Read Dagara, Northern Bɛn Sɩɩra 7 Bible Online

Bɛn Sɩɩra 7 - Dagara, Northern bible

Bɛn Sɩɩra 7

¹Yã-bʋʋrɛ bʋʋrɛ na wul a Taa ɩrɛ faa ɩ, ɛ́ faa za bɛ páwr fʋ ɛ.

²Zãá nɩ a yel na bɛ tu a mɩnʋ a, ʋʋ na zãá nɩ fʋ na.

³Ta bʋ̀rɛ a yel na bɛ tu a mɩnʋ a gàrɩ́ zu ɛ, alɛ bɛ ɩ lɛ, fʋ na cɛ̀ ʋ na gb'a ayopõi dɔwlɩ.

⁴Ta zɛlɩ a nɩ-kpɛ̃ɛnʋ a Sore zie ɩ, mɩ̀ ta zɛlɩ tõ-nʋɔr na ɩ kpɛ̃ɛ a a nãà zie ɩ.

⁵Ta wul a Sore niŋé kɛ́ fʋ ɩ n nɩ-mɩŋa ɩ, mɩ̀ ta wul a nãà niŋé kɛ́ fʋ ɩ n yã-bãwnɛ ɩ.

⁶Ta bɔbr kɛ́ fʋ wa ɩ ƴɛ̀r-dɩrɛ fʋ̃ʋ wa kʋ̃ tʋ̃ɔ́ ír a yel na bɛ tu mɩnʋ a bɛr a ɩ. Alɛ bɛ ɩ lɛ, fʋ na bɛr'a nɩr na ɩ kpɛ̃ɛ a ɩb tʋ̃ɔ́ fʋ, fʋ bɛ cãà ɩ a nɩ-dẽdẽ fʋ na ɩ a ɩ.

⁷Ta ɩ sãw a fʋ tẽw lãw nɩbɛ ɩ, alɛ bɛ ɩ lɛ, a fʋ yúor na sãw nɩ a bɛ za zie.

⁸Ta sãw a sãwna been nɛ gb'a ayi ɛ, a gb'a been ɩ na fʋ ɩ a sãwna sob baarɩ.

⁹Ta yere kɛ́: «A Naaŋmɩn-na-do-saa-bɛ-pɩɛl-a na jɩ́r'ɩ a ɩ̃ de-kʋ̀b-bʋ̃-yaga kaa, mãa wa dier a kʋ̀rɛ ʋ, ʋ na sàw na de a» ɩ.

¹⁰Ta tɛr dɛ̃bɩ̃ɛ a puoru pʋɔ ɩ, ɛ́ taa yiire a nan dem sõwfʋ ɛ.

¹¹Ta ɩrɛ nɩr na wone tuo a laar ɛ, bʋ̃ʋ n'ʋ vɛ̃, a Naaŋmɩn na mɩ́ siwri ɛ́ zɛw a, be n be.

¹²Ta yel kɛ́ fʋ ŋmãa ziri ƴãw a fʋ yɛb ɛ, mɩ̀ ta ɩ a lɛ a fʋ bá ƴãw ɛ.

¹³Gùre fʋ tʋɔra ziri za ƴãw, a zir-ŋma bɛ waar'ɩ vla kãw za ɩ.

¹⁴Fʋ̃ʋ wa be a nɩ-kore lãw pʋɔ a, fʋ̃ʋ ta bʋ̀nɛ ƴɛ̀rɛ ɩ, ɛ́ ta puule a ƴɛ̀rʋ a fʋ puoru pʋɔ ɩ.

¹⁵Ta jewre ton na tɛr tuo a nɩ a póru ton a Naaŋmɩn-na-do-saa-bɛ-pɩɛl-a na ír a ɩ.

¹⁶Ta pʋɔ a yel-bebe dem pʋɔ ɩ, bãwnɩ a a Sore suur na bɛ zãá a.

¹⁷Síwre fʋ tʋɔra yaga za, bʋ̃ʋ n'ʋ vɛ̃, vũu nɩ zãzule n'ɩ a nɩ-faa dɔwrʋ. A bárɩ nɩ a yir dem

¹⁸Ta de bá tɛw nɩ tɔnɛ kãw za ɩ, mɩ́ ta de yɛb-sɩza tɛw nɩ a salm-zɩɛ mɩŋa mɩŋa ɩ.

