Read Dagara, Northern Bɛn Sɩɩra 43 Bible Online

Bɛn Sɩɩra 43 - Dagara, Northern bible

Bɛn Sɩɩra 43

¹A salom nɩ a mʋ̃tɔ̃w Vɩɛlʋ bɛ n'a a salom vɩɛl a saa-zu, ɛ́ pɛlɩ parpar ɛ! Nyɛ̃ vɩɛlʋ ʋ na mɩ́ vɩɛl bɛ na mɩ́ wa nyɛ̃ ʋ a cãà pʋɔ a!

²A mʋ̃tɔ̃w na mɩ́ wa sãá a, ʋ mɩ́ yel'ɩ a ʋ puru daar a lɛ a Naaŋmɩn-na-do-saa-bɛ-pɩɛl-a ton na ɩ nɔ-ɓãan a.

³Ʋlɛ wa do põ-zɛ̃-taa a, ʋ mɩ́ ɩ n a tẽsɔw ʋ ko. Ãa n'ʋ na tʋ̃ɔ́ a ʋ tʋlʋ?

⁴Bɛ mɩ́ zuw nɩ pɩɛlʋ ƴãw a vũu a sãa pʋɔ bʋ̃-maalɩ ƴãw, ɛcɛ a mʋ̃tɔ̃w na mɩ́ sɛ̃ a tan a tʋlɛ na zuo gb'a ata. Ʋ mɩ́ ɩ na úur-tʋlʋ yire a ʋ pʋɔ, ʋ mɩ́ nyɩwrɛ na, cuoli a mimie.

⁵A Sore na ír ʋ a ɩ n kpɛ̃ɛ, ʋ mɩ́ ƴãw na ʋ pùr ɛ́ cen tɩ kpɛ. A cuw

⁶A cuw mɩ̀ a, a ʋ daar a, ʋ mɩ́ ƴãw nɩ a bom za daar, ɛ́ wule a zie na cere tɔlɛ a.

⁷A salom zu bʋ̃-nyɩwra ŋa na mɩ́ siwre tɩ bɔr a, ʋlɛ n'ʋ bɛ ƴãwnɛ nɩ a cuwr.

⁸A cuw yúor'ʋ bɛ por'ɩ a yũon pʋɔ cuw. A ʋ kɛrʋ mɩ́ ɩ n nɔ-ɓãan, a lɩɛbʋ ʋ na lɩɛbɛ a pʋɔ! Ʋlɛ n'ɩ a ŋmar-bie na nyɩwrɛ a salom zu a cãà. A ŋmar-bie

⁹A ŋmar-bie cãà n'ɩ a salom vɩɛlʋ, a Sore zi-kɛrɩ pɩ̃ɛmɛ na nyɩwrɛ a n'a.

¹⁰A Sore na ɩ sõw a ƴɛ̀rʋ zũú, a mɩ́ àr'ɩ a be ʋ na ƴãw a a, ɛ́ kãw za bɛ bɛrɛ a ʋ zi-bera ɩ. A zie a Naaŋmɩn na ír a nɔ-ɓãa-yele

¹¹Jɩ́r a sa-gõguo, ɛ́ puori a sob nɛ na maalɩ ʋ a, a ʋ vɩɛlʋ ɩ n nɔ-ɓãan.

¹²Ʋ mɩ́ tʋ̃ɔ̀ nɩ cãà gʋɔ a salom zu, a Naaŋmɩn-na-do-saa-bɛ-pɩɛl-a nuru n'a dɔl ʋ.

¹³A Sore mɩ́ yel'a, ɛ́ a sa-pupure lore, ʋ mɩ́ ɩ na saa nyɩwrɩ yi, mɛ̃ a lɛ ʋ na yel a.

¹⁴À ŋá n'a a ʋ bome ʋ na maal bin a ziir mɩ́ yuo, ɛ́ a zũzuwe ƴawr yire mɛ̃ lili a.

¹⁵A ʋ fãw mɩ́ ɩ na a zũzuwe kpawlɩ, ɛ́ pùr yaarɩ ɩ sa-bi-kube.

¹⁷A ʋ saa-tanʋ gɔmɛ mɩ́ ɩ na a tẽsɔw gbiwri. Ʋlɛ wa sãá a, a tan mɩ́ dam'a, ʋlɛ wa bɔbr a, ʋ mɩ́ ɩ na a saa-pɛrɩ́-dʋrʋ-lowr sɛsɛb fu, bɩɩ a saa-pɛrɩ́-gʋba-lowr saa-sɛsɛb, bɩɩ a kʋ̃ɔ-kpɛ̃ɛ zu sɛsɛb-pɩl. Ʋ mɩ́ ɩ na a sa-pupure lore mɛ̃ lili na siwr a, a mɩ́ lore na mɛ̃ sãsoge na siwr a tẽw a.

