Read Dagara, Northern Levitɩ mɩnɛ 3 Bible Online

Levitɩ mɩnɛ 3 - Dagara, Northern bible

Levitɩ mɩnɛ 3

¹«Nɩr wa bɔbr k'ʋʋ nyɔw dʋ̃w a ʋ nĩi pʋɔ maal'ɩ ƴã-ɓaarʋ bàwr a, ʋ na wa n nɩ nadɛr bɩɩ na-nyãw a ƴã-gan zie kãw za na bɛ sãw a, a Sore niŋé.

²Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na ɩ a Aarɔ̃ bidɛbr a na mɩr'ɩ a bàwr-maal-kuur kõkowe nɩ a zɩ̃ɩ.

³Nɛnɛ á ŋá na ɩ a Sore dem a n'a ʋ na de kʋ̀ ʋ: a kãá za na pàw a nyagɛ nɩ a púor a[3],

⁴a alãbie a za ayi nɩ a kãá na pàw a ɛ́ mɛr a dʋ̃w lõbowe ƴãw a, pãa de nɩ a sabr lõbowr-kpɛ̃ɛ bɛ na lãw ír'ɩ a alãbie a.

⁵A bàwr-maalbɛ na nyɩw nɩ a nɛnɛ á ŋá za a bàwr-maal-kuur zu, lãwnɩ a nyɩw-a-za-bàwr dʋ̃w na be a dà-ŋmaarɛ vũu zu a. Bàwr nɛn bɛ na nyɩw ɛ́ a Sore nɔnɛ a zʋ̀ʋ́r nyũu a n'ʋ.»

⁶«Nɩr wa nyɔwr dʋ̃w a ʋ píir nɩ a ʋ bʋʋr pʋɔ maalɛ nɩ ƴã-ɓaarʋ bàwr kʋ̀rɛ a Sore a, ʋ na nyɔw nɩ dʋ̃w a ƴã-gan zie kãw za na bɛ sãw a, bʋ̃-daa bɩɩ bʋ̃-pɔw.

⁷Pɛ́rʋ wa n'ʋ a, ʋ na taw ʋ na cen nɩ a Sore niŋé.

⁸Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na mɩr'ɩ a bàwr-maal-kuur kõkowe nɩ a zɩ̃ɩ.

⁹A zi-kãánɩ á ŋá a Sore na so a n'a ʋ na de kʋ̀ ʋ: a zʋʋr[4] ʋ za bɛ na man a pɛzʋkpʋr ƴãw ɛ́ ŋmãa a, a kãá za na pàw a nyagɛ nɩ a púor a,

¹⁰a alãbie a za ayi nɩ a kãá na pàw a ɛ́ mɛr a dʋ̃w lõbowe ƴãw a, pãa de nɩ a sabr lõbowr-kpɛ̃ɛ bɛ na ír lãwnɩ a alãbie a.

¹¹A bàwr-maalɛ na nyɩw nɩ a nɛnɛ á ŋá za a bàwr-maal-kuur zu. Bʋ̃-dɩra bɛ na nyɩw a Sore ƴãw a n'ʋ.»

¹²«Nɩr wa maalɛ a bàwr nɩ bʋra bɩɩ bʋ-nyãw a, ʋ na wa n nɩ a dʋ̃w a Sore niŋé.

¹³Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na mɩr'ɩ a bàwr-maal-kuur kõkowe nɩ a zɩ̃ɩ.

¹⁴Nɛnɛ á ŋá na ɩ a Sore dem a n'a ʋ na de kʋ̀ ʋ: a kãá za na pàw a nyagɛ nɩ a púor a,

¹⁵a alãbie a za ayi nɩ a kãá na pàw a ɛ́ mɛr a dʋ̃w lõbowe ƴãw a, pãa de nɩ a sabr lõbowr-kpɛ̃ɛ bɛ na lãw ír'ɩ a alãbie a.

¹⁶A bàwr-maalɛ na nyɩw nɩ a nɛnɛ á ŋá za a bàwr-maal-kuur zu. Bʋ̃-dɩra bɛ na nyɩw ɛ́ a Sore nɔnɛ a zʋ̀ʋ́r nyũu a n'ʋ.» «A Sore so a zi-kãánɩ za.

¹⁷Alɛ so, kʋralɛ nɩ zie nɛ za nyɩ na na kpɩɛr a, nyɩ na tuur'ɩ a nʋɔr ŋa na ƴãw gã kʋralɛ a: nyɩ bɛ 'wɔbr dʋ̃w nɛn-kãánɩ nɩ dʋ̃w zɩ̃ɩ ɛ.»