Read Dagara, Northern Ɩzayi 15 Bible Online

Ɩzayi 15 - Dagara, Northern bible

Ɩzayi 15

¹Ƴɛ̀rʋ na ƴɛ̀r a Mowab tẽw ƴãw a. A Aar-Mowab tẽw sãw nɩ ʋ za tɩ̃ɩsɔw-been, damnʋ za bɛ cãà damnɛ a ʋ pʋɔ ɛ. A Kɩɩr-Mowab tẽw sãw nɩ ʋ za tɩ̃ɩsɔw-been, damnʋ za bɛ cãà damnɛ a ʋ pʋɔ ɛ.

²A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ[38].

³A tẽ-bɛrɛ sɛ́ɛ pʋɔ a, vʋɔrɩ kparɩ n'a a nɩbɛ su. A gàrɛ zu nɩ a nɩ-yaga tuor-taa ziir a, bɛ za ŋmaarɛ nɩ lãw-mʋɔlɛ kone cire nɩ mʋta-kʋ̃ɔ.

⁴A nɩbɛ kone na bɔbr'ɩ faafʋ Hɛsɩbon nɩ Eleale, a bɛ cɛlsɩ yire na tɩ tarɛ Yahasɩ. Alɛ n'a so a Mowab sojarɩ lɔbr cɛlsɩ, ɛ́ a bɛ kanyir baarɩ.

⁵Ɩ̃ kone nɩ a Mowab ƴãw. A ʋ nɩbɛ na zɔrɛ a zɔ na tɩ sãá Sowaar, tɩ sãá Egilatɩ-Selisiya. A nɩbɛ dúor'ɩ a Luhitɩ dob zie kone nɩ, bɛ ŋmɩɛr'ɩ cɛlsɩ na ɩrɛ nɩbaalʋ a, a Horonayim sɔ́r zu.

⁶A Nimirim kʋ̃ɔnɩ zie lɩɛb'ɩ wɛja-kpalɛ na ɩrɛ nɩbaalʋ a. A mʋ̃ɔ ko na, a bɛ cãà bule ɩ, va-ɓaar za bɛ cãà be ɩ.

⁷A bʋ̃-tɛrɩ al na cãà cɛ a nɩbɛ a, bɛ de a na tɔl gãw nɩ a Sol tɩɩr bà-fʋɔla.

⁸A cɛlsɩ lɔb'a viiri koli a Mowab tẽw za, a kpɩɛrʋ kon yi na tɩ ta Egilayim, a yi na tɩ ta Elim bulé.

⁹A Divon bàa kʋ̃ɔ ɩ n zɩ̃ɩ tɛwr. A Sore yere na: «Ɩ̃ na ƴãw nɩ a Divon kpɩɛrʋ dɔwlɩ: gbẽw na kʋ n a Mowab tẽw nɩbɛ bɛl na cɩ̃ɛ a, a bɛl na na cɛ be a tẽw pʋɔ a.»