Read Dagara, Northern Ezekɩɛl 21 Bible Online

Ezekɩɛl 21 - Dagara, Northern bible

Ezekɩɛl 21

¹A Sore tɩ yel mɛ̃ na:

²«A fʋ̃ʋ nɩsaal bie, lɩɛb a fʋ niwn cɔw a tẽw saa-pɛrɩ́-dʋrʋ-lowr. A ɩ̃ yúor ƴãw a, zɛbr'ɩ a bɛlɩ dem na kpɩɛr a saa-pɛrɩ́-dʋrʋ-lowr tuw pʋɔ a[48].

³Fʋ na yel bɛ na kɛ́ bɛ bɛrɛ wone a ƴɛ̀rʋ a mãa Sore Naaŋmɩn na ƴɛ̀rɛ a saa-pɛrɩ́-dʋrʋ-lowr tuw zie a: Ɩ̃ na nyɩw nɩ vũu na na dɩ a tɩ-ɓaar nɩ a tɩ-kon za a. A vũu-zɛlɛ bɛ tɛr nãà kpiiri ɛ, ɛ́ a nɩbɛ za na dɩ na, a saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr.

⁴Nɩr za na nyɛ̃ na k'aa mãa Sore n'ʋ nyɩw ʋ, ɛ́ bom za kʋ̃ tʋ̃ɔ́ ʋ kpiiri ɛ.»

⁵Ɩ̃ tɩ sɔw na: «'Woi! Sore Naaŋmɩn i, bɛ faa na zɛbr'ɩ mɛ̃ yere à ŋá: “Zʋkpaɩ tɛwr'a ʋ lɔbr.”»

⁶A Sore tɩ lɛb'a yel mɛ̃:

⁷«A fʋ̃ʋ nɩsaal bie, lɩɛb a fʋ niwn cɔw a Zerizalɛm tẽ-kpɛ̃ɛ, zɛbr'ɩ a zi-son, a ɩ̃ yúor ƴãw, zɛbr'ɩ a Ɩsɩrayɛl tẽw.

⁸Yel kʋ̀ a Ɩsɩrayɛl tẽw dem k'aa mãa Sore Naaŋmɩn yere nɩ à ŋá a bɛ zie: “Ɩ̃ na ìr'ɩ a nyɩ ƴãw, ɩ̃ na vʋ̃ɔ nɩ a ɩ̃ zɛbr-sɔ-kpɛ̃ɛ a ʋ kpár pʋɔ kʋ n nyɩ za, a nɩ-mɩn nɩ a nɩ-faar.

⁹A nyɩ za kʋ-pàw-pɛr ƴãw n'a ɩ̃ na zɛw a ɩ̃ zɛbr-sɔ-kpɛ̃ɛ a nyɩ ƴãw, a saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr.

¹⁰Nɩr za na bãwnɩ a na k'aa mãa Sore, ɩ̃ vʋ̃ɔ nɩ a ɩ̃ zɛbr-sɔ-kpɛ̃ɛ a ʋ kpár pʋɔ. Ɩ̃ kʋ̃ lɛb su ʋ ɛ.”

¹¹Ɛ́ a fʋ̃ʋ nɩsaal bie, gũu, a tɩɛrʋ na wɛ a zũú, ɛ́ kone 'woi 'woi a nɩbɛ za niŋé.

¹²Bɛlɛ wa sowre fʋ, ɛ́ bʋ̃ʋ n'ʋ so fʋ kone a 'woi 'woi a, fʋ na sɔw bɛ na: ɩ̃ wõ n yel-faa na waar a. A soci-pʋra na baar'a, a nuru kʋ̃ lɛb tʋ̃ɔ́ bom za tɛr ɛ, a dume na màwr'a ŋmɩɛr taa, a nɩbɛ za kanyir na baar'a. A daar ta na! A na tu n a ƴɛrɛŋa.» À ŋá n'a a Sore Naaŋmɩn yel.

¹³A Sore tɩ lɛb'a yel mɛ̃:

¹⁴«A fʋ̃ʋ nɩsaal bie, ƴɛ̀r a ɩ̃ yúor ƴãw. Fʋ na yel'ɩ a nɩbɛ: Nyɩ bɛrɛ wone a Sore ƴɛ̀rʋ: Nyɛ̃ zɛbr-sɔ-kpɛ̃ɛ, zɛbr-sɔ-kpɛ̃ɛ na saalɩ ɛ́ nyɩwrɛ a.

¹⁵Nɩ-yaga yaga ƴãw n'a bɛ saalɩ ʋ, bɛ kàr ʋ na ʋ nyɩwrɛ pɩn pɩn.

