Read Dagara, Northern Ɩzayi 10 Bible Online

Ɩzayi 10 - Dagara, Northern bible

Ɩzayi 10

¹Baw-bio dem'ɩ a bɛlɩ dem na mɩ́ bin tub na bɛ tu a mɩnʋ a, ɛ́ mɩ́ sɛb ƴãw nɛ́ɛ na waar'ɩ kpɩɛrʋ a!

²À à ŋá n'a a ƴɛ̀rʋ bɛ mɩ́ dɩ n mɩnʋ a bãbàalbɛ ƴãw ɛ, ɛ́ a ɩ̃ nɩ-bʋʋrɛ nan dem bɛ mɩ́ nyɛ̃ a lɛ-na-tu-sɔr-a, ʋ maalɩ a bɛ zie ɩ. Bɛ mɩ́ zure nɩ a pɔw-kɔbɛ bome ɛ́ farɛ a bi-kpebe dem.

³Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

⁴A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

⁵A Sore yere na: Baw-bio páw nɩ a Asiiri tẽw, ʋl na ɩ a ɩ̃ suur dakpuli-ŋmãa a. A ɩ̃ su-yãyaar dabɔl'ʋ ʋ tɛr a ʋ nũú.

⁶Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

⁷Ɛcɛ à ŋá bɛ n'a a Asiiri tẽw tɩ́ɛrɛ ɩ, bʋ̃-yũo n'ʋ ʋ tɩ́ɛrɛ: sãw-bɛrʋ tɛwr tɩ́ɛrʋ n'a ʋ tɛr, ʋ ɩ nɩ-bʋʋr-yaga ta cãà ɩ.

⁸Ʋ yere na: «A ɩ̃ zɛbr-nɩbɛ nɩ-bɛrɛ za bɛ ɩ na-mɩnɛ bɩɩ?

⁹Ɩ̃ bɛ ɩ a Kalno tẽ-kpɛ̃ɛ mɛ̃ a lɛ ɩ̃ na ɩ a Karkemisɩ tẽ-kpɛ̃ɛ a ɩ? Ɩ̃ bɛ ɩ a Hamatɩ tẽ-kpɛ̃ɛ mɛ̃ a lɛ ɩ̃ na ɩ a Arpadɩ tẽ-kpɛ̃ɛ a ɩ? Ɩ a Samaari mɛ̃ a lɛ ɩ̃ na ɩ a Damasɩ[27] a ɩ?

¹⁰Ɩ̃ tʋ̃ɔ́ na zɛb de tɩbɛ naalʋ-ten, a be a dasuli na yãwmɛ zuo a Zerizalɛm nɩ a Samaari ten dem a.

¹¹Ɩ̃ kʋ̃ tʋ̃ɔ́ ɩ a Zerizalɛm nɩ a ʋ tɩbɛ mɛ̃ a lɛ ɩ̃ na ɩ a Samaari nɩ a ʋ tɩbɛ a ɩ?»

¹²A Sore wa tõ a ʋ ton baarɩ a Sɩyɔ̃ tãw zu nɩ a Zerizalɛm a, ʋ na ìr'ɩ a Asiiri tẽw nãà pɔ̀l-ɩb ƴãw nɩ a jɩ́rʋ ʋ na mɩ́ jɩ́r mɛ̃ nɩr bɛ lɛb ka be pʋɔ a ʋ ƴãw a.

¹³Bʋ̃ʋ n'ʋ vɛ̃, ʋ yel a: «A alɩ bome nɛ za ɩ̃ na ɩ a, a ɩ̃ fãw nɩ a ɩ̃ yã-bãwfʋ zũú n'a, bʋ̃ʋ n'ʋ vɛ̃, ɩ̃ tɛr'ɩ yã. Ɩ̃ ír'ɩ a nɩ-bʋʋrɛ tʋr-bɔwrɩ bɛr, fa a bɛ na-bome, ɛ́ siwri a na-mɩnɛ a bɛ dà-kɔwr zuru.

¹⁴Ɩ̃ de nɩ a nɩ-bʋʋrɛ na-bome mɛ̃ lili-cow fʋ na ír a. Ɩ̃ de nɩ bom za a tẽw zu, mɛ̃ jɛlɛ na gã fʋ wob a, ɛ́ nɩr za bɛ dam dam ɛ, bɛ háa nʋɔr kõ ɩ.»

¹⁵A lɛr na pɔrɛ nɩ a sob nɛ na cɩɛr'ɩ ʋ a zie bɩɩ? A sɔ-nyɩmɛ na zɛwr'ɩ ʋ tʋɔra a sob nɛ na ɩrɛ ʋ damnɛ a zie bɩɩ? Mɛ̃ a dakpuli-ŋmãa n'ʋ ɩ a sob nɛ na zɛw ʋ a ʋ damnɛ a, bɩɩ mɛ̃ a dabɔl'ʋ zɛw a sob nɛ na bɛ ɩ dàa bom a!

¹⁶Alɛ so a Sore Naaŋmɩn, a kpɛnʋ-za-sob na ɩ a Asiiri tẽw ziir al na tɛr a a na-bome siwri. Bɛ na tõ n vũu ƴãw a vɩɛlʋ na sãá a ƴãw, a dɩrɛ mɛ̃ vũu-kpɛ̃ɛ na nyɔw dɩrɛ a.

¹⁷A Sore, a Ɩsɩrayɛl cãà, na lɩɛb'ɩ vũu. A Naaŋmɩn na ɩ sõw a na lɩɛb'ɩ vũu-zɛl nyɔw a gɔ-tuwr, dɩ a bibi-been.

