Read Dagara, Northern Bɛn Sɩɩra 30 Bible Online

Bɛn Sɩɩra 30 - Dagara, Northern bible

Bɛn Sɩɩra 30

¹A bibiir wulu Sob nɛ na nɔnɛ a ʋ bidɛb a bɛ bɛrɛ a ʋ fɔbrʋ ɛ. Nɩdaar a, a bidɛb ŋa n'ʋ na ƴãwnɛ ʋ a nʋ̃ɔ̀.

²Sob nɛ na wule a ʋ bidɛb vla a, nʋ̃ɔ̀ nãà ɩrɛ ʋ nɩ a ʋ ƴãw. Ʋ na mɩ́ nyʋʋr'ɩ a ʋ ƴãw, a ʋ nɩ-bãwnɩ sɔgɔ.

³Sob nɛ na wule a ʋ bidɛb a na ɩ na a ʋ dɔ̃ dem kpɛ nyuur, ɛ́ a ʋ bárɩ niŋé a, nʋ̃ɔ̀ na mɩ́ tɛr ʋ nɩ yaga.

⁴A sãà wa kpi a, a na ɩ na mɛ̃ ʋ bɛ kpi a. Bʋ̃ʋ n'ʋ vɛ̃, a ʋ pùorí a, ʋ bɛr'ɩ nɩr na ŋmɛ̃ taa nɩ ʋ a.

⁵A ʋ cãafʋ daar a, nʋ̃ɔ̀ ɩ ʋ nɩ a ʋ bidɛb nyɛ́b ƴãw, ɛ́ a ʋ kũu daar a bɛ ɩ ʋ kpɩɛrʋ ɛ.

⁶Ʋ bɛr'ɩ nɩr na na yáa a ʋ san a ʋ dɔ̃ dem zie a, ɛ́ wul a ʋ bárɩ k'ʋʋ bɛ yiiri a vla bɛ na maalɩ ʋ a ɩ.

⁷Sob nɛ na sãwnɛ a ʋ bidɛb bɛrɛ a, a na fɛr'a ʋ sanɩ a ʋ natɩɛ. A bie dɛ mɩ́ wa yel k'aa kon n'a a, ʋ mɩ́ zɩnɛ na guur.

⁸Wur bɛ na bɛ bàl vla a, a ʋ zɔmnʋ kpɛmɛ na, bie bɛ na bɛr ʋ ɩ ʋ ɩb mili a, bɛ bɛ mɩ́ wa tʋ́ɔr ʋ ɛ.

⁹Ƴãw fãw ɓaalɛ a bibile, ʋʋ nãà ɩ n ɩb a ur fʋ. Fʋ̃ʋ wa dɩ̃ɛnɛ nɩ ʋ a, ʋ na ɩ na fʋ kõ.

¹⁰Ta ɩ nyɩ lãw laar ɛ, ʋ taa wa só fʋ wone tuo, ɛ́ mɩ́ 'wɔb 'wɔb a nʋɔr zawlalɛ ɩ.

¹¹Ta bɛr ʋ ʋ só ʋ tʋɔra ʋ na cãà pɔ̀lɛ a ɩ.

¹²Ŋmɛ ʋ a lõbowe ƴãw, ʋ na cãà ɩ pʋrɩ a, alɛ bɛ ɩ lɛ, ʋ na kpɛ n bɛ-won bɛ cãà sàwr a nʋɔr ɛ.

¹³Ƴãw fãw tu a fʋ bidɛb wulu pùor, wul ʋ vla, ʋ taa wa ƴãwnɛ fʋ vĩ nɩ a ʋ ɩ-ɩrɩ ɛ. A ƴã-ɓaarʋ

¹⁴Fʋ na ɩ nã́w sob, ɛ́ kpɛmɛ tɛr ƴã-ɓaarʋ a, alɛ sa fʋ na tɛr a, ɛ́ lore a bàalʋ kʋralɛ a.

¹⁵A ƴã-ɓaarʋ nɩ a fãw sa n a tẽ-daa salm-zɩɛ za. A ƴã-gã-kpɛ̃w sa n tɛra na bɛ vʋʋr a.

¹⁶Naalʋ kãw za bɛ be be ta a ƴã-gan ƴã-ɓaarʋ ɛ, nʋ̃ɔ̀ kãw za bɛ be be gãw a socir nʋ̃ɔ̀ ɩ.

¹⁷A kũu sa fʋ na na ɩrɛ a wʋ̀ʋr a, a kpi-pɩ̃ɛn sa bàalʋ na bɛ tɛr nãà baarɩ a.

¹⁸Bʋ̃-dɩ-nʋʋr bɛ na kʋ̀ bàal dɩb vʋla na bɛ kpɩɛr a, ɩ na mɛ̃ dɩb bɛ na kʋ̀ tɩɩb a.

¹⁹A yel-ɩra n'ɩ bo, bɛ na de a kʋ̀ tɩɩb na kʋ̃ tʋ̃ɔ́ a dɩ, ɛ́ kʋ̃ tʋ̃ɔ́ wõ a nyũu a? Lɛ n'a a mɩ̀ ŋmɛ̃ a bàal, a Sore na bɛr ʋ nyɛrɛ a wʋ̀ʋr a zie:

²⁰ʋ mɩ́ jɩ́r'ɩ a dɩb á ŋá, ɛ́ vʋʋrɩ fãa, mɛ̃ dɛ-vár na kãkori pɔwsɩrale ɛ́ vʋʋrɩ fãa a. A nʋ̃ɔ̀

²¹Ta ɩ a pʋ-sãwna tɛr fʋ ɛ, ɛ́ ta ƴãw fʋ tʋɔra kpɩɛrʋ nɩ a tɩɛrʋ ɛ.

²²A su-nʋ̃ɔ̀ n'ɩ a nɩr nyɔ-vʋʋrʋ, ɛ́ a ʋ pʋ-pɩɛlʋ mɩ́ ɩ a ʋ nyɔ-vʋʋrʋ bibie a tɔl nidaa.

²³Ɩ a fʋ tɩɛrʋ ʋ lɩɛbɩ, mɔwlɩ a fʋ socir, ɛ́ diw a pʋ-sãwna ʋ zãá nɩ fʋ. Bʋ̃ʋ n'ʋ vɛ̃, a pʋ-sãwna sãw nɩ nɩ-yaga nyɔ-vʋʋrʋ, ʋ bɛ tɛr yel-ɩra ɩ.

²⁴A nyuur nɩ a suur mɩ́ ɩ na a nyɔ-vʋʋrʋ ɩ ŋmãa, ɛ́ a tɩɛrʋ ɩ fʋ pʋ̃ɔ̀ kor.

²⁵Fʋ̃ʋ wa tɛr pʋ-pɩɛlʋ a, a dɩb vʋla mɩ́ kpɩɛr fʋ na, fʋ mɩ́ cɛlɛ nɩ a alɩ bome nɛ fʋ na dɩrɛ a zie.