¹⁹Ta bɛr pɔw-yã-bãwnɛ na ɩ pɔw-vla a kulu ɛ, bʋ̃ʋ n'ʋ vɛ̃, a ʋ vɩɛlʋ sa n a salm-zɩɛ.

²⁰Ta dɔwrɛ gbãgbaa na tone vla ɩ, mɩ̀ ta dɔwrɛ tõ-tõ-bie na tone nɩ ʋ pʋɔ za a ɩ.

²¹Fʋ̃ʋ wa tɛr gbãgbaa na tɛr yã a, fʋ̃ʋ nɔnɛ ʋ mɛ̃ a fʋ̃ʋ mɩŋa a, ɛ́ ta zawrɩ na bɛr ʋ, ʋ só ʋ tʋɔra ɩ.

²²Fʋ̃ʋ wa tɛr dʋn a, fʋ̃ʋ kaarɛ a zie. Fʋ̃ʋ wa nyɛrɛ dɔwlɛ a pʋɔ a, fʋ̃ʋ tɛr a.

²³Fʋ̃ʋ wa tɛr bibiir a, fʋ̃ʋ wule bɛ, dine bɛ, bɛ na cãà ɩ a pʋrpʋr a.

²⁴Fʋ̃ʋ wa tɛr pɔwyaar a, fʋ̃ʋ gùre bɛ a dɛbr ƴãw, ɛ́ ta tɛr mimi-ɓaar a bɛ zie ɩ.

²⁵Tɩr a fʋ pɔwyaa bɛ kul, ʋʋ na ɩ n yel-kpɛ̃ɛ fʋ maalɩ ír bɛr! Ɛcɛ kʋ̀ ʋ dɛb na tɛr yã a ʋ kul.

²⁶Fʋ̃ʋ wa kul a fʋ yã-nɔn pɔw a, taa íre ʋ ɛ. Ɛcɛ ta ƴãw a fʋ tɩɛrʋ pɔw fʋ na bɛ nɔnɛ a ƴãw ɛ.

²⁷Ƴãwnɛ a fʋ sãà nɩ a fʋ pʋɔ za, ɛ́ taa yiire a tuo a fʋ mã na wõ a bɛrɛ ɩ.

²⁸Bãwnɩ a bɛlɛ na nɛbɛ dɔw fʋ a. Ŋmɩŋmɩn n'a fʋ na tʋ̃ɔ́ ya a alɩ bome nɛ bɛ na ɩ a fʋ ƴãw a san? A bàwr-maalbɛ

²⁹Tone a Sore tome nɩ a fʋ pʋɔ za, ɛ́ ƴãwnɛ a ʋ bàwr-maalbɛ.

³⁰Nɔnɛ a fʋ Íre nɩ a fʋ fãw za, ɛ́ taa zawrɛ a ʋ tõ-tõ-biir bɛrɛ ɩ.

³¹Zɔrɛ a Sore, ɛ́ ƴãwnɛ a bàwr-maalɛ, mɩ́ kʋ̀ ʋ a ʋ dem mɛ̃ a lɛ a Naaŋmɩn na yel a: a kɔb bʋ̃-dan, a lɛb-kpɛ-taa bàwr, a dʋn bɛ na maal'ɩ a bàwr a bágɛ, a de-kʋ̀b bom na cɛ a, nɩ a bʋ̃-vɩɛlɩ vɩɛlɩ zie a Sore na só a[3]. A ɩ-ɩrɩ a nan dem zie

³²Mɩ́ tùr a nũú a nan dem, a Naaŋmɩn tʋ̃ɔ́ maalɩ fʋ yaga za.

³³Ɩ a maalʋ a fʋ bʋ̃-kʋ̀rɩ na waar'ɩ a ta a nɩ-vʋʋrɩ za, ɛcɛ taa sɩbr a fʋ maalʋ a bɛlɩ dem na kpi a ɩ.

³⁴Ta dɛrɛ a bɛlɩ dem na kone a ɩ, mɩ́ lãw nɩ a kpɩɛrʋ dem a bɛ kpɩɛrʋ pʋɔ.

³⁵Ta bʋ́nɛ nɩ a bàalbɛ cen-tɩ-nyɛb ɛ, a ɩ-ɩrɩ á ŋá taabɛ ƴãw n'a a nɩbɛ na nɔnɛ fʋ.

³⁶Bom za fʋ na ɩrɛ a, bãwnɩ a fʋ baarʋ, ɛ́ fʋ bɛ be za na maalɩ yel-bier ɛ.