Read Dagara, Northern Oze 11 Bible Online

Oze 11 - Dagara, Northern bible

Oze 11

¹À ŋá n'a a Sore yere: «A Ɩsɩrayɛl na tɩ ɩ pɔlbile a, ɩ̃ tɩ nɔ̃w ʋ na, ɩ̃ɩ tɩ bʋɔl'ɩ a ɩ̃ bie na tɩ be a Eziptɩ tẽw a[26].»

²Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.

³Ɛcɛ mãa n'ʋ tɩ zanɩ nɩ a Efarayim a cenu, ɩ̃ mɩ́ tɩ nyɔw ʋ nɩ nũú. Ɛcɛ ʋ bɛ tɩ bãw kɛ́ ʋl zie n'a ɩ̃ tɩ kaarɛ ɩ.

⁴Ɩ̃ tɩ kaarɛ nɩ ʋ zie nɩ nɩsaalʋ, ɩ̃ na tɩ nɔnɛ ʋ a ƴãw. A ʋ zie a, ɩ̃ tɩ ɩ na mɛ̃ mã na ɓáw bi-pɩɩla dɔwlɩ nyãa zu mɔwrɛ a ʋ kɔ́r a. Ɩ̃ mɩ́ tɩ gũu na cɔw ʋ ɛ́ kʋ̀rɛ ʋ a bʋ̃-dɩrɩ.

⁵«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

⁶Zɛbr na be n a bɛ ten pʋɔ, zɛbr na sãw nɩ a bome al na gù bɛ a bɛr, ɛ́ sãw bom za bɛr, a lɛ bɛ na tɩɛrɩ a na bɛ vɩɛl a ƴãw.

⁷A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

⁸«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima[27] tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

⁹Ɛcɛ ɩ̃ kʋ̃ bɛr a ɩ̃ suur ìr ɛ, ɩ̃ kʋ̃ lɛb wa wa sãw a Efarayim bɛr ɛ, bʋ̃ʋ n'ʋ vɛ̃, ɩ̃ ɩ n Naaŋmɩn, ɩ̃ bɛ ɩ nɩsaal ɛ, a fʋ zie a, ɩ̃ ɩ n sõw, ɩ̃ kʋ̃ wa wul a ɩ̃ suur ɛ.»

¹⁰A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

¹¹Bɛ na yi n a Eziptɩ, ɛ́ màwr zɔrɛ waar'ɩ mɛ̃ davɩmɛ a, bɛ na yi n a Asiiri wa mɛ̃ naŋmamɛ a. «Ɩ̃ na ɩ na bɛ kpɩɛr a bɛ yie pʋɔ.» A Sore n'ʋ yel.