Read Dagara, Northern Bɛn Sɩɩra 5 Bible Online

Bɛn Sɩɩra 5 - Dagara, Northern bible

Bɛn Sɩɩra 5

¹A tɛra sob nɩ a yel-bier sob na bɛ̀lɛ bɛ tʋɔra a Ta ƴãw a fʋ tɩɛrʋ a fʋ na-bome ƴãw ɛ, ɛ́ ta yere kɛ́: «Al tɛwr man mɛ̃ na» ɩ.

²Ta sàw a vʋla nɩ a ʋ fãw ƴãw fʋ fʋ tuur a fʋ pʋ-tɩɛr-faar ɛ.

³Ta yere kɛ́: «Ãa n'ʋ so m» ɛ? Bʋ̃ʋ n'ʋ vɛ̃, a bɛ tɛr à ŋá ɩ, a Sore na dɔwrɩ fʋ na.

⁴Ta yere kɛ́: «Ɩ̃ maal'ɩ yel-bier ɛ́ bom za bɛ ɩ m ɛ!» Yel-mɩŋa n'a, a Sore mɩ́ nyɔw nɩ a ʋ suur cɛlɩ.

⁵Ta maal bãwnɩ a suur bɛ na na dɩ kʋ̀ b a, ɛ́ sãwnɛ a sãwna dɔwlɛ taa ɩ.

⁶Ta yere kɛ́: «A ʋ su-ɓaarʋ ɩ n kpɛ̃ɛ, ʋ na dɩ n a ɩ̃ yel-bier-yaga yaga suur kʋ̀ m» ɛ. Bʋ̃ʋ n'ʋ vɛ̃, ʋ tɛr'ɩ a nɩbaal-zɔba nɩ a suur ɛ́ a ʋ su-yãyaar na ìr'ɩ a sãwnɩ dem ƴãw.

⁷Lɛb wa a Sore zie fɔ̃wlɛ, ɛ́ ta lɩɛbɛ ƴãwn bibi-yũo kʋralɛ ɩ. Bʋ̃ʋ n'ʋ vɛ̃, a Sore suur na ur'a ìr, ɛ́ a dɔwrʋ bibir a, a fʋ yele na baar'a.

⁸Ta ƴãw a fʋ tɩɛrʋ nyãnyu-na-bome ƴãw ɛ, a kʋ̃ tɛr yel-ɩra za a fʋ zie a kpɩɛrʋ bibir ɛ. A yã-bãwnɛ ƴɛ̀rʋ

⁹Ta yɛ́lɛ a fʋ bʋ̃-bie sɛsɛb za na dɛ fure a ɩ, ɛ́ ta lo sɔr-sãsaralɛ mɛ̃ a yel-bier sob na tɛr zɛl-ɓɛra a ɩ.

¹⁰Tɛr a lɛ fʋ na bãw a ɩ a sɩza a, ɛ́ ta lɩɛbɛ a fʋ ƴɛ̀rʋ ɛ.

¹¹Mɩ́ bɛr wõ fɔ̃w, ɛcɛ ta mɩ́ pawr a sɔwfʋ ƴãw ɛ.

¹²Fʋ̃ʋ wa nyɛ̃ a lɛ fʋ na na yel a, fʋ̃ʋ sɔw a fʋ tɔ sob, alɛ bɛ ɩ lɛ a, fʋ̃ʋ pàw a fʋ nʋɔr.

¹³A ƴɛ̀rʋ na tʋ̃ɔ́ na wa n ƴãwfʋ bɩɩ vĩ, ɛ́ a nɩsaal nʋɔr na tʋ̃ɔ́ na só a ʋ yele sãwfʋ.

¹⁴Ta ɩ a nɩbɛ bãwnɩ a fʋ na manɛ a fʋ taabɛ yel-faar a ɩ, ɛ́ ta bɛ̀lɛ a nɩbɛ a fʋ ƴɛ̀rʋ pʋɔ ɩ. Bʋ̃ʋ n'ʋ vɛ̃, a nyãnyuge wa só vĩ a, ƴɛ̀rʋ-dɩb na kpɛmɛ a gùre nɩ a zɛl-ɓɛra sob.

¹⁵Gùre fʋ tʋɔra a sãwnɩ bili ƴãw mɛ̃ a sãwnɩ bɛrɛ ƴãw a,