Read Dagara, Northern Bɛn Sɩɩra 41 Bible Online

Bɛn Sɩɩra 41 - Dagara, Northern bible

Bɛn Sɩɩra 41

¹A kũu 'Woi, kũu u, a fʋ tɩɛrʋ tuo tɔ, a nɩr na vʋʋrɛ nɩ ƴã-ɓaarʋ a ʋ bʋ̃-tɛrɩ sɔgɔ a zie, a nɩr bom za na bɛ fɛrɛ, ɛ́ bom za tuur ʋ a zie, a nɩr na cãà na mɩ́ tʋ̃ɔ́ wõ nʋ̃ɔ̀ a zie!

²Ʋ̃'hʋ̃ʋ! kũu u, a fʋ waa mɩ́ vɩɛl'ɩ a nã́w sob na bɛ tɛr fãw a zie, a nɩr na kor ɛ́ yel-fɛrɩ dĩ ʋ a zie, a nɩr na gaarɩ ɛ́ nyɔw ʋ tʋɔra gu a zie.

³Ɩ̃ bie e, ta zɔrɛ a kũu dɛ̃bɩ̃ɛ ʋlɛ wa ta b a ɩ. Tɩɛrɩ a bɛlɩ dem na de fʋ niwn a yele, nɩ a bɛl na na wa a fʋ pùorí a.

⁴A kũu ɩ n yel a Sore na yel bʋ̃-vʋʋra za ƴãw a. Bʋ̃ʋ n'ʋ so fʋ na zawrɩ bom a Naaŋmɩn-na-do-saa-bɛ-pɩɛl-a na nyɛ̃ ʋ ɩ bʋ̃-vla a nɩbɛ za ƴãw a? Fʋ vʋʋr'ɩ yome pie, yome kʋba bɩɩ yome túr a, nɩr bɛ yere fʋ a kpɩmɛ tẽw a fʋ nyɔ-vʋʋrʋ ƴãw ɛ. A lɛ a na na ŋmɛ̃ a nɩ-faar zie a

⁵A yel-bebe dem bibiir mɩ́ wa ɩ n bibi-faar faar, na mɩ́ bere a nɩbɛ na bɛ ƴãwnɛ a Sore a yie pʋɔ a.

⁶A yel-bebe dem bibiir gbã-dɩrʋ na bɔr'a, vĩ na nyɔw nɩ a bɛl mɩŋa bibiir kʋralɛ.

⁷Sãà na bɛ ƴãwnɛ a Sore a, a ʋ bibiir na yere ʋ na, bʋ̃ʋ n'ʋ vɛ̃, ʋlɛ n'ʋ so a bɛ vĩ.

⁸Wé ãi! Nyɩɩm na bɛ ƴãwnɛ a Sore a, nyɩɩm na zawrɩ a Naaŋmɩn-na-do-saa-bɛ-pɩɛl-a wulu bɛr a!

⁹Ŋmɛ-ƴãw tɛwr ƴãw n'a nyɩ mɩ́ dɔw ɛ́ a ŋmɛ-ƴãw n'ɩ a nyɩ bom a nyɩ kũu daar.

¹⁰Bom za na yi a tẽsɔw pʋɔ a na lɛb'a kpɛ a tẽsɔw pʋɔ, lɛ n'a a ŋmɛ̃ a nɩbɛ na bɛ ƴãwnɛ a Sore a zie: bɛ mɩ́ yi n a ŋmɛ-ƴãw pʋɔ tɩ kpɛ a loba pʋɔ. A yo-vla

¹¹A nɩsaalbɛ mɩ́ kone na nɩr wa kpi a, ɛcɛ a yel-bebe dem yúor bɛ vɩɛl ɛ, ʋ na bɔr'a.

¹²Cɛlɛ a fʋ yo-vla zie, bʋ̃ʋ n'ʋ vɛ̃, ʋ na cãà nɩ be a fʋ pùorí, cɛlɩ tɩ zuo salm-zɩɛ na gbõ taa ziir túr a.

¹³A nyɔ-vʋʋrʋ na tɛr nʋ̃ɔ̀ a bibie tɛr'ɩ nʋɔr, ɛcɛ a yo-vla mɩ́ be n be kʋralɛ. A vĩ na ɩ vĩ a

¹⁴Ɩ̃ bibiir i, nyɩ tɛr a wulu bɛ na wul nyɩ a zoomlɛ. Yã-bãwfʋ na sɔwlɩ a, bɩɩ na-bom na bɛ tɛr nyɛ́b a, a za ayi yel-ɩra n'ɩ bo? A bɛ tɛr yel-ɩra ɩ.

¹⁵Nɩr na píwle a ʋ dãbolu a, ʋ sa n nɩr na píwle a ʋ yã-bãwfʋ a.

¹⁶A na ɩ à ŋá a, ɩ̃ na yel'ɩ a alɩ bome nɛ a na fɛr k'aa mɩ́ ɩrɛ nyɩ vĩ a kʋ̀ nyɩ. Bʋ̃ʋ n'ʋ vɛ̃, vĩ-sãsaralɛ tɛrʋ bɛ vɩɛl ɛ, ɛ́ lɛb waar mɩ̀, a yele jielu bɛ ɩ been a nɩbɛ za zie ɩ.

¹⁷Nyɩ zɔrɛ vĩ a pɩ̃ɔ-yele maalʋ ƴãw, a nyɩ sãà nɩ a nyɩ mã niŋé. Nyɩ zɔrɛ vĩ a ziri ŋmãafʋ ƴãw, nɩ-kpɛ̃ɛ nɩ nɩr na tɛr kpɛnʋ a niŋé.

¹⁸Nyɩ zɔrɛ vĩ a nʋɔr gãwfʋ ƴãw, ƴɛ̀r-dɩrbɛ niŋé, a Naaŋmɩn wulu zawrʋ ƴãw a nɩbɛ lãw niŋé, a tɔ́ bɩɩ a bá faa maalʋ ƴãw a bɛ niŋé,

¹⁹a nyãnyuwlu ƴãw a nyɩ kpɛ-pɩɛl dem zie. Nyɩ zɔrɛ vĩ a pɔ kɛ́ bɛ ír a pɔb ƴãw, bɩɩ a wõ-taa pùor-bɛ-tub ƴãw, à dɩrɛ kɛ́ dɔwlɩ a kpãkpãwnyũgbiel a tabal zu ƴãw, à dier a bom bɩɩ tɩrɛ a bom lãwnɩ jewru ƴãw.

²⁰Nyɩ zɔrɛ vĩ a yãan nyɩ na bɛ mɩ́ sɔw a bɛlɩ dem na puore nyɩ a ƴãw, a pɔw-yɛm jɩ́rʋ ƴãw.

²¹Nyɩ zɔrɛ vĩ a nyɩ tẽ-bi-tɔ nyɩ na bɛ ŋmɛlɛ kaar a ƴãw, a nɩr bʋ̃-sora bɩɩ bom bɛ na kʋ̀ ʋ a deb ƴãw. Nyɩ mɩ̀ zɔrɛ vĩ a dɛb-yũo pɔw jɩ́rʋ ƴãw,

²²tõ-tõ-bi-pɔw fʋ na kʋlmalɛ nɩ a ƴãw, a ʋ gado taw-pɩɛlʋ ƴãw. Nyɩ zɔrɛ vĩ a nyɩ bárɩ tʋb ƴãw, bɩɩ a bɛ yelu ƴãw, a bom nyɩ na kʋ̀ bɛ a zũú.