋ ɩrɛ k'ʋ tɛr ƴã-ɓaarʋ.

¹⁴Pɔw na bɛ ƴɛ̀rɛ yaga a ɩ n Sore bʋ̃-kʋ̀ra, ɛ́ bom za bɛ man nɩr bɛ na wul vla a ɩ.

¹⁵Pɔw na ƴãwnɛ ʋ tʋɔra a ɩ n maalʋ na ɩ maalʋ a, ɛ́ bom bɛ be be bɛ nɔnɛ gãw nɩr na bɛ ɩrɛ pɩ̃ɔ-ɩb a ɩ.

¹⁶Mɛ̃ a lɛ a mʋ̃tɔ̃w na mɩ́ do do tɩ ár a, lɛ n'a a pɔw-vla vɩɛlʋ ŋmɛ̃, a ʋ yir ʋ na maal tɛr vla a pʋɔ.

¹⁷Ƴã-gan na mɛ vla ƴãw niw-vla a ɩ na mɛ̃ fɩ̃tɩlɛ na 'lere a fɩ̃tɩlɛ dɔwlʋ zi-sõw zu a.

¹⁸Gbɛ-vɩɛlɩ gbɛnakɔɛ na kpɛmɛ a zu ɩ na mɛ̃ salm-zɩɛ kpule na dɔwlɩ salm-pla pɛr zu a. Su-sãwna yele ata kãw

²⁸Yele ayi kãw be n be sãwnɛ mɛ̃ suur, ɛcɛ ata sob kãw mɩ́ ɩ na ɩ̃ sɩrɩ nyɛ̃ suur: soja-kʋra nãw-woro na nyɔw a, nɩbɛ na tɛr yã ɛ́ bɛ bɛ ŋmɛlɛ kaar bɛ a, ɛ́ baa zuo a za nɩr na bɛr a vla maalʋ ɛ́ maalɛ a faa a. A Sore bɛr ʋ na gùre nɩ a zɛbr-sɔ-kpɛ̃ɛ kũu. A yɛ̀rʋ́ yel-faar

²⁹A yel-libelibe nɩɩr-bɛrʋ kpɛmɛ nɩ a yɛ-yɛrɛ zie, a bʋ̃-kʋ̀ɔrɛ kʋ̃ tʋ̃ɔ́ bɛ mɩ́ tɛr sãwna ɩ.