Read Dagara, Northern Ɩzayi 20 Bible Online

Ɩzayi 20 - Dagara, Northern bible

Ɩzayi 20

¹A ʋlɩ yũon nɛ a Asiiri tẽw nãà, Sargɔ̃[47], na tɩ tõ a ʋ zɛbr-nɩbɛ nɩ-kpɛ̃ɛ za a Asɩdɔdɩ tẽ-kpɛ̃ɛ ƴãw na be a Filisɩti tẽw a tɩ n'a. Ʋ tɩ zɛb'a de ʋ.

²A tɩ cãà na cɛ yome ata, ɛ́ a Sore yel a Amɔtɩsɩ bidɛb, Ɩzayi: «Cɛ̀r a vʋɔra pɛn fʋ na sɛ a sɩɛmɩ́ a bɛr, ɛ́ yàa a nafawr fʋ na ƴãw a gbɛ̃ɛ́ a bɛr.» Ʋ̀ tɩ ɩ a lɛ, ɛ́ cɔlɛ nɩ ƴã-gã-zawla nɩ gbɛ-zawlɛ. A ʋlɩ yũon nɛ bɛ na tɩ zɛb de a Asɩdɔdɩ a,

³a Sore tɩ ƴãw na a Ɩzayi ƴɛ̀r à ŋá: «Yome ata n'ɩ à ŋá a ɩ̃ tõ-tõ-bie Ɩzayi na cɔlɛ nɩ ƴã-gã-zawla nɩ gbɛ-zawlɛ a. Bãwfʋ nɩ nɩdaar yel na càarɩ a Eziptɩ tẽw nɩ a Etiopi tẽw a n'ʋ.

⁴A Asiiri tẽw nãà na nyɔw nɩ a Eziptɩ tẽw dem cen nɩ, bɛ ɩ gaso nɩbɛ, ɛ́ ír a Etiopi tẽw dem a bɛ tẽw cen nɩ, a pɔ́lɛ́ nɩ a dɛb-nyamɛ. Lɛ n'a bɛ mɩ́ na ɩ ƴã-gã-zawlɛ nɩ gbɛ-zawlɛ, pɛ-zawlɛ. Nyɛ̃ vĩ na na nyɔw a Eziptɩ tẽw dem a!

⁵A bɛlɩ dem na tɩ ƴãw a bɛ tɩɛrʋ a Etiopi tẽw ƴãw, bɩɩ pɔrɛ nɩ a Eziptɩ tẽw sõwfʋ a, pʋl-vʋ̃ɔ na tɛr bɛ na ɛ́ vĩ nyɔw bɛ.»

⁶A ʋlɩ bibir nɛ a, a nɩbɛ na kpɩɛr a Mediterane kʋ̃ɔ-kpɛ̃ɛ nʋɔr a[48] na yere na: «Nyɛ̃ a lɛ a na ŋmɛ̃ a nɩbɛ tɩ na tɩ tɩ́ɛrɛ a ƴãw a! Tɩ tɩ bɔbr'a kɛ́ tɩ zɔ cen a be tɩ páw sõwfʋ, ɛ́ bɛ faa tɩ a Asiiri tẽw nãà nuru pʋɔ. À à ŋá a, ŋmɩŋmɩn n'a tɩ na tʋ̃ɔ́ nyɛ̃ a faafʋ?»