Read Dagara, Northern Ɩzayi 47 Bible Online

Ɩzayi 47 - Dagara, Northern bible

Ɩzayi 47

¹A Sore yere na: «Babɩlɔn tẽ-kpɛ̃ɛ ɛ, siw a fʋ naalʋ-dà-kɔw zu zɩ̃ a tanɛ pʋɔ. Lɛ n'a, zɩ̃ a tẽsɔw, Babɩlɔn tẽw dem tẽ-kpɛ̃ɛ ɛ. Bɛ kʋ̃ cãà bʋɔlɛ fʋ “Babɩlɔn na pɔl a” ɩ, “Babɩlɔn nʋ̃ɔ̀-wone” ɩ.

²De a nɩɛr nɩ a nebir ƴɛ́rɛ nɩ a zɔ̃. Ír a fʋ niwn pɛn-pàwra bɛr, vaa a fʋ kparʋ do n a fʋ gbɛbɛrɛ sãá, ɛ́ fʋ gãw a mamɛ.

³A nɩbɛ na nyɛ̃ nɩ a fʋ faalʋ, bɛ na nyɛ̃ nɩ a ʋlɩ bom nɛ na ɩrɛ fʋ vĩ a. Ɩ̃ na yáa nɩ a san, ɛ́ nɩr za kʋ̃ piw mɛ̃ sɔ́r ɛ.

⁴A sob nɛ na yarɛ dier tɩ a yúor'ɩ a Sore, a kpɛnʋ-za-sob,» a Ɩsɩrayɛl Naaŋmɩn na ɩ sõw a.

⁵Zɩ̃ gbili, Babɩlɔn tẽw dem tẽ-kpɛ̃ɛ ɛ, sɔwlɩ a lige pʋɔ. Bʋ̃ʋ n'ʋ vɛ̃, bɛ kʋ̃ lɛb bʋɔlɩ fʋ “Naalʋ-ten Pɔw-nãà” towtow ɛ.

⁶Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

⁷Fʋ tɩ yere na: «Ɩ̃ na be n be kʋralɛ, ɩ̃ na ɩ n pɔw-nãà kʋralɛ». Fʋ bɛ tɩ tɩɛrɩ a yele á ŋá ɩ, fʋ bɛ tɩ tɩɛrɩ a nɩdaar ɛ.

⁸Ƴɛrɛŋa a, bɛr wõ yel ŋa, fʋ̃ʋ na nɔnɛ a ƴã-gan nʋ̃ɔ̀ a, fʋ̃ʋ na zɩ̃ zaa zoom ɛ́ tɩɛrɛ à ŋá a: «A mãa a, ɩ̃ bɛ tɛr ɩ̃ tɔ ɩ! Ɩ̃ bɛ be za na ɩ pɔw-kʋɔr ɛ, ɩ̃ kʋ̃ bãw a ɩ̃ bibiir kũu ɛ».

⁹A yele ayi á ŋá na ùr'a ta fʋ bibi-been yõ: a fʋ bibiir na bɛ cãà be a nɩ a pɔw-kʋɔlʋ mɩ̀. A na ta b'a, a fʋ sɔ-yele nɩ a fʋ kalibawli saa yãwmɛ tɩ gãw a.

¹⁰A fʋ ɩ-faar tɩ ɩ na fʋ bɛr tɩɛrʋ ɛ́ yere à ŋá: «Nɩr bɛ nyɛrɛ mɛ̃ ɩ». Ɛcɛ fʋ na yel kɛ́ fʋ tɛr'ɩ yã-bãwfʋ nɩ bãwfʋ a, alɛ n'a tuli fʋ, ɛ́ ƴãw fʋ tɩɛrɩ fʋ pʋɔ à ŋá: «A mãa a, ɩ̃ bɛ tɛr ɩ̃ tɔ ɩ!»

¹¹Baw-bio fʋ na kʋ̃ bãw ɩ ʋ ta páw fʋ a na páw fʋ na. Yel-faa fʋ na kʋ̃ tʋ̃ɔ́ nɩɩrɩ bɛr a na lo n a fʋ zu. Zie na sãw ʋ za fʋ na bɛ bãwnɩ a na ùr'a ta b.

¹²Cãà cere nɩ a fʋ sɔ-yele nɩ a fʋ tɩtɩblʋ ɩ-ɩrɩ za. A fʋ pɔ̀lʋ daarɩ́ za n'a fʋ tɩ zanɩ a hanɩ nɩ, tɩ́ɛrɛ nɩ kɛ́ fʋ na ír'ɩ tɔnɛ a pʋɔ, nɩ k'aa mɩnɛ kãw fʋ na ƴãw nɩ nɩ nɩbɛ dɛ̃bɩ̃ɛ.

¹³Fʋ bàl'a nɩ a yã bɛ na wule fʋ a! A bɛlɩ dem na mɩ́ ŋma a salom põ ziir ziir a, a bɛlɩ dem na mɩ́ jɩ́rɛ a ŋmar-bie bãwnɛ yele a, ɛ́ cuw za bɛ mɩ́ yel a ʋlɩ bom nɛ na na ta b'a, bɛ wa wa faa fʋ!

¹⁴Bɛ na ɩ na mɛ̃ mɔ̃-kon a, vũu na dɩ bɛ na. Bɛ bɛ cɩ̃ɛnɛ a vũu-zɛlɛ zie ɩ. Ɛ́ a kʋ̃ ɩ vũu-bie vũu a ʋʋrʋ ƴãw ɛ, nɩ dam pʋɔ vũu a zɩ̃-kɔwlʋ ƴãw ɛ.

¹⁵Fʋ bàl'ɩ fʋ tʋɔra sowri a nɩbɛ bɛ ŋa, a fʋ pɔ̀lʋ daarɩ́ za wa tɔ a dɩ̃a. Pãa nyɛ̃ a lɛ bɛ na ŋmɛ̃ a fʋ ƴãw a! Bɛ bɔrɛ na gʋɔr a ziir za, ɛ́ kãw za kʋ̃ tʋ̃ɔ́ faa fʋ ɛ.