Read Dagara, Northern Bɛn Sɩɩra 38 Bible Online

Bɛn Sɩɩra 38 - Dagara, Northern bible

Bɛn Sɩɩra 38

¹A dɔwta nɩ a bàalʋ yele Ƴãwnɛ a dɔwta a ʋ tome ƴãw, bʋ̃ʋ n'ʋ vɛ̃, a Sore n'ʋ mɩ̀ ír ʋ.

²A Naaŋmɩn-na-do-saa-bɛ-pɩɛl-a zie n'a a sanʋ fãw ʋ na tɛr a yi, ɛ́ a nãà mɩ́ kʋ̀ ʋ bʋ̃-kʋ̀rɩ.

³A dɔwta bãwfʋ mɩ́ ɩ na ʋ dʋɔ zu, a nɩ-sɩza mɩnɛ mɩ́ nɔnɛ nɩ a ʋ yele.

⁴A tẽsɔw pʋɔ n'a a bʋ̃-buli na sanɛ a yi, a na ɩ lɛ a, a Naaŋmɩn n'ʋ ír a. Nɩr na bãw yã a bɛ jewre a ɩ.

⁵Dale bɛ n'ʋ tɩ ɩ a kʋ̃ɔ a tɛr nyub, k'aa nɩbɛ bãw a Sore kpɛnʋ ɛ[15]?

⁶A Sore kʋ̀ n a bãwfʋ a nɩsaalbɛ kɛ́ bɛ íre a ʋ yúor-vɩɛlʋ-danʋ a ʋ nɔ-ɓãa yel-maalɩ ƴãw.

⁷A bʋ̃-buli n'a a tɩ̃ɩ-ɩrɛ mɩ́ de maal'ɩ tɩ̃ɩnɩ na nyàw nyàw taa a, ɛ́ a dɔwta de ɩ n a 'wɔbrʋ a ɓãá. À ŋá n'a a bɛlɩ dem a Naaŋmɩn na ír a mɩ́ cãà vʋʋrɛ, ʋl zie n'a a ƴã-ɓaarʋ a tẽ-daa za zu yi.

⁹Ɩ̃ bie e, fʋ̃ʋ wa ɩ bàal a, ta lɔb fʋ tʋɔra bɛr ɛ, ɛcɛ puore a Sore, ʋʋ na sanɩ fʋ na.

¹⁰Zawrɩ a fʋ sãwna bɛr, ɩrɛ vla, ír yel-bier za dɛwr bɛr a fʋ socir pʋɔ, ʋ lɛb vɩɛl.

¹¹Fʋ̃ʋ wa tɛr a fãw a, fʋ̃ʋ de nũ-kur zɔ̃ kʋ̀ a Naaŋmɩn, lãwnɩ tɩ-suur-zɔ̃-na-nyùur-vla-vla-a nɩ kãá.

¹²Al pùorí, bɛr vuo kʋ̀ a dɔwta, bʋ̃ʋ n'ʋ vɛ̃, a ʋl mɩ̀ a, a Sore n'ʋ ír ʋ. A dɔwta taa tawr yire a fʋ pùor ɛ, bʋ̃ʋ n'ʋ vɛ̃, fʋ tɛr'ɩ ʋ yel-ɩra.

¹³Vuo kãw be n be, a fʋ ƴã-ɓaarʋ na yi a dɔwtarɩ zie.

¹⁴Bʋ̃ʋ n'ʋ vɛ̃, a bɛl mɩ̀ a, bɛ na puori nɩ a Sore k'ʋʋ ɩ bɛ tʋ̃ɔ́ ɩ a bàal 'wɔbrʋ ɓãá, bɛ tʋ̃ɔ́ sanɩ ʋ ʋ cãà vʋʋrɛ.

¹⁵Nɩr bɛ wa ɩrɛ vla a ʋ Íre zie a, ʋ́ lo a dɔwtarɩ nuru pʋɔ! Kuor na kpi a yele

¹⁶Ɩ̃ bie e, kõ a sob nɛ na kpi a, ŋmãa lãwnɩ wul a kpɩɛrʋ na kpɛ b a. Al pùorí, kõ ʋ ũù mɛ̃ a lɛ ʋ na sɛwnɩ a, ɛ́ taa yiire a ʋ yaa bɛrɛ ɩ.

