Read Dagara, Northern Bɛn Sɩɩra 27 Bible Online

Bɛn Sɩɩra 27 - Dagara, Northern bible

Bɛn Sɩɩra 27

¹A tɔnɛ páw-dɔwlʋ ƴãw a, yaga tɛrɛ nɩ sãwna. Sob nɛ na bɔbr k'ʋʋ kpɛ naalʋ a, bɛ lɛb cɛlɛ bom za zie ɩ.

²Mɛ̃ a lɛ kpawbir na mɩ́ tɔl kpɛ kʋsɛbɛ ayi cara pʋɔ a, lɛ n'a a yel-bier mɩ̀ mɩ́ tɔl kpɛ a bʋ̃-kʋ̀ɔrɛ nɩ a bʋ̃-daarɛ cara pʋɔ.

³Nɩr bɛ wa ƴãw fãw zɔrɛ a Sore a, a ʋ yir kʋ̃ yaa kɛ́ lo ɩ. A nɩr ƴɛ̀rʋ n'a mɩ́ wul a ʋ ŋmɛ̃a

⁴Bɛlɛ wa tɛwtɛw a zɛla a, a sagɛ mɩ́ gã na. Lɛ mɩ̀ n'a a nɩr faalʋ mɩ́ sãá a lɛn daar ʋ na ƴɛ̀rɛ a.

⁵Mɛ̃ a lɛ a vũu na mɩ́ ɩ bɛ bãw a yawr-mɩɛrɛ bʋ̃-mɩɛrɩ vɩɛlʋ a, lɛ n'a a nɩr ƴɛ̀rʋ mɩ̀ mɩ́ wul a ʋ ŋmɛ̃a.

⁶A tɩɛ wɔmɛ n'a mɩ́ wul a lɛ bɛ na kàa ʋ a, lɛ n'a a nɩr ƴɛ̀rʋ mɩ́ ɩ bɛ bãw a lɛ ʋ na tɩɛrɛ a.

⁷Ta mʋʋrɩ nɩr ʋʋ bɛ ƴɛ̀r sɛr fʋ wõ ɩ, bʋ̃ʋ n'ʋ vɛ̃, fʋ̃ʋ wa wõ a ʋ ƴɛ̀rʋ a n'a fʋ mɩ́ bãw a ʋ ŋmɛ̃a. À ɩrɛ-vla

⁸Fʋ̃ʋ wa bɔbr a mɩnʋ a, fʋ na páw ʋ na, ɛ́ fʋ na su ʋ na mɛ̃ dɛpaal-kpar-kpɛ̃ɛ a.

⁹A lili na ɩ bʋʋr-been a mɩ́ ɓanɛ nɩ taa, lɛ n'a a yel-mɩŋa pùor-tub waar'ɩ a yel-mɩŋa.

¹⁰A gbẽw ũú na gù a ʋ bʋ̃-nyɔwra, lɛ n'a a yel-bier jɩɛrɛ a bɛlɩ dem na ɩrɛ a faa a.

¹¹Nɩr na tu a Sore a, a ƴɛ̀rʋ mɩ́ ɩ n yã-bãwfʋ tɛwr kʋralɛ, ɛcɛ a dãbol sob mɩ́ lɩɛbɛ na mɛ̃ cuw a.

¹²Ta mɩ́ zɩ̃ cɛlɩ a dãbole dem sɔgɔ ɩ, ɛcɛ nɩ̃ɛ mɩ́ cɛlɩ nɩbɛ na tɛr yã a sɔgɔ.

¹³A yã-bɛ-ta mɩnɛ ƴɛ̀rʋ mɩ́ kʋrɛ nɩ suur, ɛ́ bɛlɛ wa laar a, a wul'a kɛ́ sãwna n'a bɛ sãwnɛ dɔwlɛ taa.

¹⁴A bɛlɩ dem na mɩ́ pɔrɛ a kʋralɛ a ƴɛ̀rʋ mɩ́ bɩrɛ nɩ zugamɛ, ɛ́ bɛlɛ wa zɛbr taa a, a nɩbɛ mɩ́ pàw nɩ a tobe.