¹⁶Ɩ̃ ƴãw na bɛ saal'ʋ k'ʋʋ tʋ̃ɔ́ tɛr yel-ɩra. Ʋ saal'a ɛ́ nyɩwrɛ k'ʋʋ ɩ zɛbr bom a nɩ-kʋrɛ nũú.

¹⁷Cɩɩrɛ, ùore, nɩsaal bie e! A zɛbr-sɔ-kpɛ̃ɛ ŋa lɩɛb'a cɔw a ɩ̃ nɩ-bʋʋrɛ nɩ a Ɩsɩrayɛl tẽw nɩ-bɛrɛ za. Bɛ na kʋ kʋ bɛ na lãwnɩ a ɩ̃ nɩ-bʋʋrɛ. Ŋmɛ nuru a ɩ ko-tuolu bãwfʋ.

¹⁸Wahala kpɛ̃ɛ n'ʋ, a mãa Sore Naaŋmɩn n'ʋ yere.

¹⁹A ƴɛrɛŋa a, a fʋ̃ʋ nɩsaal bie, ƴɛ̀r a ɩ̃ yúor ƴãw, ɛ́ gùr cɔ̀rɛ ŋmɛ n gb'a been, gb'a ayi, gb'a ata. A kũu zɛbr-sɔ-kpɛ̃ɛ n'ʋ, a zɛbr-sɔ-kpɛ̃ɛ na kʋrɛ a nɩbɛ za ɛ́ kʋrɛ a ziir za a.

²⁰Ʋ mɩ́ ɩ n ŋa za kanyir baarɩ, ɩ nɩr za ʋ dẽdere. Dɩ̃dɔr za niŋé a, ɩ̃ bin nɩ a kũu zɛbr-sɔ-kpɛ̃ɛ. Ʋ be n be k'ʋʋ nyɩwrɛ pɩn pɩn, bɛ saalɩ ʋ na k'ʋʋ mɩ́ kʋ vla.

²¹Wul kɛ́ fʋ dɩrɛ na, a dʋrʋ lowr, a gʋba lowr, zie nɛ za a na sɛw kɛ́ fʋ tori a!

²²A mãa mɩ̀ a, ɩ̃ mɩ̀ na gùr'ɩ cɔ̀rɛ ŋmɛ n, ɛ́ bɛr a ɩ̃ su-tʋlʋ kpãkpã ʋ ìr tɩ ta a ʋ tab zie. A mãa Sore Naaŋmɩn n'ʋ yel.»

²³A Sore tɩ ƴɛ̀r'ɩ a ɩ̃ zie à ŋá:

²⁴«Ɛcɛ a fʋ̃ʋ a, nɩsaal bie e, puo sɛ́ɛ ayi tʋ̃ɔ́ ɩ a Babɩlɔn tẽw nãà ʋ wa n a ʋ zɛbr-sɔ-kpɛ̃ɛ. A sɛ́ɛ ayi á ŋá sɛw na k'aa tĩ a tẽ-been pʋɔ. A kãw za tib zie a, ƴãw bãwfʋ na wule a tẽ-kpɛ̃ɛ ʋl pʋɔ ʋ na wɩɛr a.

²⁵A Babɩlɔn tẽw dem sojarɩ na tu n a sɔ́r kãw cen Araba, Amɔ̃ tẽw dem tẽ-kpɛ̃ɛ. Bɛ na tu n a sɔ́r ʋl cen a Zerizalɛm tẽ-kpɛ̃ɛ ʋl bɛ na gù vla a, a Zuda tẽw.

²⁶A Babɩlɔn tẽw nãà àr'ɩ a sɔ-cara pʋɔ, a sɛ́ɛ ayi á ŋá tib zie, k'ʋʋ lɔb a gbã-bir. Ʋ lɔb'ɩ a pime saa-zu, sowri a yir tɩɩbli, ɛ́ jɩ́r jɩ́r a dʋn sabɛ.

²⁷A pĩi ʋl na wul a Zerizalɛm a lo n a ʋ dʋrʋ-lowr. Ʋ na lɔb'ɩ zɛbr cɛlsɩ ƴãw bɛ cen tɩ kʋ a nɩbɛ a be. Ʋ na bin nɩ zɛbr bome a tẽ-kpɛ̃ɛ dɩ̃dɛɛ ƴãw. Ʋ na mɛ n zɛbr dacine ɛ́ wɛr bɔwrɩ.