¹⁷Ŋmɛ cɛlsɩ lawlaw, kõ marmarmar, kõ ʋ mɛ̃ a lɛ ʋ na sɛwnɩ a: bibi-been bɩɩ bibie ayi, a nɩbɛ taa wa ƴɛ̀rɛ ɩ. Al pùorí, ɩ a fʋ kuor kpɩɛrʋ a baarɩ.

¹⁸Bʋ̃ʋ n'ʋ vɛ̃, pʋ-sãwna na tʋ̃ɔ́ na kʋ. Socir kpɩɛrʋ na gãw a siwre nɩ a fãw.

¹⁹A kpɩɛrʋ kpɛ yaga mɩ́ ɩ na a pʋ-sãwna cɛlɩ, ɛ́ ŋmɛ-ƴãw n'ɩ fʋ na vʋʋrɛ mɛ̃ nã́w sob a.

²⁰Ta bɛr a pʋ-sãwna ʋ tɛr fʋ kʋralɛ ɩ, diw ʋ bɛr, ɛ́ tɩ́ɛrɛ a nɩdaar.

²¹Taa yiire ɩ: nɩr bɛ lɛbr waar ɛ, a fʋ pʋ-sãwna bɛ tɛr yel-ɩra kãw za a nɩr na kpi a zie ɩ, ɛ́ fʋ̃ʋ n'ʋ ʋ malɛ.

²²Bãwnɩ a k'aa lɛ a na ŋmɛ̃ ʋ a, lɛ n'a a mɩ̀ na ŋmɛ̃ fʋ: a ʋ dem tɩ n'ɩ zãa, ɛ́ a fʋ dem'ɩ dɩ̃a.

²³Kũu wa pɩ̃ɛnɩ a, ta cãà tɩɛrɛ a ʋ yele ɩ, ʋlɛ dɛ wa ŋmãa a vʋʋrʋ a, fʋ̃ʋ ɩ a fʋ kpɩɛrʋ a ʋ ƴãw a baarɩ. A nuru tome

²⁴A Naaŋmɩn wulu sɛ-sɛbrɛ yã-bãwfʋ páwfʋ ɩ n a vuo ʋ na mɩ́ tɛr a. Sob nɛ na bɛ tɛr tome yaga a, na tʋ̃ɔ́ na lɩɛbɩ yã-bãwnɛ.

²⁵Ŋmɩŋmɩn n'a a kʋ́ɔra na mɩ́ nyɔw a nĩi ku-kʋ́ɔra a, na tʋ̃ɔ́ lɩɛbɩ yã-bãwnɛ? A ʋ nyʋ̀ʋ́r za n'ɩ a nĩi dà-ɓɩlɓɩl[16] ʋ na mɩ́ cɔ̀rɛ nɩ a nĩi k'aa cere a. Alɛ n'a ʋ tone nɩ a kʋralɛ, ƴɛ̀rɛ nɩ nadeli-pɔlɛ tɛwr ƴɛ̀rʋ.

²⁶Ʋ mɩ́ ƴãw nɩ a ʋ yã za fʋ́ɔlɩ wɛrʋ ƴãw, ɛ́ a zaanʋɔrɛ ɩ a ʋ na-nyan guolu daar.

²⁷Lɛ n'a a mɩ̀ ŋmɛ̃ tõ-tõ-bie za nɩ nuru tõ-tone za zie: bɛ tone nɩ mʋ̃tɔ̃w nɩ tɩ̃ɩsɔw. Mɛ̃ à ŋá a, a sob nɛ na wire a ŋmaarʋ-bʋ̃-ƴãwnɩ a, ʋ mɩ́ ƴãw nɩ fãw lɩɛbɛ a wiru kʋralɛ. Ʋ mɩ́ ƴãw nɩ a ʋ yã za maalɩ a lɛ wiru na ŋmɛ̃ a, a tɩ̃ɩsɔw bɛ-gʋ̃ɔ pʋɔ n'a ʋ mɩ́ baarɩ a ʋ ton.

