Read Dagara, Northern Ɩzayi 61 Bible Online

Ɩzayi 61 - Dagara, Northern bible

Ɩzayi 61

¹A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

²Ʋ tõ m'a k'ɩ̃ɩ tɩ hieri yel a Sore pʋ-pɩɛlʋ yũon, nɩ a bibir ʋl ʋ na na yáa a san a ʋ dɔ̃ dem zu a. Ʋ tõ m'a k'ɩ̃ɩ tɩ mɔwlɩ a bɛlɩ dem za na tɛr wahala a.

³A Sɩyɔ̃ ƴãw n'a bɛ tɛr a wahala. Ɛcɛ a fɛr'a k'ɩ̃ɩ kʋ̀ bɛ zu-pɛn vla vla lɩɛr'ɩ a tãpɛlʋ na be a bɛ zurú a, k'ɩ̃ɩ cir kãá-nyũu ƴãw bɛ na wule nʋ̃ɔ̀ ɛ́ bɛ wule wahala a, k'ɩ̃ɩ su bɛ cuw kparɩ lɩɛr'ɩ a nɩbaal-ɩb bɛ na ɩrɛ a. Lɛ n'a bɛ na de bɛ man nɩ tɩɩr na ɩrɛ a Naaŋmɩn nyɛrɛ ƴãwfʋ a, tɩ-sɛlɩ zie na wule a Sore yúor-vɩɛlʋ-danʋ a.

⁴Bɛ na lɛb'a libri a deboru, bɛ na lɛb a mɛ a yie na lo lo gã a koro za a. Bɛ na ɩ n a tẽ-bɛrɛ na sãw gã a dɩta-pɛ-yome za a, a lɛb àr.

⁵Nɩ-sãanbɛ na be n be àrɛ nɩ a nyɩ píir nɩ a nyɩ bʋʋr. Nʋʋrɩ na kʋɔr'ɩ a nyɩ póru kʋ̀rɛ nyɩ, ɛ́ kʋɔr a nyɩ divɛ̃ tɩɩr póru.

⁶Ɛcɛ a nyɩɩm a, bɛ na bʋɔlɛ nyɩ nɩ “Sore bàwr-maalbɛ.” A nyɩ yúor na dɩ n “Sore tɩ Naaŋmɩn tõ-tõ-biir.” Nyɩ na dɩ n a nɩ-bʋʋr-yoru na-bome, ɛ́ nyɩ na íre nɩ yúor nɩ a bɛ tɛra.

⁷A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

⁸Bʋ̃ʋ n'ʋ vɛ̃, a mãa Sore a, ɩ̃ nɔnɛ na kɛ́ bɛ mɩ́ nɔnɛ a yel-na-tu-sɔr-a, ɛcɛ ɩ̃ ciir'ɩ a nyãnyu-nɩ-kʋ-ɩb. A na ɩ à ŋá a, ɩ̃ na lɛb'a kʋ̀ nyɩ a bom nɛ a na fɛr kɛ́ nyɩ so a, ɩ̃ na maal'ɩ nyɩ nɩ wõ-taa na na be be kʋralɛ a.»

⁹A nyɩ bʋʋrɛ yúor na yi n a ziir za, a nɩ-bʋʋr-yoru ten za pʋɔ. A bɛlɩ dem za na na nyɛrɛ bɛ a, na bãw bɛ nɩ a yel ŋa zũú: bɛ na ɩ n bʋʋrɛ a Sore na maalɩ a.

¹⁰Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

¹¹Mɛ̃ a lɛ a tẽsɔw na mɩ́ bɛr a ʋ bʋ̃-bule a yi a, ɛ́ a zaadɛ̃ bɛr a bʋ̃-bʋʋrɛ bɛ na bʋ̀r ʋ a bul a, lɛ n'a a Sore Naaŋmɩn na ɩ a mɩnʋ nɩ a danʋ a bul a nɩ-bʋʋrɛ za niŋé.