Read Dagara, Northern Bɛn Sɩɩra 49 Bible Online

Bɛn Sɩɩra 49 - Dagara, Northern bible

Bɛn Sɩɩra 49

¹Zozɩasɩ A nɩbɛ mɩ́ lɛb'a tɩɛrɩ a Zozɩasɩ yele mɛ̃ parfɛ̃ na jɛr taa a nyũu parfɛ̃ maalɛ na maalɩ a. A ʋ yúor mɩ́ nʋmɛ nɩ a nɛ́ɛ za pʋɔ mɛ̃ sɩwr a, bɩɩ bʋ̃-ŋmɩɛrɩ na ŋmɩɛr cuw bʋ̃-dɩrɩ dɩb daar a.

²Ʋ tɩ tu n a sɔr-vla, ɩ a nɩbɛ lɛb wa a Sore zie, ɛ́ ír a tɩbɛ maalʋ bɛr.

³Ʋ tɩ lɩɛb'a tu a Sore nɩ ʋ pʋɔ za. A ʋlɩ daar nɛ a nɩbɛ na bɛ tɩ ŋmɛlɛ kaar a Naaŋmɩn wulu a, ʋ ɩ na a Naaŋmɩn ƴãwfʋ lɛb kpɛmɛ. A Zuda tẽw na-bɩɛrɩ, a naaŋmɩn-ƴɛ̀r-manɛ Zeremi

⁴Bɛlɛ wa ír Daviir, Ezekɩasɩ nɩ Zozɩasɩ bɛr a, a na-mɩnɛ za tɩ sãw nɩ a sãwna dɔwlɩ taa. Bɛ tɩ bɛr'ɩ a Naaŋmɩn-na-do-saa-bɛ-pɩɛl-a wulu. A Zuda tẽw na-mɩnɛ tɩ baar'a.

⁵Bɛ tɩ bɛr'ɩ a bɛ fãw kʋ̀ nɩ-yoru, ɛ́ bɛr a bɛ yúor kʋ̀ nɩ-bʋʋr-yoru.

⁶A bɛ dɔ̃ dem tɩ nyɩw nɩ a tẽ-kpɛ̃ɛ-sõw bɛr, a ʋl a Naaŋmɩn na tɩ kaa ír a, ɛ́ bɛr a ʋ sɛ́ɛ a gã zawlɛ, mɛ̃ a lɛ a naaŋmɩn-ƴɛ̀r-manɛ Zeremi na tɩ yel a[31].

⁷A nɩbɛ bɛ ŋa tɩ dɔwr'ʋ nɩ yaga[32]. Ɛcɛ a Naaŋmɩn tɩ ka n nũu ƴãw ʋ a ʋ mã puori k'ʋʋ ɩ a ʋ ƴɛ̀r-manɛ, vɔnɛ bɛrɛ, darɛ lɔbr ɛ́ sãwnɛ bɛrɛ, ɛ́ mɩ̀ mɩ́ lɛb mɛ ɛ́ lɛb sɛl[33]. Ezekɩɛl

⁸Ezekɩɛl'ɩ a sob nɛ na tɩ nyɛ̃ a Sore yúor-vɩɛlʋ-danʋ a. A Naaŋmɩn tɩ ɩ na k'ʋ nyɛ̃ a yúor-vɩɛlʋ-danʋ ŋa a seribɛ̃ mɩnɛ torko zu-sɔw[34].

⁹A Ezekɩɛl mɩ̀ tɩ lɛb'a tɩɛrɩ a Zɔb na tu a sɔ́r dẽdẽ a yele. A naaŋmɩn-ƴɛ̀r-manbɛ pie nɩ ayi

¹⁰A naaŋmɩn-ƴɛ̀r-manbɛ pie nɩ ayi ƴãw a, a bɛ kɔbɛ na saa cãà be a yàa-bɔw pʋɔ a, a Naaŋmɩn, ʋ ɩ nɩbɛ ìr lɩɛrɩ bɛ! Bʋ̃ʋ n'ʋ vɛ̃, bɛ lɛb'a kʋ̀ fãw a Zakɔb nɩbɛ ɛ́ faa bɛ, bɛ na bɛ lɔb a bɛ tɩɛrʋ bɛr towtow a ƴãw. Zorobabɛl nɩ Zozue

¹¹Ŋmɩŋmɩn n'a tɩ na yel a lɛ a Zorobabɛl[35] na ɩ kpɛ̃ɛ sɛw a, ʋl na tɩ ɩ mɛ̃ ŋmaarʋ-bʋ̃-ƴãwna a Sore dʋrʋ nũú a?

¹²Zozedɛkɩ bidɛb Zozue mɩ̀ a lɛ. A bɛ daar a, bɛ za ayi tɩ lɛb'a mɛ a Ŋmɩn-yir-kpɛ̃ɛ, bɛ tɩ ŋmãa nɩ zi-sõw a Sore ƴãw, zi-sõw na na tɛr yúor kʋralɛ a. Neemi

¹³Neemi mɩ̀ ɩ na bɛ cãà tɛr a ʋ tɩɛrʋ yaga. Ʋ lɛb'a mɛ a tɩ tẽ-kpɛ̃ɛ dacine na tɩ lo a, ʋ lɛb'a ƴãw a pamɛ nɩ a bʋ̃-kparɩ, ɛ́ lɛb mɛ a tɩ yie. Enɔkɩ, Zuzɛb nɩ a sãàkʋm-kore dãw-niwn dem

¹⁴A Sore bɛ ír nɩr za a tẽw zu, ʋ ŋmɛ̃ taa nɩ a Enɔkɩ ɛ. A ʋl mɩ̀ a, bɛ tɩ ír ʋ na zãá nɩ a tẽsɔw.

¹⁵Nɩr mɩ̀ bɛ dãw be be ɩ mɛ̃ a Zuzɛb a ɩ, ʋl na tɩ ɩ a ʋ yɛbr nɩ-kpɛ̃ɛ, nɩ a ʋ bʋʋrɛ tɩɛrɛ a. A ʋ kɔbɛ tɩ nyɛ̃ nɩ ƴãwfʋ yaga.

¹⁶Sɛ́m nɩ Sɛtɩ yée yi n a nɩsaalbɛ pʋɔ, ɛcɛ Adama n'ʋ gãw a bʋ̃-vʋʋrɩ za a Sore na ír a[36].