²⁸A bɛlɩ dem na kpɩɛr a Zerizalɛm a tɩɛr'a k'aa ɩb a gbã-bir na wul bɛ a, a bɛ tɛr pɛr ɛ. Bʋ̃ʋ n'ʋ vɛ̃, pɔb pɔ na yel kɛ́ bɛ na gù bɛ na. A Babɩlɔn tẽw nãà lɛb'a kpaalɛ bɛ kɛ́ bɛ bɛ tu a nʋɔr bɛ na ƴãw a ɩ. Ʋʋ yere na kʋ̀rɛ bɛ k'ʋʋ na ɩ na bɛ ɩ gaso nɩbɛ.

²⁹Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ nyɩ: Nyɩ ƴãw na ɩ̃ tɩ́ɛrɛ a nyɩ sãwna kʋralɛ, a nyɩ nʋɔr-bɛ-sàwfʋ na bɛ tɛr bʋnʋ a zũú. A nyɩ ɩb za pʋɔ a, nyɩ mɩ́ wul'a kɛ́ nyɩ ɩ n sãwna dem. À à ŋá a, nyɩ na bɛ ɩ bɛ yiiri nyɩ bɛr a, nyɩ na lo n a dɔ̃ sob nuru pʋɔ!

³⁰Ɛ́ a fʋ̃ʋ, Ɩsɩrayɛl nãà a[49], fʋ mɩl'ɩ vĩ-mɩlʋ! A daar tarɛ na a fʋ nɩ-kʋ tome na baarɩ.

³¹À ŋá n'a a mãa Sore Naaŋmɩn yere: Fʋ kʋ̃ cãà tɛr a fʋ naalʋ bãwfʋ ɛ, bɛ na vɔw nɩ a fʋ naalʋ-kpawʋɔ. A yele lɩɛb'a! Bɛ na zɛw nɩ a nɩ-bɛ-tɛr-yée ɛ́ siwri a nɩ-yée.

³²Deboru, deboru tɛwr! Ɩ̃ na ɩ n a Zerizalɛm ʋ ɩ deboru! A tẽ-kpɛ̃ɛ na sãw nɩ cʋmɛcʋmɛ, ɛcɛ a kʋ̃ ɩ ɛ́, a sob nɛ[50] ɩ̃ na na kʋ̀ a fãw k'ʋʋ ìr a ʋ ƴãw a bɛ wa sɛr ɛ.»

³³A Sore tɩ lɛb'a yel mɛ̃: «A fʋ̃ʋ nɩsaal bie, ƴɛ̀r a Amɔ̃ tẽw dem zie a ɩ̃ yúor ƴãw. Bɛ tʋ n a Ɩsɩrayɛl. A lɛ pʋɔ a, yel bɛ à ŋá: Nyɛ̃ a zɛbr-sɔ-kpɛ̃ɛ, zɛbr-sɔ-kpɛ̃ɛ bɛ na vʋ̃ɔ a ʋ kpár pʋɔ a. Bɛ saalɩ ʋ na a kʋb ƴãw, a kʋ pàw pɛr ƴãw, a nyɩwrʋ pɩn pɩn ƴãw.

³⁴Nyɩ ƴãwnɛ nɩ a nyɩ tɩɛrʋ yel-nyɛr-ziri ƴãw, bɛ mɩ́ ŋma n ziri kʋ̀ nyɩ a nɩdaar ƴãw, ɛ́ a zɛbr-sɔ-kpɛ̃ɛ cɔbrɩ baarɩ na cɛ a nɩ-faar nɩ a bɛl na bɛ maalɛ vla a zuru ŋma. Bʋ̃ʋ n'ʋ vɛ̃, a daar ta na, a bɛ sãwna na na baar'a.

³⁵Ƴɛrɛŋa a, nyɩ lɛb ƴãw a nyɩ zɛbr-sɔ-bɛrɛ a kpár pʋɔ. Ɩ̃ na dɩ n nyɩ nɩ ƴɛ̀rʋ a be bɛ na ír nyɩ a, a tẽw ʋl pʋɔ bɛ na dɔw nyɩ a.

³⁶Ɩ̃ na ɩ na a ɩ̃ suur ír a nyɩ ƴãw, ɩ̃ na bɛr'ɩ a ʋ vũu ʋ dɩ nyɩ, ɩ̃ na ɩ na nyɩ lo a po-to-fãw dem na bãw sãw-bɛrʋ tɛwr a nuru pʋɔ.

³⁷Vũu na dɩ nyɩ na, a nyɩ zɩ̃ɩ na gbɔl'a pàw a tẽw za. Al pùorí, nɩr za kʋ̃ cãà tɛr a nyɩ tɩɛrʋ ɛ. A mãa Sore n'ʋ yel.»