¹⁸Ʋ na sãw nɩ a tuw-vɩɛlɩ vɩɛlɩ nɩ a tɩ-wɔnɩ za bɛr pelẽpelẽ. A na ɩ na mɛ̃ bàal a ƴã-gan na báarɛ a.

¹⁹A Asiiri tẽw tuw tɩɩr na cɛ nɩ zaa pʋrɩ, kɛ̀ bibile na tʋ̃ɔ́ a sɔ́r.

²⁰A ʋlɩ bibir nɛ a, a Ɩsɩrayɛl nɩbɛ na cɛ a, a Zakɔb nɩbɛ bɛl na cɩ̃ɛ a, kʋ̃ cãà bɔbr tɩɛrɛ a sob nɛ na ŋmɩɛr bɛ a zie ɩ. A Sore, a Ɩsɩrayɛl Naaŋmɩn na ɩ sõw a n'ʋ, bɛ na sɩrɩ de, ʋ ɩ a bɛ tɩɛrɛ.

²¹Ŋmãa na cɛ a na lɛb'a wa[28]. A Ɩsɩrayɛl nɩbɛ ŋmãa na cɛ a, na lɛb'a wa a Naaŋmɩn-Gãdaa zie.

²²Ɛcɛ, Ɩsɩrayɛl i, a fʋ nɩbɛ saa tɩ yãwmɛ sɛw a kʋ̃ɔ-kpɛ̃ɛ nʋɔr biire a, nɩbɛ ŋmãa na cɛ a tɛwr nɛbɛ na lɛb wa a Sore zie. Bɛ yel'ɩ a kʋ-pàw-pɛr baarɩ, na na ɩ a mɩnʋ paalɩ a tẽw mɛ̃ man na paalɩ yi nɛ́ɛ a.

²³A kʋ-pàw-pɛr a Sore Naaŋmɩn, a kpɛnʋ-za-sob, na yel à à ŋá a, ʋ na maal'ʋ nɩ a tẽw za pʋɔ.

²⁴A lɛ so, à ŋá n'a a Sore Naaŋmɩn, a kpɛnʋ-za-sob, ƴɛ̀rɛ: «Ɩ̃ nɩbɛ ɛ, nyɩɩm na kpɩɛr a Sɩyɔ̃ a, nyɩ ta zɔrɛ a Asiiri tẽw na ŋmɩɛr'ɩ nyɩ a ʋ dakpuli-ŋmãa ɛ́ mɩ́ zɛw a ʋ dabɔl a nyɩ ƴãw mɛ̃ a Eziptɩ tẽw dem a koro za a ɩ.

²⁵Bʋ̃ʋ n'ʋ vɛ̃, blã n'a cãà cɛ, zaa pʋrɩlɛ n'a cãà cɛ, ɛ́ a ɩ̃ suur a nyɩ ƴãw na baar'a, ʋ na baar'ɩ pelẽpelẽ.»

²⁶Bʋ̃ʋ n'ʋ so, a Sore, a kpɛnʋ-za-sob, na zɛw nɩ a ʋ fʋba a Asiiri tẽw ƴãw, mɛ̃ a lɛ ʋ na tɩ ɩ a Madian tẽw dem ƴãw a Orɛvʋ pìir pɛr a. Ʋ na zɛw nɩ a ʋ dabɔl a kʋ̃ɔ-kpɛ̃ɛ zu, mɛ̃ a lɛ ʋ na tɩ ɩ a Eziptɩ tẽw dem ƴãw a[29].

²⁷A ʋlɩ bibir nɛ a, ʋ na dɔw nɩ a tuor bɛr na dĩ a nyɩ bawŋmamɛ, ɛ́ dĩ a nyɩ nyuru mɛ̃ ni-kʋ́ɔrɩ dàa a. A dɔ̃ sob dúor'ɩ a Samaari,

²⁸ʋ tarɛ nɩ Ayatɩ tẽw ƴãw, ʋ tuur'a tɔlɛ Migiron ɛ́ bɛrɛ a ʋ tuor Mikɩmasɩ.

²⁹Ʋ gãwnɛ nɩ a fʋɔla ɛ́ yere: «Tɩ na gã nɩ Geva ìr.» Dɛ̃bɩ̃ɛ ɩrɛ nɩ a nɩbɛ bɛ màwr a Arama. A nɩbɛ nyɔw nɩ zɔba a Givea, a Sawul tẽ-kpɛ̃ɛ.

³⁰Nyɩ lɔbr cɛlsɩ, Galim tẽw dem i! Gùre fʋ tʋɔra, Laɩsa tẽw i! Anatɔtɩ tẽw i, sɔ̀w!

³¹Madimena tẽw dem zɔrɛ na, Gevim tẽw dem bɔbr'ɩ sɔwlʋ zie.

³²A ʋlɩ bibir nɛ a, a dɔ̃ sob na tɛw nɩ Nɔvʋ tẽw. Ʋ vɛlɛ nɩ nũu cɔwr a Sɩyɔ̃ tãw, a Zerizalɛm tãle.

³³A Sore Naaŋmɩn, a kpɛnʋ-za-sob, karɛ nɩ a wuli nɩ fãw. Ʋ cɛ n a tɩ-kɛrɩ lɔb, a al na kɛrɩ zuo a taabɛ a gã nɩ tẽw.

³⁴Ʋ cɛ n a tuw pʋɔ va-pɔrɛ nɩ lɛr, a Libã tẽw sɛɛdɩr tɩ-bɛrɛ gã nɩ tẽw.