¹⁵A pɔ̀lʋ dem zɛb-taa mɩ́ waar'ɩ nɩ zɩ̃ɩ ciru, a bɛ zʋm-bie bɛ mɩ́ maal'ɩ wob ɛ. A yel-sɔwlɩ maal-tɛrʋ

¹⁶Nɩr na ɩ yel-sɔwla ʋ yi a sãw nɩ a tɩɛrʋ bɛ na ƴãw a ʋ ƴãw a bɛr, ʋ kʋ̃ lɛb tʋ̃ɔ́ nyɛ̃ bá na ɩ bá a ɩ.

¹⁷Nɔnɛ a fʋ bá ɛ́ tu ʋ, ɛcɛ fʋ̃ʋ wa ɩ a ʋ yel-sɔwlɩ a yi a, fʋ̃ʋ ta cãà zɔrɛ tuur ʋ ɛ.

¹⁸A ʋ báalʋ sɩrɩ na baarɩ a fʋ zie, mɛ̃ nɩr nɩr na kpi a baarɩ a ʋ zie a.

¹⁹Mɛ̃ lile fʋ na bɛr ʋ ƴaw a fʋ nũú cen a, lɛ n'a fʋ bɛr a fʋ bá ʋ cen, fʋ bɛ lɛb páwr ʋ ɛ.

²⁰Ta diwr bɩ́ɛrɛ ʋ ɛ, ʋ zãá na baarɩ, ʋ zɔ na mɛ̃ mɔlʋ na faa bɛra pʋɔ a.

²¹Bɛ na tʋ̃ɔ́ na sanɩ natɩr, tʋ taa zʋmɛ ɛ́ lɛb kpɛ taa, ɛcɛ ɩb za bɛ ka be, nɩr na ɩ yel-sɔwla ʋ yi a ƴãw ɛ. A zɛl-ɓɛra sob

²²Sob nɛ na kpɩmnɛ mimir a, cɔbrɛ nɩ yel-faar. Fʋ̃ʋ wa bãw ʋ a, zãá nɩ ʋ.

²³A fʋ niŋé a, a ʋ ƴɛ̀rʋ mɩ́ nʋmɛ na mɛ̃ sɩwr a, ɛ́ a fʋ ƴɛ̀rʋ mɩ́ ɩ ʋ nyɔw nʋɔr. Ɛcɛ fʋ̃ʋ wa gùr pùor a, ʋ mɩ́ lɩɛb'ɩ a ʋ ƴɛ̀rʋ, ɛ́ de a fʋ ƴɛ̀rʋ sãwnɛ nɩ a fʋ yúor.

²⁴Ɩ̃ bɛ nɔnɛ yel-yaga ɩ, baa zuo a za a nɩr ŋa bʋʋrɛ. A Sore mɩ́ bɛ nɔnɛ ʋ ɛ. Yel-faa bɛ bɛrɛ a ʋ maalɛ ɩ

²⁵Nɩr wa lɔb kʋsɩɛr bɛr saa-zu a, a ʋ zũú n'a ʋ na lo. Nɩr wa ŋmɛ nɩr zikurí a, lɛ n'a bɛ mɩ́ na ŋmɛ ʋ.

²⁶Nɩr wa tuw bɔw a, ʋ na lo n a ʋ pʋɔ, nɩr wa ƴãw bɛra a, a bɛra na nyɔw ʋ na.

²⁷A faa a nɩr na mɩ́ maalɩ a mɩ́ lɛb'a lo a ʋ zu, ʋʋ bɛ mɩ́ bãw nyɩnɛ n'a a yi wa páw ʋ ɛ.

²⁸A pɔ̀lʋ sob bom'ɩ a nɩbɛ ɩ-lab nɩ a nɩbɛ tʋb, ɛcɛ a san-yaafʋ gùre ʋ na, mɛ̃ gbẽw na ũú gù bom a.

²⁹A bɛlɩ dem na mɩ́ cɩlɛ a kpɩɛrʋ na páw a nɩbɛ na tu a Sore a ƴãw a, na kpɛ n bɛra pʋɔ: bɛ na wõ n tuo ɛ́ bãw kpi. Suur nɩ pʋ-bier bɛ vɩɛl towtow ɛ

³⁰Bom mɩ́ na bɛ vɩɛl towtow a n'ɩ a pʋ-bier nɩ a suur na ɩ a yel-bier sob bom a.