Read Dagara, Northern Zeremi 12 Bible Online

Zeremi 12 - Dagara, Northern bible

Zeremi 12

¹Sore e, fʋ ɩ n nɩ-mɩŋa zuo, nɩ ɩ̃ na na ƴɛ̀rɛ a fʋ sãwna ƴɛ̀rʋ a. Ɛcɛ ɩ̃ bɔbr'a kɛ́ mãa nɩ fʋ̃ʋ nãá ƴɛ̀r mɩnʋ ƴɛ̀rʋ: Bʋ̃ʋ n'ʋ so a nɩ-faar yele mɩ́ cere vla? Bʋ̃ʋ n'ʋ so a bɛlɩ dem na bɛ tu b a bɛ mɩ́ bãw damnʋ?

²Fʋ sɛl bɛ na, bɛ tɛ n nyɩgɛ, bɛ kɛrɛ na, bɛ wɔnɛ nɩ wɔmɛ. A fʋ yúor be n a bɛ nʋɔrɩ́ kʋralɛ, ɛ́ a bɛ socir zãá nɩ fʋ.

³A fʋ̃ʋ a, Sore, fʋ nyɛ̃ mɛ̃ na, fʋ jɛl'ɩ a ɩ̃ tɩɛrʋ: a lãw nɩ fʋ na. Ƴãw a nɩ-faar bɛ tʋɔra zie, mɛ̃ píir bɛ na cere nɩ a kʋb ƴãw a. Ƴãw bɛ bɛ tʋɔra zie gùre nɩ a kʋb bibir.

⁴Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

⁵A Sore yere na: «Fʋ̃ʋ kʋ̃ wa tʋ̃ɔ́ zɔ tu nɩbɛ na zɔrɛ nɩ gbɛ́ɛ a, ŋmɩŋmɩn n'a fʋ̃ʋ nɩ wie na dãw taa? Tẽw ƴã-ɓaarʋ na be a yõ pʋɔ wa n'a fʋ mɩ́ bɛr tɩɛrʋ a, ŋmɩŋmɩn n'a fʋ na ɩ a Zurdɛ̃ man nʋɔr va-pɔrɛ pʋɔ?

⁶Bʋ̃ʋ n'ʋ vɛ̃, a fʋ dɔwlʋ nɩbɛ tɛɛ za, a fʋ yir dem tɛɛ za, mɩlɛ fʋ na. Bɛ bʋɔlɛ nɩ nɩbɛ ɓanɛ taa a fʋ ƴãw, ɛ́ fʋ bɛ bãwnɩ a ɩ. Gùre fʋ tʋɔra a bɛ ƴãw, bɛlɛ wa ƴɛ̀rɛ vla vla a fʋ zie a.»

⁷«Ɩ̃ zawrɛ nɩ a ɩ̃ yir bɛrɛ, ɩ̃ tɩ̀ɛrɛ nɩ a ɩ̃ bom ɩ̃ na tɩ so a bɛrɛ. A ʋlɩ bom ɩ̃ na tɩ nɔnɛ nɩ a ɩ̃ pʋɔ za a, ɩ̃ dier ʋ na ƴãwnɛ a dɔ̃ dem nuru pʋɔ.

⁸A bɛlɩ dem ɩ̃ na so a, ɩ n a ɩ̃ zie mɛ̃ gben na be mʋ̃ɔ pʋɔ a. Bɛ ùore nɩ a ɩ̃ ƴãw, alɛ so ɩ̃ bɛ cãà nɔnɛ bɛ ɩ.

⁹A na ɩ lɛ a, a bɛlɩ dem ɩ̃ na so a ɩ na mɛ̃ lili-kpɛrɛ kpɛrɛ sidume na diwr a ziir za a bɩɩ? Nyɩ bʋɔlɩ a wɛ-dʋn za ɓã taa! Nyɩ ƴãw a wa a dɩb ƴãw!

¹⁰Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

¹¹Bɛ ɩ ʋ na ʋ lɩɛbɩ zie na ɩrɛ nɩbaalʋ a. Ʋlɛ n'ɩ ŋan a ɩ̃ niŋé bɛ tɛr ŋmɛ̃a ɩ, ɩrɛ nɩbaalʋ. A tẽw za ɩrɛ nɩ nɩbaalʋ, ɛ́ a bɛ ɩrɛ nɩr kãw za bom ɛ.»

¹²A zi-sãwnbɛ be n a wɛja-kpalɛ sɛ́ɛ za zu waar. A Sore zɛbr-sɔ-kpɛ̃ɛ sãwnɛ nɩ bom za bɛrɛ a tẽw lowr ŋa tɩ tɔ lowr ŋa. Ƴã-ɓaarʋ bɛ ka be nɩr za ƴãw ɛ.

¹³Nyɩ tɩ bʋ̀r'ɩ ble, ɛ́ wa cɛ gʋʋr. Nyɩ tɩ bàl'ɩ nyɩ tʋɔra yaga za, ɛ́ a wa ɩ zawla. Vĩ, a nyɔw nyɩ a bʋ̃-dieri á ŋá ƴãw! A Sore n'ʋ kʋ̀ nyɩ a lɛ, a ʋ su-tʋlʋ zũú.

¹⁴À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

¹⁵Al pùorí, ɩ̃ na lɛb'a zɔ a bɛ nɩbaalʋ, ɛ́ lɛb tɛr ŋa za cen nɩ a ʋ zi-sóra pʋɔ, a ʋ tẽw pʋɔ.

¹⁶Bɛ tɩ zanɩ nɩ nɩ a ɩ̃ nɩ-bʋʋrɛ bɛ mɩ́ pɔ a Báàl yúor ƴãw. Ɛcɛ bɛlɛ mɩ̀ wa sɩrɩ zanɩ a tub a na fɛr k'aa ɩ̃ nɩ-bʋʋrɛ tuur a, bɛlɛ mɩ́ wa pɔ a ɩ̃ yúor ƴãw yel: “Ɩ̃ pɔrɛ nɩ nɩ a Sore na vʋʋrɛ a”, a lɛ pʋɔ a, bɛ na nyɛ̃ nɩ zie a ɩ̃ nɩ-bʋʋrɛ pʋɔ.

¹⁷Ɛcɛ a nɩ-bʋʋrɛ bɛ ŋa kãw bɛ wa bɛrɛ wone a ɩ̃ ƴɛ̀rʋ a, ɩ̃ na ír ʋ nɩ a ʋ tẽw pʋɔ a baarɩ, ɛ́ bɛr ʋ ʋ kpi.» A Sore n'ʋ yel.