Read Dagara, Northern Bɛn Sɩɩra 34 Bible Online

Bɛn Sɩɩra 34 - Dagara, Northern bible

Bɛn Sɩɩra 34

¹A zánʋ yele Nɩbɛ na bɛ tɛr yã a yõ nɛbɛ a tɩɛrʋ na bɛ be nãà maalɩ a bɛ̀lɛ, ɛ́ a dãbole nɛbɛ a zánʋ mɩ́ damnɛ.

²Nɩr na cɛlɛ a ʋ zánʋ zie a, ɓaarʋ n'ʋ ʋ bɔbr k'ʋʋ nyɔw, bɩɩ sɛsɛb'ʋ ʋ diwr.

³A bʋ̃-sɩza dasule tɛwr'ʋ fʋ mɩ́ nyɛ̃ a zánʋ pʋɔ, mɛ̃ a caala pʋɔ fʋ na mɩ́ nyɛ̃ a niwn dasule tɛwr a.

⁴Bʋ̃-vla na tʋ̃ɔ́ na yi bʋ̃-dɛwr pʋɔ bɩɩ? Yel-mɩŋa na tʋ̃ɔ́ na yi ziri pʋɔ ɔ?

⁵Bàwr-bʋwrbɛ ƴɛ̀rʋ, bãwfʋ na wule nɩdaar yele a, zánʋ, à á ŋá za bɛ tɛr pɛr ɛ. Pɔw na dɔwr a wone ʋ a, mɩ̀ mɩ́ tɩɛrɛ nɩ a yele á ŋá.

⁶A Naaŋmɩn-na-do-saa-bɛ-pɩɛl-a zie bɛ wa n'a a yi a, fʋ̃ʋ ta cɛlɛ a zie ɩ.

⁷Bʋ̃ʋ n'ʋ vɛ̃, a zánʋ ɩ na nɩ-yaga bɔr, ɛ́ a bɛlɩ dem na tɩ ƴãw a bɛ tɩɛrʋ a ƴãw a, bɛ lo na.

⁸A Sore Wulu bɛ tɛr a ziri á ŋá taabɛ yel-ɩra ɩ, ɛ́ a yã-bãwfʋ mɩ́ ƴɛ̀r'ɩ vla za nɩ a nɩr na bɛ lɛbr pùor a nʋɔr. A yɔb tɛr'ɩ yel-ɩra

⁹Nɩr na yɔ a bãw nɩ yaga, ɛ́ nɩr na bãw a mɩ́ ƴɛ̀rɛ nɩ nɩ yã.

¹⁰Nɩr na bɛ wõ tuo a mɩ́ bãwnɩ blãlɛ,

¹¹ɛcɛ sob nɛ na yɔ a mɩ́ bãw nɩ yel-yaga.

¹²Ɩ̃ nyɛ̃ nɩ yel-yaga a ɩ̃ yɔb pʋɔ, ɛ́ a yele ɩ̃ na bãw a zuo nɩ a al ɩ̃ na na tʋ̃ɔ́ yel a.

¹³Gb'a a ŋmɩn za, a nãá mɩ́ tɩ ɩ m'ɩ a kũu, ɛcɛ a ɩ̃ bãwfʋ n'a faa mɛ̃. A Naaŋmɩn zɔba

¹⁴Bɛlɩ dem na zɔrɛ a Sore a na vʋʋrɩ na cɛlɩ,

¹⁵bʋ̃ʋ n'ʋ vɛ̃, a sob nɛ na na tʋ̃ɔ́ faa bɛ a ƴãw n'a bɛ ƴãw a bɛ tɩɛrʋ.

¹⁶Sob nɛ na zɔrɛ a Sore a, bɛ tɛr bom za dɛ̃bɩ̃ɛ ɩ, ʋ bɛ mɩ́ màwr towtow ɛ, ʋ na ƴãw a ʋ tɩɛrʋ a ʋ ƴãw a zũú.

¹⁷Zu-nʋ̃ɔ̀ sob'ɩ sob nɛ na zɔrɛ a Sore a!

