Read Dagara, Northern A Lãw-mʋɔlɛ 4 Bible Online

A Lãw-mʋɔlɛ 4 - Dagara, Northern bible

A Lãw-mʋɔlɛ 4

¹'Woi! A salm-zɩɛ bɛ cãà nyɩwrɛ ɩ, a salm-zɩɛ mɩŋa mɩŋa nyɩwrʋ baar'a, a kʋsɛ-son[4] yàar'a pàw a ziir za!

²'Woi! A Sɩyɔ̃ tẽw nɩbɛ na ɩ nɩbɛ man a salm-zɩɛ mɩŋa mɩŋa a, bɛlɛ n'ɩ bɛ ŋan bɛ de bʋɔlɛ tanɛ la-sãsarɩlɛ, yawr-mɩɛrɛ bʋ̃-mɩɛrɩ!

³A gbõgbo-cili tɛɛ za mɩ́ ƴãw nɩ bɩrɛ a bili a ƴɛnɩ, a mɩ́ guol'ɩ a bili. Ɛcɛ, a ɩ̃ nɩ-bʋʋrɛ ɩ na mɛ̃ mã-po-tuo sob a, mɛ̃ wɛja-kpalɛ pʋɔ kʋlãdisowle[5] a.

⁴A kʋ̃ɔ-nyúur ɩ na a bi-pɩɩlɛ zɛ̀lɛ mɛrɛ a bɛ lán. A bibiir zɛlɛ nɩ a bʋ̃-dɩrɩ, ɛ́ nɩr bɛ ka be kʋ̀rɛ bɛ ɩ.

⁵A bɛlɩ dem na tɩ dɩrɛ a bʋ̃-dɩ-kãánɩ a kpiir'ɩ a sɛ́ɛ pʋɔ. A bɛlɩ dem na tɩ baa a tɛra pʋɔ a jɛlɛ nɩ a sagɛ nɩ a bɛ nuru.

⁶A ɩ̃ nɩ-bʋʋrɛ sãwna kpɛ n faa zuo a Sodɔm tẽw[6] dem yel-bebe. A tẽw ŋa wa sãw nɩ fɔ̃wlɛ ɛ́ nuru bɛ dam a ʋ pʋɔ ɩ.

⁷A Naaŋmɩn nɩ-sori tɩ vɩɛl'a zuo sa-pupure, pɛlɩ zuo bʋ̀rʋ. A bɛ ƴã-gamɛ tɩ ɩ n zɩɩr mɛ̃ kʋsɩɛr kãw bɛ na bʋɔlɛ koraɩ a, a bɛ jiile tɩ sɔb'a mɛ̃ kʋsɩɛr kãw bɛ na bʋɔlɛ safɩɩr a.

⁸Ƴɛrɛŋa a, bɛ sɔb'a zuo vuule, a sɛ́ɛ pʋɔ a, a nɩbɛ bɛ cãà bãw bɛ ɩ. A bɛ ƴã-gamɛ vãamɩ na mɛr a kɔbɛ, a ko na mɛ̃ dàa a.

⁹A zɛbr zie kũu sa n a kɔ̃ kũu na mɩ́ ɩ fʋ sɩrɛ tɩ baarɩ, a bʋ̃-dɩrɩ na bɛ ka be a ƴãw a.

¹⁰A lɛn daar a kpɩɛrʋ á ŋá na tɩ ta a ɩ̃ nɩbɛ a, mã mɩnɛ na paalɩ nɔ̃wfʋ yaga a, dʋw nɩ a bɛl tɛɛ za bibiir 'wɔb.

¹¹A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

¹²A tẽw zu na-mɩnɛ nɩ nɩr kãw za a tẽ-daa zu bɛ tɩ sàw k'aa dɔ̃ sob na zɛb tʋ̃ɔ́ a nãà tu n a Zerizalɛm dɩ̃dɛɛ ƴãw kpɛ ɩ.

