Read Dagara, Northern Bɛn Sɩɩra 9 Bible Online

Bɛn Sɩɩra 9 - Dagara, Northern bible

Bɛn Sɩɩra 9

¹A pɔwbɛ Ta kpɛ nyuur a fʋ pɔw fʋ na nɔnɛ yaga za a ƴãw ɛ, fʋ nãà mab'a wul ʋ ʋ ɩrɛ faa a fʋ zie.

²Ta de fʋ tʋɔra kʋ̀ pɔw tɩ ƴãw ʋ só b ɛ.

³Taa cere pɔw-yɛm zie ɩ, a ʋ bɛrɩ nãà mab'a nyɔw fʋ.

⁴Ta zɩ̃ cɛlɩ pɔw-yiel-yiele zie ɩ, ʋ nãà mab'a ɩ a ʋ kalibawli nyɔw nɩ fʋ.

⁵Ta jɩ́r pɔwsɩrale gbẽgbẽ ɩ, a nãà mab'a wõ fʋ yaga.

⁶Ta de fʋ tʋɔra kʋ̀ pɔw-yɛmɛ ɩ, fʋ nãà mab'a sãw a fʋ bʋ̃-tɛrɩ za bɛr.

⁷Ta jɩ́rɛ ziir za a tẽw sɛ́ɛ pʋɔ ɩ, ɛ́ ta nɩɩnɛ a ziir al nɩr za na bɛ ka be a ɩ.

⁸Lɩɛbɩ a mimie bɛr zi-yoru, ta jɩ́r pɔw na pɔ̀l a ɩ, vɩɛlʋ fʋ na bɛ só a, ta jɩ́r ʋ gbẽgbẽ ɩ. A pɔw vɩɛlʋ bɔr'ɩ nɩ-yaga, ʋ mɩ́ ɩ na a nɔ̃wfʋ ìr dɩrɛ mɛ̃ vũu a.

⁹Taa zɩnɛ towtow kɔwr pɔw na tɛr sɩr a ɩ, taa lãwnɛ nɩ ʋ maalɛ cuw nyúur'ɩ divɛ̃ ɩ, fʋ nãà mab'a nɔnɛ ʋ, ɛ́ fʋ na zɩnɛ guur a, fʋ nãà tʋ̃ɔ́ na faa lo, a ɩ a fʋ bɔrʋ. A nɩsaalbɛ lãw-kpɛb ɩ-ɩrɩ

¹⁰Taa zawrɛ bá-kʋra bɛrɛ ɩ, bʋ̃ʋ n'ʋ vɛ̃, bá-paala bɛ ta ʋ ɛ. A bá-paala ɩ na mɛ̃ divɛ̃-paala a: ʋlɛ wa kor a n'a fʋ na bãw a ʋ nʋ̃ɔ̀.

¹¹A yele na ɩ vla a yel-bier sob zie a, ta nyuur'ɩ ʋ ɛ: fʋ bɛ bãw a lɛ a ʋ nyɔ-vʋʋrʋ na na baarɩ a ɩ.

¹²Ta de a yele na ɩ vla a bɛlɩ dem na bɛ ƴãwnɛ a Sore a zie ɩ. Bãwnɩ a kɛ́ bɛ kʋ̃ be be tɩ kpi, ɛ́ bɛ nyɛ̃ dɔwrʋ ɛ.

¹³Àr zãá nɩ nɩ-kʋrɛ, ɛ́ fʋ kʋ̃ zɔrɛ a kũu dɛ̃bɩ̃ɛ ɩ. Ɛ́ fʋ̃ʋ wa tàw pɩɛl'ʋ a, fʋ̃ʋ taa tule ɩ, ʋ nãà mab'a ír a fʋ nyɔ-vʋʋrʋ. Bãwnɩ a kɛ́ bɛrɩ sɔgɔ n'a fʋ cere, kɛ́ a dacine na piw a tẽw a zu n'a fʋ dɛnɛ.

¹⁴Mɛ̃ a lɛ a na na tʋ̃ɔ́ a, lãwnɛ nɩ a fʋ tɔ sob, ɛ́ dier a yã-bãwnbɛ wulu.

¹⁵Lãw ƴɛ̀rɛ nɩ nɩbɛ na tɛr yã a, ɛ́ a fʋ ƴɛ̀rʋ za mɩ́ càarɩ a Naaŋmɩn-na-do-saa-bɛ-pɩɛl-a wulu.

¹⁶A bɛlɩ dem nɩ a fʋ̃ʋ na lãw dɩrɛ a, bɛ mɩ́ ɩ a nɩ-mɩn. Mɩ́ ɩ a Sore zɔba ɩ a fʋ nyʋ̀ʋ́r bom. A nɩbɛ nɩ-bɛrɛ

¹⁷A ʋlɩ bom nɛ bɛ na nɔnɛ a bʋ̃-maalbɛ zie a, ʋlɛ n'ɩ a bɛ nuru bʋ̃-maala, ɛcɛ a nɩbɛ nɩ-kpɛ̃ɛ zie a, a ʋ yã-bãwfʋ ƴɛ̀rʋ n'a.

¹⁸Bɛ mɩ́ zɔrɛ nɩ a ƴɛ̀r-yaga sob a ʋ tẽ-kpɛ̃ɛ pʋɔ, bɛ bɛ mɩ́ nɔnɛ a nɩr na ƴɛ̀rɛ zuo a ɩ.