¹⁸A pɛlʋ a na pɛlɩ vɩɛl a mɩ́ ɩ n a mimir nʋ̃ɔ̀, ɛ́ alɛ wa lore a, a mɩ́ ɩrɛ nɩ nʋ̃ɔ̀ yaga.

¹⁹A Sore mɩ́ ɩ na a sa-bi-mɩrmɩr na gúr a, a pàw a tẽw mɛ̃ nyaar-zɔ̃ a, ɛ́ a ƴawr mɩ́ ɩ a kpawlɩ ɩ mɛ̃ gɔ-nɔ-ɓɩlɓɩl a.

²⁰A saa-pɛrɩ́-gʋba-lowr sɛsɛb-ɓaar wa fure a, a kʋ̃ɔ-kuur mɩ́ pàw nɩ a kʋ̃ɔ zu-sɔw, a sɛsɛb ŋa mɩ́ fu n kʋ̃ɔ za zu, ɩ mɛ̃ ʋ pàw ʋ na nɩ kur-pãgala a.

²¹A sɛsɛb-tʋlʋ kpãkpã mɩ́ dɩrɛ nɩ a tan ɛ́ vuule a wɛja-kpalɛ, ʋ mɩ́ dɩ n a váar nɩ a mɔ̃-ɓaar mɛ̃ vũu a.

²²Ɛcɛ a zũzuwr-ɓaar mɩ́ ɩ n tɩ̃ɩ fɔ̃wlɛ à á ŋá za ƴãw. A tʋl-hɛ̃hɛ̃ pùorí a, a ɓɩɛlʋ mɩ́ lɛb'a wa n a nʋ̃ɔ̀.

²³Mɛ̃ a lɛ a Sore na tɩɛrɩ bin a, ʋ tʋ̃ɔ́ nɩ a kʋ̃ɔ-kpɛ̃ɛ, ɛ́ ƴãw kʋ̃ɔ-kpɛ̃ɛ-sɔgɔ-ten a be.

²⁴A bɛlɩ dem na mɩ́ duwre a kʋ̃ɔ-kpɛ̃ɛ zu a, mɩ́ manɛ nɩ a yel-faar fʋ na na tʋ̃ɔ́ càarɩ a ʋ zu a, a mɩ́ ɩ tɩ nɔ-ɓãan yaga za.

²⁵Bʋ̃-bõbome nɩ bome na ɩ nɔ-ɓãan a be n a be, dʋ̃-pɛ-bʋʋrɛ za nɩ a kʋ̃ɔ-kpɛ̃ɛ pʋɔ dʋ̃-bɩɩr bɩɩr.

²⁶A Naaŋmɩn zũú a, a ʋ nɩ-tona mɩ́ ta n a ʋ zi-cena, ɛ́ a ʋ ƴɛ̀rʋ zũú a yele za maalɩ.

²⁷Tɩ nãá tʋ̃ɔ́ na cãà ƴɛ̀r cɛlɩ, ɛ́ bɛ yel a za ɩ. A tɩ ƴɛ̀rʋ nʋɔr-kʋb n'ɩ kɛ́ a Sore n'ɩ bom za.

²⁸Nyɩnɛ n'a a fãw be tɩ na ír'ɩ a ʋ yúor-vɩɛlʋ-danʋ? Ʋ ɩ n a Naaŋmɩn na ɩ kpɛ̃ɛ a, ʋ zuo nɩ a alɩ bome nɛ za ʋ na maalɩ a.

²⁹A Sore bɛ tɛr dɩ̃ɛnʋ ɛ, ʋ ɩ n kpɛ̃ɛ bɛ pɩɛl ɛ, ɛ́ a ʋ kpɛnʋ ɩ nɔ-ɓãan.

³⁰A Sore danʋ ƴãw a, nyɩ zɛw ʋ mɛ̃ a lɛ nyɩ na na tʋ̃ɔ́ a, ɛcɛ ʋ na cãà na zuo a lɛ nyɩ na yere a. Nyɩ ƴãw a nyɩ fãw za a ʋ zɛwfʋ ƴãw, nyɩ taa bàlɛ ɩ, bʋ̃ʋ n'ʋ vɛ̃, nyɩ kʋ̃ baarɩ ɛ.

³¹Ãa n'ʋ nyɛ̃ a Sore na tʋ̃ɔ́ manɩ a lɛ ʋ na ŋmɛ̃ a? Ãa n'ʋ na tʋ̃ɔ́ zɛw ʋ mɛ̃ a lɛ ʋ na sɛwnɩ a?

³²A ʋ yel-maalɩ blãlɛ n'a tɩ nyɛrɛ, ɛcɛ yel-yaga a mɩnɛ tɩ na bɛ nyɛrɛ a, cãà na ɩ bɛrɛ zuo.

³³Yel-mɩŋa n'a, a Sore n'ʋ ír bom za, ʋʋ kʋ̀ n a yã-bãwfʋ a bɛlɩ dem na tu ʋ bɛ lɛb pùor a.