Read Dagara, Northern Bɛn Sɩɩra 3 Bible Online

Bɛn Sɩɩra 3 - Dagara, Northern bible

Bɛn Sɩɩra 3

¹A bibiir tõ-fɛrɩ a bɛ dɔwrbɛ zie Ɩ̃ bibiir i, nyɩ bɛrɛ wone a nyɩ sãà wulu, nyɩ tuur a, nyɩ na mɩ́ yi na zaa fɛrʋ za pʋɔ.

²Bʋ̃ʋ n'ʋ vɛ̃, a Sore kʋ̀ n nɩ-kpɛ̃ɛnʋ a sãà a ʋ bibiir zu, ʋ ƴãw nɩ a lɛ a mã na tɛr sɔ́r na ɩrɛ a ʋ bidɛbr zie a.

³Sob nɛ na ƴãwnɛ a ʋ sãà a, ʋ mɩ́ ya n a ʋl mɩŋa yel-bebe san.

⁴Sob nɛ na ɩrɛ a ʋ mã tɛr yúor a, ʋ bɔbr'ɩ na-bome gbone taa.

⁵Sob nɛ na ƴãwnɛ a ʋ sãà a, a ʋ bibiir tɛɛ za na ƴãw ʋ nɩ nʋ̃ɔ̀. Ʋlɛ wa puore a ʋlɩ bibir a, a Sore na de nɩ a ʋ puoru.

⁶Sob nɛ na ɩrɛ a ʋ sãà tɛr yúor a, ʋ na vʋʋr'a cɛlɩ. Sob nɛ na sàwr a Sore nʋɔr a, ʋ mɩ́ ɩrɛ na nʋ̃ɔ̀ kpɩɛr a ʋ mã,

⁷ʋ mɩ́ tone nɩ a ʋ dɔwrbɛ mɛ̃ a ʋ zuru dem nɛbɛ a.

⁸Ƴãwnɛ a fʋ sãà a fʋ ɩ-ɩrɩ nɩ a fʋ ƴɛ̀rʋ pʋɔ, a ʋ nɔ-vla tʋ̃ɔ́ tuur fʋ.

⁹Bʋ̃ʋ n'ʋ vɛ̃, sãà nɔ-vla mɩ́ ɩ n a bibiir yir ʋ kpɛmɛ, ɛ́ a mã ŋmɛ-ƴãw dam a yir pɛr.

¹⁰Ta zɛwr fʋ tʋɔra nɩ a fʋ sãà yo-sãwna ɩ, a fʋ sãà yo-sãwna kʋ̃ tʋ̃ɔ́ ɩ a fʋ yo-vla ɩ.

¹¹Bʋ̃ʋ n'ʋ vɛ̃, a fʋ sãà wa nyɛrɛ ƴãwfʋ a, a fʋ ƴãwfʋ mɩ̀ n'a. Mã na bɛ nyɛrɛ ƴãwfʋ a, a mɩ́ ɩ n a ʋ bibiir vĩ.

¹²Ɩ̃ bie e, kaarɛ a fʋ sãà zie a ʋ koru pʋɔ, ta ɩ k'ʋ tɛr pʋ-sãwna a ʋ cãafʋ daar ɛ.

¹³A ʋ yã saa wa yi a, fʋ̃ʋ mɩ́ cãà nyɔw fʋ tʋɔra a ʋ ƴãw. Taa jewre ʋ ɛ, fʋ̃ʋ na cãà kpɛmɛ kpɛmɛ a.

¹⁴Naaŋmɩn kʋ̃ yiiri a fʋ sãà fʋ na maalɩ a bɛr ɛ, a maalʋ á ŋá na ír'ɩ a fʋ sãwna yaga bɛr fʋ.

¹⁵Fʋ̃ʋ wa be kpɩɛrʋ pʋɔ a, a Sore na tɩɛr'ɩ a fʋ yele. A fʋ sãwna na bɔr'a mɛ̃ sa-pupure na nyɩl mʋ̃tɔ̃w pʋɔ a.

¹⁶Ɛcɛ sob nɛ na jɛ a ʋ sãà bɛr a ɩ na mɛ̃ nɩr na tʋʋr Naaŋmɩn zʋmɛ a. Sob nɛ na ƴãwnɛ a ʋ mã pʋ-sãwna a, a Sore na ŋmɛ na ƴãw ʋ. A tʋɔra-siwru

¹⁷Ɩ̃ bie e, bom za fʋ na ɩrɛ a, ɩrɛ bàalʋ bàalʋ, ɛ́ a nɩbɛ na nɔnɛ fʋ na zuo nɩr na tɩrɛ a.

¹⁸A lɛ fʋ na ɩ a kpɛ̃ɛ sɛw a, a lɛ n'a a fɛr kɛ́ fʋ síwre fʋ tʋɔra, lɛ n'a a Sore pʋɔ na pɛlɩ a fʋ ƴãw.

²⁰Bʋ̃ʋ n'ʋ vɛ̃, a Sore kpɛnʋ bɛrmɛ na, ɛcɛ a su-siwri dem nɛbɛ ɩrɛ k'ʋ nyɛrɛ a yúor-vɩɛlʋ-danʋ.

²¹Bom na kpɛmɛ zuo fʋ a, ta bɔbr ʋ ɛ, bom na gãw a fʋ fãw a, ta ŋmɛlɛ kaar ʋ ɛ.

²²Tɩ́ɛrɛ a nɛ-ƴãwnɩ bɛ na ƴãw kʋ̀ b a, ta kaarɛ a yel-sɔwlɩ zie ɩ.

²³Ta yel kɛ́ fʋ tõ tome na kpɛmɛ zuo fʋ a ɩ: a alɩ yele fʋ na nyɛ̃ baarɩ a, a gãw nɩ a al a nɩsaal na na tʋ̃ɔ́ bãw a pɛr a.

²⁴Nɩbɛ yaga tuli na, bɛ na bɔbr kɛ́ bɛ tɩɛrɩ bãw bom za a, a bɛ tɩɛr-zawlɛ mɩ́ ɩ na a bɛ tɩɛrʋ bɛ tori ɛ. A pɔ̀lʋ

²⁶A zu-kpɛ̃w sob baarʋ kʋ̃ ɩ ʋ vla ɩ. Sob nɛ na nɔnɛ a faa a na lo n a faa pʋɔ.

²⁷Kpɩɛrʋ n'a na dĩ a zu-kpɛ̃w sob. Ʋ bɛ ɩrɛ vla ɩ, ɛ́ sãwnɛ a sãwna dɔwlɛ taa.

²⁸A pɔ̀lʋ sob faa bɛ tɛr tɩ̃ɩ ɛ, bʋ̃ʋ n'ʋ vɛ̃, a faalʋ mʋ̃ɔ tɛ n nyɩgɛ a ʋ pʋɔ.

²⁹Nɩr na tɛr yã a mɩ́ tɛr'ɩ a yã-bãwnbɛ zʋkpaɩ tɩɛrɛ. Tobr na cɛlɛ be a, à ŋá n'a a yã-bãwnɛ bɔbr. A taabɛ sõwfʋ

³⁰Mɛ̃ a lɛ a kʋ̃ɔ na mɩ́ kpiiri vũu na dɩrɛ a, lɛ n'a a nã́w sob sõwfʋ íre a sãwna bɛrɛ.

³¹Sob nɛ na ɩrɛ vla a cɔbrɛ nɩ a nɩdaar, ʋlɛ wa lore a lɛn daar a, ʋ na nyɛ̃ nɩ tɩɛfʋ zie tɩɛ.