²⁸Lɛ n'a a mɩ̀ ŋmɛ̃ a sãa-kpɩɛrɛ na zɩ̃ kɔwlɩ a kure kʋsɩɛr a zie: a ʋ tɩɛrʋ za ƴãw nɩ a kure tome ƴãw. A vũu tʋlʋ ɩ na k'ʋ ɩ hanʋ tɛwr, ʋ halhalɛ nɩ a sãà tʋlʋ pʋɔ. A 'hama[17] gɔmɛ kpole ʋ nɩ a tobe, ʋ jɩ́rɛ nɩ a bom ʋ na na maalɩ cɔwrɩ a gbẽgbẽ. A ʋ yã za n'ʋ ƴãw a ʋ ton vla-tob ƴãw, a ʋ tɩ̃ɩsɔw bɛ-gʋ̃ɔ pʋɔ n'a ʋ mɩ́ tõ a ʋ ton ʋ vɩɛl ʋ za.

²⁹Lɛ n'a a mɩ̀ ŋmɛ̃ a yawr-mɩɛrɛ zie, na zɩ̃ a ʋ tome zie a: ʋ mɩ́ ɩrɛ nɩ nɩ a ʋ gbɛ́ɛ a za ayi a ʋ bome bʋ̃-mɩɛra ʋ viire. A ʋ ton mɩ́ ɩ ʋ nɩ tɩɛrʋ kʋralɛ, ʋʋ ƴãw fãw maalɩ bʋ̃-yaga.

³⁰A ʋ nuru n'a ʋ mɩɛr'ɩ a yawra a ʋ gbɛ́ɛ na nɛb a. A ʋ yã za n'a ʋ mɩ́ ƴãw sɔ n a gɔgɔ a ʋ bʋ̃-mɩɛrɩ, a ʋ tɩ̃ɩsɔw bɛ-gʋ̃ɔ pʋɔ n'a ʋ mɩ́ maalɩ a ʋ bome nyʋ̃ɔfʋ zie ʋ vɩɛl.

³¹A nɩbɛ bɛ ŋa za a, a bɛ nuru ƴãw n'a bɛ na tʋ̃ɔ́ ƴãw a bɛ tɩɛrʋ, ɛ́ ŋa za mɩ́ ɩ n bãw-bãwnɛ a ʋ tõ-nʋɔr pʋɔ.

³²Bɛlɛ bɛ ka be a, tẽ-kpɛ̃ɛ bɛ mɩɛr ɛ, nɩr bɛ kpɩɛr ʋ ɛ, nɩr bɛ cɔlɛ a ʋ pʋɔ ɩ. Ɛcɛ a tẽ-kpɛ̃ɛ nɩ-bɛrɛ lãw pʋɔ a, nɩr za bɛ sowre bɛ a lɛ bɛ na tɩ́ɛrɛ a ɩ.

³³A lãw pʋɔ a, bɛ bɛ dier a nɩ-tɩbr zɩma ziir ɛ, bɛ bɛ zɩnɛ a ƴɛ̀r-dɩrɛ dà-kɔw zu ɛ, bɛ bɛ bãw a wulu nɩ a lɛ-na-tu-sɔr-a yele ɩ. Bɛ bɛ ɩ nɩbɛ na tɛr yúor a wulu bɩɩ a yel na mɩ́ tu sɔ́r a pal pʋɔ ɩ. Bɛ bɛ pʋɔ a bɛlɩ dem na mɩ́ bɔ zʋkpaɩ lɔb a pʋɔ ɩ.

³⁴A bome a Naaŋmɩn na ír a be kʋralɛ a, bɛ mɩ́ ɩ na a cãà be, ɛ́ a bɛ puoru mɩ́ càar'ɩ a bɛ tõ-nʋɔr. A Naaŋmɩn wulu sɛ-sɛbrɛ bɛ na mʋʋrɛ a A bɛ ɩ been nɩ a sob nɛ na tɛr a Naaŋmɩn-na-do-saa-bɛ-pɩɛl-a wulu tɩɛrɛ nɩ a ʋ pʋɔ za a,