Read Dagara, Northern Zeremi 10 Bible Online

Zeremi 10 - Dagara, Northern bible

Zeremi 10

¹Ɩsɩrayɛl tẽw dem i, nyɩ bɛrɛ wone a ƴɛ̀rʋ a Sore na ƴɛ̀rɛ kʋ̀rɛ nyɩ a.

²À ŋá n'a a Sore yere: «Nyɩ ta cɔwrɛ a nɩ-bʋʋr-yoru ɩ-ɩrɩ ɛ! Nyɩ ta zɔrɛ a bãwfʋ na mɩ́ sãá a salom zu a dɛ̃bɩ̃ɛ ɩ. A nɩ-bʋʋr-yoru nɛbɛ zɔrɛ a dɛ̃bɩ̃ɛ.

³A nɩ-bʋʋr-yoru tub bɛ tɛr pɛr ɛ. Bɛ mɩ́ cɛ n dàa a tuw pʋɔ, ɛ́ a bʋ̃-pɛnɛ pɛnɩ tɩɩb.

⁴Bɛ mɩ́ ƴãw ʋ nɩ salm-zɩɛ bɩɩ salm-pla ʋ vɩɛl. Bɛ mɩ́ de nɩ pĩi-bie nɩ 'hama kpa nɩ ʋ k'ʋʋ taa damnɛ ɩ.

⁵A tɩbɛ à ŋá ŋmɛ̃ na mɛ̃ ŋmaar bɛra na be kɔ̃kɔ̃bʋr[30] púo pʋɔ a. A bɛ ƴɛ̀rɛ ɩ. A mɩ́ fɛr'a kɛ́ bɛ tuo a, a na kʋ̃ tʋ̃ɔ́ cen a ƴãw. Nyɩ ta zɔrɛ a ɩ: a kʋ̃ tʋ̃ɔ́ mal nɩr ɛ, ɛ́ mɩ̀ kʋ̃ tʋ̃ɔ́ maalɩ nɩr vla ɩ.»

⁶Sore e, fʋ bɛ tɛr a fʋ tɔ ɩ! Fʋ ɩ n kpɛ̃ɛ, ɛ́ a fʋ kpɛnʋ ɩ a fʋ yúor ʋ yi.

⁷Nɩ-bʋʋrɛ nãà a, ãa n'ʋ bɛ sɛw k'ʋʋ zɔrɛ fʋ? Fʋ sɛwnɩ nɩ a lɛ. A yã-bãwnbɛ za na be a tẽ-daa zu a, nɩ a naalʋ-ten za pʋɔ a, nɩr bɛ be be ŋmɛ̃ taa nɩ fʋ ɛ.

⁸A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

⁹Nuru tõ-tone kãw n'ʋ mɩ́ maalɩ a, kur-nyɩlɛ nyɩl a pàw nɩ Tarsisɩ tẽw salm-pla bɛ na ŋmɛ mawlɩ ʋ ɩ ɓɛrɓɛr a, bɩɩ nɩ Ufaazɩ tẽw salm-zɩɛ, a vɩɛl. Al pùorí bɛ mɩ́ su a nɩ pɛn-zɩɩr bɩɩ pɛn-zɩɩr-mʋɔlɛ. Nuru tõ-tonbɛ bʋ̃-maalɩ n'a.

¹⁰Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

¹¹Nyɩ nyɛ̃ a lɛ nyɩ na na yel kʋ̀ bɛ a: A ŋmɩmɛ na bɛ ír a salom nɩ a tẽw a, a fɛr'a k'aa bɔr a tẽw zu, a bɔr a salom pile.

¹²A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

¹³Ʋlɛ wa tanɩ a, a kʋ̃ɔnɩ mɩ́ ɓã n taa a salom zu, a zũzuwr-bɛrɛ mɩ́ yi n a tẽw baarʋ ziir do, ʋ mɩ́ ɩ na saa nyɩwrɩ ƴãw a saa waar. Ʋ mɩ́ ɩ na a sɛsɛb yi a be ʋ na ƴãw ʋ a.

