Read Dagara, Northern Levitɩ mɩnɛ 12 Bible Online

Levitɩ mɩnɛ 12 - Dagara, Northern bible

Levitɩ mɩnɛ 12

¹A Sore tɩ yel'ɩ a Moyiir

²k'ʋʋ tɛr wulu á ŋá a Ɩsɩrayɛl nɩbɛ zie: «Pɔw-púor wa dɔw dɛble a, a pɔ-dɔwr na ɩ n dɛwr sob maalɩ bibie ayopõi, mɛ̃ a ʋ sɩɛ-loba daar a.

³Bɛ na ŋmãa nɩ a bie yʋ̀ɔr a bibie ani sob[21].

⁴Al pùorí, a pɔw na cãà na lɛb maalɩ bibie lɩzɛr'ɩ pie nɩ ata, ɛ́ bãw so a zɩ̃ɩ na cir a ʋ dɔwfʋ daar a dɛwr bɛr. A ʋlɩ vuo nɛ za pʋɔ a, ʋ bɛ tʋɔr bom za na ɩ Naaŋmɩn bʋ̃-sora a ɩ, ʋ mɩ̀ bɛ cere a zi-sõw pʋɔ ɩ.»

⁵«Pɔw wa dɔw powle a, ʋ na ɩ n dɛwr sob mɛ̃ a ʋ sɩɛ-loba daar a, dàrʋ ayi. Al pùorí, ʋ cãà lɛb maalɩ bibie lɩz'a ata nɩ ayʋɔb ɛ́ bãw so a zɩ̃ɩ na cir a ʋ dɔwfʋ daar a dɛwr bɛr.»

⁶«A dɛwr-so-bɛrʋ vuo ŋa wa baarɩ dɛble bɩɩ powle dɔwfʋ pùorí a, a pɔw na cen na tɩ páw a bàwr-maalɛ a tuor-taa pɛn-sɛw dɩ̃dɔr nʋɔr. Ʋ na cen nɩ nɩ yũon-been péle tɩ kʋ̀ ʋ, nyɩw-a-za-bàwr maalʋ ƴãw, nɩ naŋmam bɩɩ ŋmam yel-bier-ír-bɛrʋ bàwr maalʋ ƴãw.

⁷A bàwr-maalɛ na kʋ n a dʋn á ŋá kʋ̀ a Sore, ɛ́ tu a yel-bebe suur-dɩ-kʋ̀b tub a pɔw ƴãw. A lɛn daar a, a ʋ zɩ̃ɩ na cir a dɛwr baar'a, ʋʋ lɛb vɩɛl.» A wulu n'ɩ à á ŋá na càarɩ a pɔw na dɔw dɛble bɩɩ powle a.

⁸«Pɔw wa kʋ̃ tʋ̃ɔ́ páw a péle a, ʋ na tʋ̃ɔ́ na wa n ŋmamɛ ayi bɩɩ naŋmamɛ ayi[22]. A kãw a nyɩw-a-za-bàwr ƴãw, ɛ́ a kãw a yel-bebe-ír-bɛrʋ bàwr ƴãw. A bàwr-maalɛ wa tu a yel-bebe suur-dɩ-kʋ̀b tub a ʋ ƴãw a, ʋ na lɛb'a vɩɛl.»