Read Dagara, Northern Ɩzayi 11 Bible Online

Ɩzayi 11 - Dagara, Northern bible

Ɩzayi 11

¹Bidɛb na yi n a Zese[30] yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.

²A Sore Vʋʋrʋ na siw ʋ na: yã-bãwfʋ nɩ yele jielu Vʋʋrʋ, yã-wulu nɩ fãw Vʋʋrʋ, bãwfʋ nɩ Sore zɔba Vʋʋrʋ.

³A Sore zɔba n'a na ɩ a ʋ yã-nɔn. Ʋ kʋ̃ mɩ́ dɩ a ƴɛ̀rʋ tu n a lɛ ʋ na nyɛ̃ a ɩ, ʋ kʋ̃ mɩ́ yel a lɛ na be be a, tu n a lɛ ʋ na wone bɛ yere a ɩ.

⁴Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

⁵A mɩnʋ nɩ a yel-mɩŋa na ɩ n a ʋ zie mɛ̃ kpàwr bɛ na mɩ́ sɛ a sɩɛmɩ́ kʋralɛ a.

⁶Lɛ n'a a wɛ-baa na lãw kpɩɛr'ɩ a péle, a nyũo na mɩ́ gã na kɔwlɩ bʋle. Bɛ na lãw na guole a nále nɩ a gbẽw-bile, ɛ́ dɛbli-cãpile cɩ̃ɩnɛ a.

⁷A na-nyãw nɩ a wɛ-dʋ̃-faa bɛ na bʋɔlɛ ursɩ, ʋ́ʋ̀ ɩ bʋ̃-nyãw a, na lãw na 'wɔbr a mʋ̃ɔ, ɛ́ a bili lãw gáa zie. A gbẽw na 'wɔbr'ɩ mʋ̃ɔ mɛ̃ a náab a.

⁸A bi-ƴɛna na dɩ̃ɛnɛ nɩ gbàá bɔw nʋɔr, ɛ́ a dɛbli-cãpile tõ nũu a dɔpan sɔwlʋ zie.

⁹Bɛ kʋ̃ cãà maalɛ yel-faa ɛ́ sãwnɛ bom a ɩ̃ tãw-sõw za zu ɛ. Bʋ̃ʋ n'ʋ vɛ̃, a Sore bãwfʋ na paal'ɩ a tẽw, mɛ̃ man na paalɩ kʋ̃ɔ a.

¹⁰A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

¹¹A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

¹²Ʋ na zɛw nɩ bãwfʋ k'ʋʋ yel a nɩ-bʋʋrɛ bɛ ŋa ʋ na na lɛb ɓã a Ɩsɩrayɛl nɩbɛ taa a, bɛl bɛ na diw a bɛ tẽw pʋɔ cen nɩ a, nɩ ʋ na na lɛb ɓã a Zuda nɩbɛ taa na yàarɩ be a tẽw lõbowe anaar a.

¹³Lɛ n'a a Efarayim[31] kʋ̃ cãà nyuur'ɩ a Zuda ɩ. Bɛ na kʋ n a Zuda dɔ̃ dem pàw pɛr, ɛ́ a Zuda kʋ̃ cãà tɛr'ɩ a Ɩsɩrayɛl dɔ̃ ɩ.

¹⁴Bɛ na lãw na dãw taa cen a Filisɩtɛ̃ mɩnɛ tãli ƴãw, a mʋ̃tɔ̃w-kpɛb-lowr, bɛ na za n a wɛja-kpalɛ pʋɔ nɩbɛ a saa-pɛrɩ́ lowr: bɛ na so nɩ a Edɔm nɩ a Mowab ten, ɛ́ a Amɔ̃ tẽw dem sàwr a bɛ nʋɔr.

¹⁵A Sore na ɩ na a Eziptɩ tẽw kʋ̃ɔ-kpɛ̃ɛ gbɛ́r kò. Ʋ na vɛlɩ nɩ nũu cɔw a Efaratɩ man. A ʋ pɩɛlʋ fãw na ɩ na ʋ bʋ́r ɩ bà-gbɛ́ɛ ayopõi, bɛ na na tʋ̃ɔ́ mɩ́ ƴãw nafawr-ɓɛwlɩkɛl gãw nɩ a.

¹⁶Sɔ́r na be n be a ʋ nɩbɛ ŋmãa na cɛ a ƴãw, a bɛl na na cãà vʋʋrɛ be a Asiiri tẽw a, mɛ̃ a lɛ ʋ na tɩ be be a koro a Ɩsɩrayɛl nɩbɛ ƴãw, a lɛn daar bɛ na tɩ yi a Eziptɩ tẽw a.