Read Dagara, Northern Bɛn Sɩɩra 46 Bible Online

Bɛn Sɩɩra 46 - Dagara, Northern bible

Bɛn Sɩɩra 46

¹Zozue nɩ Kalɛb Nun bidɛb, Zozue, tɩ ɩ n zɛbr-nɩr na kpɛ socir a. Ʋ tɩ lɩɛr'ɩ a Moyiir ɩ naaŋmɩn-ƴɛ̀r-manɛ. Ʋ dɩ n a ʋ yúor vla[21], a Sore na ɩ ʋ ɩ faarɛ kpɛ̃ɛ a ʋ nɩ-bʋʋrɛ ʋ na tɩ kaa ír a ƴãw a. Ʋ tɩ zɛb'a tʋ̃ɔ́ a dɔ̃ dem na tɩ ír a ʋ ƴãw a, ɛ́ ɩ a Ɩsɩrayɛl nɩbɛ so a bɛ tẽw.

²Nyɛ̃ yúor ʋ na mɩ́ tɩ páw, a lɛn daar ʋ na mɩ́ tɩ zɛw a ʋ zɛbr-sɔ-kpɛ̃ɛ a tẽ-bɛrɛ ƴãw a!

³Ãa n'ʋ de niwn kpɛ socir mɛ̃ a ʋl a? Bʋ̃ʋ n'ʋ vɛ̃, ʋlɛ n'ʋ tɩ zɛbr a Sore zɛbr.

⁴Ʋlɛ bɛ tɩ n'ʋ so a mʋ̃tɔ̃w tɛw àr, ɛ́ bibi-been cɛlɩ mɛ̃ bibie ayi a ɩ?

⁵A dɔ̃ dem na tɩ gbʋnɛ ʋ a lõbowe za a, ʋ bʋɔl'ɩ a Naaŋmɩn-na-do-saa-bɛ-pɩɛl-a, a kpɛnʋ-za-sob, ɛ́ a Sore be a saa-zu ɛ́ sɔ̀w ʋ, lɔb sa-bi-kube a fãw na bɛ tɛr tɛwr a.

⁶A Zozue tɩ lo n a dɔ̃ dem zɛbr-nɩbɛ zu, kʋ a ʋ dɔ̃ dem a Bɛtɩ-Horon siwfʋ zie. Bʋ̃ʋ n'ʋ vɛ̃, a tɩ fɛr'a k'aa nɩ-bʋʋr-yoru na tɩ zɛb'ɩ a Sore a bãw a Zozue zɛbr bome za, bʋ̃ʋ n'ʋ vɛ̃, ʋ tɩ tuur'ɩ a lɛ a Kpɛnʋ-za-sob na yere a.

⁷Ʋ tɩ wul'ɩ a ʋ pùor-bɛ-lɛbrʋ a Moyiir daar, ʋlɛ nɩ Yefune bidɛb, Kalɛb: bɛ tɩ bà n gbɛ́r a lãw nɩbɛ niŋé, bɛ sàw bɛ gaarɩ a Sore zu ɛ, ɛ́ ɩ bɛ bɛr a zɛbr bɛ na zɛbr 'hũ'hune nɩ a.

⁸À ŋá n'a a bɛl ayi tɩ nyɛ̃ a faafʋ, a bɛ tɛwr ayi, soja-gbɛ́ɛ dem tùr-kɔbr-ayʋɔb pʋɔ, kɛ́ bɛ tɛr a Sore nɩ-bʋʋrɛ kpɛ n a tẽw bɛ na na so a pʋɔ, tẽw bʋ̀rʋ nɩ sɩwr na gbɔlɛ a[22].

⁹Ɛ́ a Sore tɩ kʋ̀ n a Kalɛb fãw-kpɛ̃ɛ, a ʋ koru tɛɛ za pʋɔ ʋ cãà tʋ̃ɔ́ zɛb de a tan vuo, a ʋ bʋʋrɛ na tɛr, ʋ ɩ a bɛ zie a.