¹³À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.

¹⁴Ƴɛrɛŋa a, a naaŋmɩn-ƴɛ̀r-manbɛ nɩ a bàwr-maalbɛ gbõgbore nɩ a sɛ́ɛ pʋɔ mɛ̃ zɔn a. A bɛ bʋ̃-suuri za ɩ n zɩ̃ɩ, nɩr bɛ tɛr sɔ́r na tɔ bɛ ɩ[7].

¹⁵Bɛlɛ wa waar a, a nɩbɛ mɩ́ cɩɩrɛ na: «Nyɩ taw zãá! Bɛ ɩ n nɩ-dɛgɛ! Nyɩ taw zãá! Nyɩ taw zãá! Nyɩ taa tʋɔr bɛ ɩ!» Bɛ zɔrɛ na ɛ́ bɛ bãw ʋlɩ zie nɛ bɛ na na cen a ɩ. Ɛcɛ a nɩ-bʋʋr-yoru yere na: «Bɛ kʋ̃ tʋ̃ɔ́ be a tɩ zie ka ɩ.»

¹⁶A Sore tɛɛ za n'ʋ diw bɛ yaarɩ, ʋ bɛ cãà bɔbr bɛ nyɛ b ɛ. A nɩbɛ bɛ cãà ƴãwnɛ a bàwr-maalbɛ ɩ, bɛ cãà zɔrɛ a nɩ-kore nɩbaalʋ ɛ.

¹⁷A tɩ mimie piwri nɩ sõwfʋ na bɛ waar a tɩ bàl. Tɩ be n a tɩ zie gub ziir gùre nɩ-bʋʋrɛ kãw na kʋ̃ tʋ̃ɔ́ faa tɩ a waa.

¹⁸Bɛ piwre nɩ a tɩ gbɛ-ceni: tɩ kʋ̃ tʋ̃ɔ́ lɛb cen a tɩ nɩ-yaga tuor-taa ziir ɛ. A tɩ baarʋ tarɛ na, a tɩ nyɔ-vʋʋrʋ baar'a, a baarʋ n'a.

¹⁹A Bɛlɩ dem na diwr tɩ a páwr'a zuo a saa-zu sɩlɩ. Bɛ diwr tɩ nɩ a tan zuru, bɛ ƴãwnɛ tɩ nɩ bɛrɩ ziir nɩbɛ na bɛ kpɩɛr a.

²⁰A sob nɛ na tɩ so kɛ̀ tɩ vʋʋrɛ a, a nɩr nɛ a Sore na tɩ ƴãw bɛ cir a kãá ƴãw a zũú a lo n a bɛ bɛrɩ pʋɔ. A ʋl ƴɛ̀rʋ n'a tɩ mɩ́ tɩ ƴɛ̀r à ŋá: «A ʋ gub zũú a, tɩ na vʋʋrɛ nɩ a nɩ-bʋʋr-yoru sɔgɔ.»

²¹Edɔm tẽw dem i, nyɩ na tʋ̃ɔ́ na cɩlɛ ƴawr'ɩ, nyɩɩm na kpɩɛr a Usɩ tẽw a! Ɛcɛ, a Naaŋmɩn suur koli-nyúura mɩ̀ na ta nyɩ na, nyɩ na nyũ ʋ na tɩ kuoli, yaarɩ a bʋ̃-suuri bɛr ɛ́ cɛ ƴã-gã-kpãkpole.

²²Sɩyɔ̃ tẽ-kpɛ̃ɛ ɛ, a fʋ dɔwrʋ pãa baar'a. Bɛ bɛ lɛb diwr fʋ cere nɩ zie ɩ. Ɛcɛ a fʋ̃ʋ Edɔm[8], a Sore na dɔwrɩ fʋ nɩ a fʋ sãwna zũú, ʋ na ɩ n a fʋ yel-bebe a yi cãamɩ́.