Read Dagara, Northern Bɛn Sɩɩra 6 Bible Online

Bɛn Sɩɩra 6 - Dagara, Northern bible

Bɛn Sɩɩra 6

¹ɛ́ ta lɩɛbɩ a fʋ bá dɔ̃ sob ɛ, bʋ̃ʋ n'ʋ vɛ̃, a yo-faa waar'ɩ nɩ vĩ nɩ yelu bɛ na yere fʋ a. À ŋá n'a a mɩ́ ŋmɛ̃ a yel-bier sob na tɛr zɛl-ɓɛra a zie.

²Ta bɛr a fʋ pʋ-tɩɛr-faar só b ɛ, alɛ bɛ ɩ lɛ a, a fʋ fãw na ur'a baarɩ.

³Fʋ na 'wɔb'ɩ a fʋ váar, fʋ na sãw nɩ a fʋ wɔmɛ bɛr, fʋ na lɩɛb'ɩ tɩ-kõw.

⁴Suur fʋ na kʋ̃ tʋ̃ɔ́ nyɔw a waar'ɩ nɩ a fʋ loba, ʋ mɩ́ ɩ na a fʋ dɔ̃ dem ɩrɛ fʋ laar. A báalʋ yele

⁵Ƴɛ̀r-nʋʋr waar'ɩ nɩ bárɩ yaga, ɛ́ nɔ̃wfʋ ƴɛ̀rʋ ɩrɛ a ƴɛ̀r-sɔw-taa nʋmɛ.

⁶A nɩbɛ na puore fʋ a yãanɩ a, bɛ yãwmɛ, ɛcɛ a fʋ yã-wule a, ʋ ɩ been nɩbɛ túr pʋɔ.

⁷Fʋ̃ʋ wa bɔbr bá a, fʋ̃ʋ ɩ ʋ kaa baarɩ, ta ƴãw a fʋ tɩɛrʋ a ʋ ƴãw fɔ̃w zuo ɩ.

⁸Kãw n'ɩ ŋan ɩ a fʋ bá, a na maalɛ ʋ a, ɛcɛ ʋ kʋ̃ cãà ɩ ʋ a fʋ kpɩɛrʋ bibir ɛ.

⁹A bá na mɩ́ lɩɛbɩ a fʋ dɔ̃ sob a be n be, ʋ mɩ́ manɩ nɩ a nyɩ zɛb-taa ƴãw fʋ vĩ.

¹⁰A bá na mɩ́ wa lãw nɩ fʋ dɩ a be n be. Ɛcɛ a fʋ kpɩɛrʋ bibir a, ʋ bɛ àrɛ ɩ.

¹¹A fʋ yele wa cere vla a, ʋ mɩ́ ɩ na mɛ̃ a fʋ̃ʋ mɩŋa a, ʋ mɩ́ ɓãá nɩ ƴãw dɩrɛ nɩ-kpɛ̃ɛnʋ a fʋ tõ-tõ-biir zu.

¹²Ɛcɛ kpɩɛrʋ wa ta b a, ʋ kʋ̃ cãà tu b ɛ, fʋ kʋ̃ lɛb nyɛ̃ ʋ ɛ.

¹³Zãá nɩ a fʋ dɔ̃ dem, ɛ́ gùre fʋ tʋɔra a fʋ bárɩ ƴãw.

¹⁴Bá na kʋ̃ lɛb pùor a ɩ n tɩɛrɛ na kpɛmɛ a, nɩr na nyɛ̃ ʋ a nyɛ̃ nɩ na-bom.

¹⁵Bá na kʋ̃ lɛb pùor a bɛ tɛr dàarʋ bɛ na dà ɩ, bʋ̃-sɩza a dàarʋ na bɛ tɛr manʋ a n'ʋ.

¹⁶Bá na kʋ̃ lɛb pùor a ɩ n nyɔ-vʋʋrʋ tɩ̃ɩ, bɛlɩ dem na zɔrɛ a Sore a na nyɛ̃ ʋ na.

¹⁷Sob nɛ na zɔrɛ a Sore a mɩ́ bãw nɩ a ʋ bárɩ kaa-íru. Bʋ̃ʋ n'ʋ vɛ̃, a lɛ ʋ na ŋmɛ̃ a, a lɛ n'a a ʋ tɔ mɩ̀ na ŋmɛ̃. A yã-bãwfʋ zanʋ

¹⁸Ɩ̃ bie e, dier a wulu, fʋ na dɛ cãà ɩ a pɔlbile a, lɛ n'a fʋ na nyɛ̃ a yã-bãwfʋ tɩ ta n a fʋ zukɔbr-pɛlɛ daar.

