Read Dagara, Northern Zeremi 1 Bible Online

Zeremi 1 - Dagara, Northern bible

Zeremi 1

¹A sɛbɛ ŋa manɛ nɩ a lɛ Hɩlkɩahu bidɛb, Zeremi, na yel ɛ́ ɩ a. A Zeremi tɩ yi n bàwr-maalbɛ na kpɩɛr Anatɔtɩ a yir pʋɔ, Bɛ̃zamɛ tẽw pʋɔ.

²A Amɔ̃ bidɛb, Zozɩasɩ, na tɩ ɩ a Zuda tẽw nãà a naalʋ-dɩb yome pie nɩ ata sob daar'a[1] a Sore tɩ ƴɛ̀r a Zeremi zie.

³Ʋ tɩ lɛb'a ƴɛ̀r a ʋ zie, a Zozɩasɩ bidɛb, Yoyakim, na ɩ a Zuda tẽw nãà a daar, tɩ ta n a Zozɩasɩ bidɛb, Sedesɩasɩ, naalʋ-dɩb yome pie nɩ been baarʋ vuo pʋɔ, ɛ́ tɩ ta a Zerizalɛm nɩbɛ diw-cenu, a cuwr anũu sob daar[2].

⁴A Sore tɩ ƴɛ̀r'ɩ a ɩ̃ zie à ŋá:

⁵«Ɩ̃ tɩ bãw fʋ na ɛ́ bɛ cɔbrɩ fʋ a fʋ mã puori sɛr ɛ, ɩ̃ tɩ ka n nũú ƴãw fʋ ɛ́ fʋ wa bãw dɔw, ɩ̃ tɩ ɩ na fʋ ɩ a ɩ̃ ƴɛ̀r-manɛ a nɩ-bʋʋr-yoru za zie.»

⁶Ɩ̃ tɩ sɔw na: «'Woi! Sore Naaŋmɩn i, ɩ̃ na ɩ n ŋmɩn ƴɛ̀r, ɩ̃ ɩ n pɔlbil-vɛlvɛl lɛ.»

⁷Ɛcɛ a Sore tɩ yel mɛ̃ na: «Ta yel kɛ́: “Ɩ̃ ɩ n pɔlbil-vɛlvɛl lɛ” ɩ. Zie nɛ za ɩ̃ na tone fʋ a, fʋ na cen nɩ a be. Fʋ na tɩ yel'ɩ bom nɛ za ɩ̃ na yel kɛ́ fʋ yel a.

⁸Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

⁹Al pùorí, a Sore tɩ tur'ɩ a nũu tɔ n a ɩ̃ nʋɔr ɛ́ yel mɛ̃: «Ɩ̃ ƴãwnɛ nɩ a ɩ̃ ƴɛ̀rʋ a fʋ nʋɔrɩ́.

¹⁰Nyɛ̃, a dĩa a, ɩ̃ kʋ̀rɛ fʋ nɩ tõ-nʋɔr na càarɩ a nɩ-bʋʋrɛ nɩ a naalʋ-ten a: kɛ́ fʋ tɩ vɔnɛ ɛ́ darɛ lɔbr, kɛ́ fʋ tɩ sãwnɛ bɛrɛ ɛ́ ŋmɛrɛ bɛrɛ, kɛ́ fʋ tɩ mɩɛr ɛ́ sɛlɛ.»

¹¹A Sore tɩ ƴɛ̀r'ɩ a ɩ̃ zie à ŋá: «Zeremi i, bʋ̃ʋ n'ʋ fʋ nyɛ̃?» Ɩ̃ tɩ sɔw na: «Amãdɩ tɩɛ[3] wule n'ʋ ɩ̃ nyɛ̃.»

¹²A Sore yel mɛ̃: «Fʋ nyɛ̃ nɩ vla! Ɩ̃ bɛr'ɩ gʋ̃ɔ ɛ́ gù k'aa ɩ̃ ƴɛ̀rʋ tɩ tu.»

¹³A Sore tɩ ƴɛ̀r'ɩ a ɩ̃ zie a gb'a ayi sob ƴãw à ŋá: «Ɛ́ a ƴɛrɛŋa, bʋ̃ʋ n'ʋ fʋ nyɛ̃?» Ɩ̃ tɩ sɔw na: «Ɩ̃ nyɛ̃ nɩ ziduwle na kárɛ a. A saa-pɛrɩ́-gʋba-lowr'a ʋ be ɛ́ cɩɩlɩ.»

¹⁴A lɛ n'a a Sore tɩ yel mɛ̃: «A saa-pɛrɩ́-gʋba-lowr'a a faa na yi yɛ́r pàw a tẽw nɩbɛ za[4].

¹⁵A Sore yere na: Ɩ̃ na bʋɔl'ɩ a saa-pɛrɩ́-gʋba-lowr naalʋ-ten dɔwlʋ za ɓã taa. Bɛ na wa na, ŋa za mɩ́ wa bin a ʋ naalʋ-dà-kɔw a Zerizalɛm tẽw dɩ̃dɛɛ ƴãw, tori a dacine na viiri koli ʋ a, ɛ́ tori a Zuda tẽw tẽ-bɛrɛ za.

¹⁶Ɩ̃ na dɩ n nɩ a tẽw ŋa nɩbɛ ƴɛ̀rʋ. Bʋ̃ʋ n'ʋ vɛ̃, bɛ sɩrɩ na maalɩ faa: Bɛ zawrɩ mɛ̃ na bɛr, bɛ maal'ɩ bagɛ kʋ̀ ŋmɩn-yoru, ŋmɩmɛ bɛ na maalɩ ɛ́ puore a.

¹⁷A fʋ̃ʋ Zeremi, cɔbrɩ fʋ tʋɔra. Ìr! Cen tɩ yel bom nɛ za ɩ̃ na na yel kɛ́ fʋ yel kʋ̀ bɛ a. Taa wa màwr a bɛ niŋé ɩ, alɛ bɛ ɩ lɛ, ɩ̃ na ɩ na fʋ màwr a bɛ niŋé.

¹⁸A na tĩ a dɩ̃a a, ɩ̃ na ɩ na fʋ kpɛmɛ mɛ̃ tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a. Fʋ na ɩ na mɛ̃ kure kpul a, mɛ̃ kur-zɩɛ dacin a, a tẽw za niŋé, a Zuda tẽw na-mɩnɛ, a tõ-tõ-bi-bɛrɛ, a bàwr-maalbɛ nɩ a naalʋ-tẽw tẽ-biir za niŋé.

¹⁹Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»