Read Dagara, Northern Ɩzayi 18 Bible Online

Ɩzayi 18 - Dagara, Northern bible

Ɩzayi 18

¹Baw-bio, a pɛnɛ ayiri gbee tẽw na lanɩ a Etiopi tẽw mamɛ a ƴãw!

²Ʋ tone nɩ nɩbɛ[43] bɛ duwre a Nɩl man zu, bàa-kɛkɛɛ gbee pʋɔ. Nɩbɛ bɛ na tõ nyɩ páwr a, nyɩ lɛb cen a nɩ-bʋʋrɛ bɛ ŋa na kɛrɩ ɛ́ a ƴã-gamɛ nyɩlɛ a zie, a nɩ-bʋʋrɛ bɛ ŋa bɛ na zɔrɛ a ka tɩ tɔ a tẽw baarʋ zie a, a nɩ-bʋʋrɛ bɛ ŋa na kpɛmɛ nɛbr a bɛ dɔ̃ dem nɩ gbɛ́ɛ a zie. Nyɩ lɛb kul a nyɩ tẽw a mamɛ na põ a.

³Nyɩɩm za, tẽ-daa nɩbɛ ɛ, nyɩɩm na kpɩɛr a tẽw a, bɛlɛ wa zɛw a dɩrapo a tan zu a, nyɩɩm jɩ́rɛ, a ɩɩl wa kõ a, nyɩɩm bɛrɛ wone.

⁴Bʋ̃ʋ n'ʋ vɛ̃, a Sore ƴɛ̀r'ɩ a ɩ̃ zie à ŋá: «A zie ʋl ɩ̃ na be a, ɩ̃ na zɩ̃ n zoom ɛ́ jɩ́rɛ, mɛ̃ a tʋlʋ na dɩrɛ cãà pʋɔ a, mɛ̃ ɓɩɛlʋ zũzuwr a bʋ̃-dieri-deb tʋlʋ daar a.»

⁵A wɔmɛ deb daar na bɛ mɩ́ ta sɛr a, a lɛn daar a divɛ̃ tɩɛ na mɩ́ pu a, a lɛn daar a puuru na mɩ́ lɩɛbɩ wɔ̃-cãacule mʋ̃ɔnɛ a, bɛ mɩ́ ŋma n a wuli-zawlɛ, a pɩrmɛ nɩ a váar bɛr, nɩ sɔ-nɔ-ɓãfaga.

⁶Lɛ n'a bɛ mɩ̀ na bɛr a Etiopi tẽw nɩbɛ kʋ̀ a tan pʋɔ sɩlɩ nɩ a wɛ-dʋn. A sɩlɩ so bɛ a ũon, ɛ́ a wɛ-dʋn so bɛ a sɩ̃ɔ.

⁷Lɛ n'a bɛ na wa n bʋ̃-kʋ̀rɩ wa kʋ̀ a Sore, a kpɛnʋ-za-sob, a nɩ-bʋʋrɛ bɛ ŋa yúor ƴãw, a nɩ-bʋʋrɛ bɛ ŋa na kɛrɩ ɛ́ a ƴã-gamɛ nyɩlɛ a, a nɩ-bʋʋrɛ bɛ ŋa bɛ na zɔrɛ a ka tɩ tɔ a tẽw baarʋ zie a, a nɩ-bʋʋrɛ bɛ ŋa na kpɛmɛ nɛbr a bɛ dɔ̃ dem nɩ gbɛ́ɛ ɛ́ a mamɛ põ a tẽw a. Bɛ na wa n nɩ a bʋ̃-kʋ̀rɩ á ŋá a Sɩyɔ̃ tãw zu, a be a Sore, a kpɛnʋ-za-sob, na kpɩɛr a.