Read Dagara, Northern Ɩzayi 31 Bible Online

Ɩzayi 31 - Dagara, Northern bible

Ɩzayi 31

¹Baw-bio wɛ! A nɩbɛ bɛ ŋa siwr'ɩ Eziptɩ tẽw kɛ́ bɛ tɩ bɔ sõwfʋ. Bɛ bɛr'ɩ tɩɛrʋ a wie ƴãw, a zɛbr-torkori ƴãw n'a bɛ ƴãw a bɛ tɩɛrʋ, a na yãwmɛ a ƴãw, nɩ a bɛ wi-zɔmnbɛ ƴãw, bɛ na tɛr fãw yaga a ƴãw. Ɛcɛ bɛ bɛ jɩ́rɛ a Ɩsɩrayɛl Naaŋmɩn na ɩ sõw a lowr ɛ. Bɛ bɛ bɔbr a Sore ɩ.

²Ɛcɛ a ʋl mɩ̀ a, ʋ cɩ na: ʋ na tʋ̃ɔ́ na ɩ a yel-faa ta, ʋ bɛ lɩɛbɛ a lɛ ʋ na yel a bɛrɛ ɩ. Ʋ ìre nɩ a nɩ-faar lãw ƴãw, nɩ a yel-fa-maalbɛ bɛ na bʋɔlɛ kɛ́ bɛ wa sõw a ƴãw.

³A Eziptɩ tẽw dem ɩ n nɩsaalbɛ tɛwr, bɛ bɛ tɛr Naaŋmɩn fãw kãw za ɩ. A bɛ wie ɩ n dʋn tɛwr, a bɛ tɛr bom kãw za dɔwlɩ ɛ. A Sore wa zɛw a nũu a, a sõw-sõwne na kaw na, a sob ʋ na sõwne a lo, à ɩ a bɛ za ayi baarʋ.

⁴À ŋá n'a a Sore ƴɛ̀r a ɩ̃ zie: «A gbẽw bɩɩ a gbẽw-bile wa kone bɛ sàwr'ɩ a bom ʋ na nyɔw a ƴãw a, bɛlɛ saa bʋɔlɩ dʋ̃-cɩ̃ɩnbɛ yaga yaga ɓã taa a ʋ ƴãw a, a bɛ cɛlsɩ bɛ ɩrɛ ʋ dɛ̃bɩ̃ɛ ɩ, a bɛ gɔmɛ bɛ damnɛ ʋ ɛ. À ŋá n'a a na ŋmɛ̃ a lɛn daar a mãa, a Sore kpɛnʋ-za-sob, nãà wa siw a Sɩyɔ̃ tãw zu k'ɩ̃ɩ tɩ zɛb a zɛbr a.»

⁵Mɛ̃ a lɛ lile na mɩ́ yɛ́r a ʋ pɩgɛ a, a Sore, a kpɛnʋ-za-sob, na gù n a Zerizalɛm. Ʋ na gù ʋ na ɛ́ faa ʋ, ʋ na jɩɩr'ʋ na bɛr ɛ́ faa ʋ.

⁶Ɩsɩrayɛl nɩbɛ ɛ, nyɩ gùr'ɩ pùor vla vla kʋ̀ a Sore. A na ɩ à ŋá a, nyɩ lɛb wa a ʋ zie.

⁷A ʋlɩ bibir nɛ a, a nyɩ kãw za na lɔb'ɩ a ʋ salm-pla nɩ a ʋ salm-zɩɛ tɩbɛ a ʋ yel-bier maalɛ nuru na maalɩ a bɛr.

⁸A Asiiri tẽw na lo na, ɛ́ a bɛ ɩ zɛbr-sɔ-kpɛ̃ɛ na ɩ nɩsaalbɛ dem a n'ʋ gɔr ʋ lɔb ɛ. A zɛbr-sɔ-kpɛ̃ɛ na na sãw ʋ bɛr a, bɛ ɩ nɩsaal zɛbr-sɔ-kpɛ̃ɛ ɩ. A Asiiri tẽw dem na zɔ n a ʋ niŋé, ɛ́ bɛ ƴãw a ʋ zɛbr-nɩ-pɔlɛ tone pɔ̃tɔrɩ tome.

⁹A pʋl-vʋ̃ɔ ƴãw a, a bɛl na kpɛmɛ zuo za a na zɔ na, ɛ́ a nɩ-bɛrɛ a kanyir na baarɩ a, na tɩɛ nɩ a bɛ dɩrapo bɛr. A Sore n'ʋ yere a lɛ, ʋl na tɛr a ʋ vũu-'lera a Sɩyɔ̃ a, vũu bɛ na gbɔw a Zerizalɛm a.