Read Dagara, Northern Oze 12 Bible Online

Oze 12 - Dagara, Northern bible

Oze 12

¹A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.

²Sɛsɛb'ʋ a Efarayim nyúur zawla, saa-pɛrɩ́ sɛsɛb'ʋ ʋ mɩ́ diwr tuur a bibi-ɓil za. Ʋ ŋmarɛ nɩ ziri dɔwlɛ taa, ɛ́ ɩrɛ po-to-fãw-ɩb. Ʋ maal'ɩ wõ-taa nɩ a Asiiri, ɛ́ tɩr kãá kʋ̀ a Eziptɩ tẽw.

³A Sore maalɛ nɩ nɩ a Zuda nɩbɛ ƴɛ̀rʋ. Ʋ na ƴãw na a Zakɔb manɩ a ʋ cenu pɛr, ʋ na dɔwr'ʋ na sɛw nɩ a ʋ ɩ-ɩrɩ.

⁴Ʋ tɩ cãà nɩ a ʋ mã púorí, ɛ́ de a nɩ-kpɛ̃ɛnʋ a ʋ yɛb zie. Ɛ́ ʋ na wa ta nɩr a, ʋ tɩ mɔ̃ nɩ nɩ a Naaŋmɩn[28].

⁵Ʋ tɩ mɔ̃ na tʋ̃ɔ́ malkɩ, ɛ́ kõ zɛlɩ ʋ. Betɛl'a ʋ nyɛ̃ a Naaŋmɩn, ɛ́ be n'a a Naaŋmɩn ƴɛ̀r'ɩ tɩ.

⁶A Sore Naaŋmɩn kpɛnʋ-za-sob, “a Sore”, à ŋá n'a a sɛw kɛ́ bɛ mɩ́ bʋɔlɩ ʋ.

⁷«A na ɩ à ŋá a, a fʋ̃ʋ a, fʋ na lɛb'a wa a fʋ Naaŋmɩn zie, taa lɛbr pùor ɛ, cere dẽdẽ, ɛ́ ƴãw a fʋ tɩɛrʋ a fʋ Naaŋmɩn ƴãw kʋralɛ.»

⁸A Efarayim ŋmɛ̃ na mɛ̃ a Kanãa tẽw dem na tɛr nyãnyu-bʋ̃-kera a nũú a. Bɛ nɔnɛ nɩ a zub.

⁹Ɛ́ a Efarayim yere: «Naalʋ tɛwr'a ɩ̃ kpɛ, ɩ̃ bɔ na tɛr a, a ɩ̃ ton za pʋɔ a, yel-bier bɛ ka be ɩ.»

¹⁰Ɛcɛ a mãa a, a Eziptɩ tẽw daar za n'a ɩ̃ ɩ a Sore fʋ Naaŋmɩn. Ɩ̃ na ɩ na nyɩ lɛb kpɩɛr a pɛnɛ-sɛwr pʋɔ, mɛ̃ a alɩ bibie nɛ ɩ̃ na mɩ́ tɩ wa nyɛ̃ nyɩ a.

¹¹Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

¹²A Galaadɩ[29] tẽw dem tɩ ɩ n ɩ-fa-maalbɛ tɛɛ za, bɛ baar'ɩ bɛ za. A Gilgal'a bɛ tɩ kʋrɛ a nadeli, maalɛ nɩ bàwr bɛ tɛr bɛ́rʋ daar ɛ. Ɛcɛ a bɛ bàwr-maal-kube lɩɛb'ɩ kʋsɛ-gbawlɛ na gbõ taa gã a póru pʋɔ a.

¹³Zakɔb tɩ zɔ na cen Aram tẽw, ʋ tɩ tõ n pɔw deb ƴãw, ɛ́ a pɔw deb ƴãw ʋ lɩɛbɩ dʋ̃-cɩ̃ɩnɛ[30].

¹⁴Ɛcɛ naaŋmɩn-ƴɛ̀r-manɛ n'ʋ a Sore tɩ ƴãw ʋ tɛr a Ɩsɩrayɛl yi n a Eziptɩ tẽw. Ɛ́ naaŋmɩn-ƴɛ̀r-manɛ n'ʋ a Sore tɩ ƴãw ʋ gù ʋ.

¹⁵A Efarayim ɩ na a kpɛ a Naaŋmɩn bɛ tɛr vuo ɩ, a ʋ Sore na ɩ na a nɩbɛ bɛl za ʋ na kʋ a zɩ̃ɩ lɛb lo a ʋ zu, ʋ na ɩ na a kpɛ bɛ yáa a bɛ zʋmɛ san.