¹⁰À ŋá n'a a Ɩsɩrayɛl nɩbɛ za tɩ nyɛ̃ k'aa Sore pùor-tub ɩ n bʋ̃-vla. A ƴɛ̀r-dɩrbɛ

¹¹Tɩ mɩ̀ ƴɛ̀r a ƴɛ̀r-dɩrbɛ ƴɛ̀rʋ[23], ŋa za mɛ̃ a lɛ a ʋ yúor na yi a. Bɛl bɛ gùr pùor kʋ̀ a Sore, puori a tɩbɛ ɩ. Tɩ lɛb tɩɛrɩ a bɛ yele puor'ɩ a Sore barka.

¹²A bɛ kɔbɛ na saa cãà be a bɔw pʋɔ a, a Sore, ʋ ɩ nɩbɛ ìr a bɛ pùorí cɔwrɛ bɛ! Ʋ ɩ a bɛ yúor lɛb bãw yi a nɩ-yée bɛ ŋa bibiir pʋɔ! Samɩɛl

¹³A Samɩɛl a, a Sore tɩ nɔ̃w ʋ na, ʋ tɩ ɩ n a ʋ ƴɛ̀r-manɛ, ɛ́ tɩ ƴãw a naalʋ-dɩb be be. Ʋ tɩ cir'ɩ a kãá ƴãw nɩ-bɛrɛ zurú, ƴãw bɛ ɩ a ʋ nɩ-bʋʋrɛ na-mɩnɛ.

¹⁴Ʋ tɩ dɩ n nɩ a lãw nɩbɛ a ƴɛ̀rʋ tu n a Sore wulu, a Sore ɩ a ɩb maalɩ a Zakɔb bʋʋrɛ.

¹⁵A ʋ pùor-bɛ-lɛbrʋ tɩ wul'a k'ʋʋ ɩ n naaŋmɩn-ƴɛ̀r-manɛ tɔr za, ɛ́ a ʋ ƴɛ̀rʋ ɩ bɛ nyɛ̃ bãw k'ʋʋ ɩ n yel-nyɛrɛ na yere yel-mɩŋa a.

¹⁶A ʋ dɔ̃ dem na tɩ fɩɩrɩ ʋ a lõbowe za a, ʋ tɩ bʋɔl'ɩ a Sore kpɛnʋ-za-sob, maalɩ bàwr nɩ peli-pɔl kʋ̀ ʋ.

¹⁷Lɛ n'a a Sore tɩ ɩ a ʋ saa ʋ tanɩ, a salom zu be ʋ na be a, ʋ tɩ ɩ na bɛ wõ a ʋ kɔkɔr damnʋ-kpɛ̃ɛ pʋɔ.

¹⁸Ʋ tɩ kʋ n a dɔ̃ dem nɩ-bɛrɛ pàw pɛr, nɩ a Filisɩtɛ̃ mɩnɛ na-mɩnɛ za.

¹⁹Ʋ tɩ dɩ n dãsɩɛ ŋa a Sore nɩ a nãà niŋé, ɛ́ bãw gúr a kũu gʋ̃ɔ: «Ɩ̃ bɛ dãw de nɩr kãw za bom ɛ, a ʋ nafawr-ɓɛwlɩkɛl mɩ́ saa n'a a.» Ɛ́ nɩr bɛ tɩ yel k'ʋʋ tɛr'ɩ sãwna ɩ[24].

²⁰Ʋ na tɩ gúr a kũu gʋ̃ɔ baarɩ a, ʋ tɩ cãà na ƴɛ̀r naaŋmɩn-ƴɛ̀r-manɛ ƴɛ̀rʋ, yel a lɛ a nãà nyɔ-vʋʋrʋ na na baarɩ a kʋ̀ ʋ. A ʋ kɔkɔr tɩ yire nɩ a tẽsɔw pʋ̃ɔmɩ za, ʋ tɩ cãà na ƴɛ̀rɛ a Sore yúor ƴãw, k'ʋʋ ír a nɩbɛ yel-bier bɛr[25].