¹⁹Taw pɩɛl'ʋ, ɛ́ gù a ʋ wɔ̃-vɩɛlɩ vɩɛlɩ, mɛ̃ a kʋ́ɔra nɩ a bʋ̀r-bʋ̀rɛ a. Sɩza n'a, fʋ na kɔ ʋ na a kpɛ b blã, ɛcɛ fʋ kʋ̃ yaa kɛ́ dɩ a ʋ wɔmɛ ɩ.

²⁰A yã-bãwfʋ kpɛmɛ nɩ yaga a bɛlɩ dem na bɛ bãw bom za a zie, ɛ́ nɩr a yã na bɛ ta a bɛ bere a ʋ zie ɩ.

²¹A ʋ zie a, a yã-bãwfʋ ɩ na mɛ̃ kʋsɩɛr ʋ na na ɓáw ìr'ɩ wul a ʋ fãw a, ɛcɛ ʋ bɛ mɩ́ yaa kɛ́ tɩ̀ɛ ʋ bɛr ɛ.

²²Bʋ̃ʋ n'ʋ vɛ̃, a yã-bãwfʋ sɩrɩ na sɛwnɩ a ʋ yúor, nɩbɛ blãlɛ nɛbɛ mɩ́ nyɛ̃ ʋ.

²³Ɩ̃ bie e, bɛr wõ ɛ́ sàw a lɛ ɩ̃ na yel a, ta zawrɩ a yã ɩ̃ na wule fʋ a bɛr ɛ.

²⁴Ƴãw a fʋ gbɛ́ɛ a yã-bãwfʋ bamɛ pʋɔ, ɛ́ cɔw a fʋ nyũu ʋ ƴãw a ʋ miwr.

²⁵Gʋ̀r a fʋ zɩwr de nɩ a ʋ tuor, ta míine a ʋ bʋ̃-'leni na 'le b a cɛr-bɛrʋ ƴãw ɛ.

²⁶Taw pɩɛl'ʋ nɩ a fʋ pʋɔ za, ɛ́ tuur a ʋ sɔ́r nɩ a fʋ fãw za.

²⁷Bɩ́ɛrɛ a ʋ gbɛ́ɛ, bɔbr ʋ, ʋ na ɩ na fʋ bãw ʋ. Fʋ̃ʋ wa nyɔw ʋ a, taa lɛb bɛrɛ ʋ ɛ.

²⁸A baarʋ daar a, fʋ na nyɛ̃ nɩ pɩ̃ɛnʋ a ʋ zie, a fʋ bàlʋ na lɩɛb'ɩ nʋ̃ɔ̀.

²⁹Lɛ n'a a ʋ bamɛ na ɩ gub, ʋ na gù b kpɛ̃w kpɛ̃w a, ɛ́ a ʋ miwr ɩ ƴãwfʋ bom.

³⁰A ʋ tuor na ɩ n salm-zɩɛ dɛpaal-bom, a ʋ bʋ̃-'leni na ɩ n pɛn-zɩɩr bàalɩ bàalɩ.

³¹Fʋ na mɩ́ su a na mɛ̃ kpar-yúor a, ɛ́ vɔblɩ a mɛ̃ nãà-kpawɔ-yúor a.

³²Ɩ̃ bie e, fʋ̃ʋ wa bɔbr a, fʋ na ɩ n nɩr na bãw a, fʋ̃ʋ wa ƴãw fãw a, fʋ nãà wa cɩ na.

³³Fʋ̃ʋ wa nɔnɛ bɛr-wob a, fʋ na zanɩ na, fʋ̃ʋ wa cɛlɛ be a, fʋ na ɩ n yã-bãwnɛ.

³⁴Zɩnɛ a dɛb-nyamɛ lãw pʋɔ, tu a bɛ yã-bãwfʋ pùor.

³⁵Nɔnɛ a Naaŋmɩn ƴɛ̀rʋ bɛr-wob, ɛ́ taa bɛrɛ yã-bãwfʋ zʋkpar za ʋ tɔlɛ ɩ.

³⁶Fʋ̃ʋ wa nyɛ̃ nɩr na tɛr yã a, fʋ̃ʋ mɩ́ cɔ̃w ìr cen a ʋ zie. A fʋ gbɛ́ɛ, a sal a ʋ dɩ̃dɔ-mimir.

³⁷Tɛr a lɛ a Sore na yel a tɩɛrɛ, cɛlɛ a ʋ nɛ-ƴãwnɩ zie kʋralɛ. Ʋl mɩŋa na ɩ n a fʋ socir ʋ kpɛmɛ, ʋʋ kʋ̀ b a yã-bãwfʋ fʋ na bɔbr a.