¹⁸Ãa n'ʋ na ɩ a ʋ kpa-tɩɛrɛ? Ãa n'ʋ na sõw ʋ?

¹⁹A Sore mimie mɩ́ tori nɩ a bɛlɩ dem na nɔnɛ ʋ a. Ʋ mɩ́ gù bɛ na nɩ fãw, ʋ mɩ́ tɩɛ bɛ na tɛr kpɛ̃w kpɛ̃w za. A Sore mɩ́ piw nɩ a sɛsɛb-tʋlʋ, ʋ mɩ́ ɩ n ɓaarʋ a mʋ̃tɔ̃-tuo daar, ʋ mɩ́ gù n a ʋ nɩbɛ a kpɩɛrʋ ƴãw, ʋ bɛ mɩ́ sàw bɛ lo ɩ.

²⁰Ʋ tɩrɛ nɩ kanyir, ɩrɛ nʋ̃ɔ̀ caalɛ a niwn. Ʋ tɩrɛ nɩ ƴã-ɓaarʋ, nyɔ-vʋʋrʋ nɩ maalʋ. A puoru ʋl na ɩ sɩza a

²¹A dʋ̃w fʋ na ɩ a ɩb a bɛ tu sɔ́r, ɛ́ fʋ páw maal'ɩ bàwr a, Naaŋmɩn n'ʋ fʋ ɩrɛ laar.

²²A bɛlɩ dem na zawrɛ a ʋ wulu a, ʋ bɛ dier a bɛ bʋ̃-kʋ̀rɩ ɛ.

²³A Naaŋmɩn-na-do-saa-bɛ-pɩɛl-a pʋɔ bɛ mɩ́ pɛlɩ a bɛlɩ dem na bɛ ŋmɛlɛ kaar ʋ a de-kʋ̀b bome ƴãw ɛ. A bàwr-maal dʋn nʋɔr ƴãw bɛ n'a ʋ mɩ́ dɩ a yel-bebe suur ɛ.

²⁴Nã́w sob bʋ̃-tɛrɩ fʋ na maal'ɩ bàwr a, a ɩ na mɛ̃ bidɛb fʋ na ŋmaarɩ a kɔkɛɛ a sãà niŋé a.

²⁵A nan dem mɩ́ bɔ n a bɛ nʋɔr-dɩb hanɩ nɩ, sob nɛ na mɩ́ ɩ bɛ bɛ páw a a, nɩ-kʋrɛ n'ʋ.

²⁶A fʋ tɔ n'ʋ fʋ mɩ́ kʋ, fʋ na mɩ́ de a alɩ bome nɛ na ɩ a ʋ nyɔ-vʋʋrʋ a.

²⁷Nɩ-kʋ n'ɩ fʋ na sɩb a tõ-tõ-bie a ʋ yar a.

²⁸Bʋ̃ʋ n'ʋ vɛ̃, ŋa mɩɛr'a ɛ́ ŋa darɛ lɔbr. Bʋ̃ʋ n'ʋ bɛ nyɛrɛ a pʋɔ, a bɛ ɩ kpɩɛrʋ tɛwr?

²⁹Ŋa puore na, ɛ́ ŋa ŋmɩɛr ƴãwn, a bɛ buor'ʋ a Zu-sob na bɛr wõ?

³⁰Nɩr na tɔ kũu so a dɛwr bɛr ɛ́ lɛb tɔ a, bʋnʋ ƴãw n'a ʋ so a dɛwr bɛr?

³¹Lɛ n'a a mɩ̀ ŋmɛ̃ nɩr na tɛr mʋta-tuo, kɛ́ bɛ tʋ̃ɔ́ dɩ a ʋ yel-bebe suur kʋ̀ ʋ a zie. Ʋlɛ wa cen lɛb tɩ maalɛ a alɩ yel-bebe nɛ a, ãa n'ʋ na bɛr wõ a ʋ puoru? Ɛ́ bʋ̃ʋ n'ʋ ʋ páw a ʋ tʋɔra ʋ na siwri a pʋɔ?