¹⁴Lɛ n'a a nɩbɛ za dɛ mɩ́ àr lɛ, bol, bɛ bãw bom pɛr ɛ. Vĩ ɩrɛ nɩ a kur-nyɩlbɛ za, a bɛ ŋmɩn-bɛlmɛ ƴãw. A dasuli á ŋá ɩ n bɛlʋ: vʋʋrʋ bɛ be a pʋɔ ɩ.

¹⁵A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

¹⁶Ɛcɛ a Naaŋmɩn na ɩ a Ɩsɩrayɛl na-bom a, bɛ ŋmɛ̃ taa nɩ a ɩ. Ʋl a, a bome za íre n'ʋ, ɛ́ ʋlɛ so a Ɩsɩrayɛl dɔwlʋ. A ʋ yúor'ɩ: «A Sore kpɛnʋ-za-sob!»

¹⁷Zerizalɛm i, a fʋ̃ʋ bɛ na piw a, wob a fʋ tuor a tẽw.

¹⁸Bʋ̃ʋ n'ʋ vɛ̃, à ŋá n'a a Sore yere: «Ƴɛrɛŋa ʋl a, ɩ̃ na vãw nɩ a tẽw nɩbɛ bɛr mɛ̃ kpala kʋsɩɛr a. Ɩ̃ɩ na cɛlɛ nɩ be vla vla, ɩ bɛ ta a bɛ tab zie.»

¹⁹«'Woi! A Zerizalɛm kone na, nyɛ̃ kpɩɛrʋ na páw mɛ̃ a! A ɩ̃ natɩr bɛ tɛr sanʋ ɛ. Ɩ̃ tɩ tɩɛrɛ nɩ nɩ ɩ̃ pʋɔ à ŋá: a ɩ̃ 'wɔbrʋ bɛ ɩ faa ɛ, ɩ̃ na tʋ̃ɔ́ ʋ na tɛr.

²⁰Ɛcɛ bɛ sãw nɩ a ɩ̃ pɛn-sɛw bɛr, a ʋ mie za ŋma na. Ɩ̃ bɛ cãà tɛr bibiir ɛ, bɛ cen na. Nɩr za bɛ be be na ɩ a ɩ̃ pɛn-sɛw ʋ lɛb àr ɛ, ɛ́ lɛb cɔbrɩ kpɛb zie kʋ̀ m ɛ.»

²¹A nɩ-bɛrɛ nɛbɛ so a ɩ à à ŋá: bɛ ɩ n dãbol-ɩb, bɛ bɛ bɔ a Sore ɩ. Alɛ n'a so bɛ ɩ gù, ɛ́ a nɩbɛ bɛ na kaarɛ a yaarɩ be a ziir za.

²²Nyɩ wone a gɔmɛ na tarɛ a. Damnʋ kpɛ̃ɛ n'ʋ yi a tẽw saa-pɛrɩ́-gʋba-lowr waar, k'ʋʋ wa ɩ a Zuda tẽ-bɛrɛ, a lɩɛbɩ wɛja-kpalɛ na ɩrɛ nɩbaalʋ a, a lɩɛbɩ gbõgbo-cili kpɛb zie.

²³Sore e, ɩ̃ bãwnɩ a na, a nɩsaal bɛ so a ʋ vʋʋrʋ ɛ. A sɔr-cene kʋ̃ tʋ̃ɔ́ ɩ a ʋ gbɛ-ceni a tori ɛ.

²⁴Sore e, kpãa mɛ̃, ɛcɛ kpãa mɛ̃ a man. Ta kpãa mɛ̃ nɩ suur ɛ, alɛ bɛ ɩ lɛ, fʋ nãà ɩ na ɩ̃ bɛ cãà ɩ bom za ɩ.

²⁵Nɩ̃ɛ ɩ a fʋ suur ʋ ìr a nɩ-bʋʋrɛ na bɛ bãw fʋ a ƴãw, a nɩbɛ bɛl na bɛ bʋɔlɛ a fʋ yúor a ƴãw. Bʋ̃ʋ n'ʋ vɛ̃, bɛ báarɛ nɩ a fʋ nɩbɛ, bɛ báarɛ bɛ nɩ bɛ za, bɛ sãwnɛ nɩ a fʋ nɩbɛ tẽw bɛrɛ.