Read Dagara, Northern Oze 6 Bible Online

Oze 6 - Dagara, Northern bible

Oze 6

¹A na ɩ à ŋá a, nyɩ yere na: «Nyɩ wa, nyɩ ɩ tɩ lɛb cen a Sore zie. Ʋlɛ n'ʋ ƴãw tɩ a bàalʋ, ʋ na sanɩ tɩ na. Ʋ ŋmɛ tɩ na, ɛ́ ʋlɛ n'ʋ na pɛ́w a tɩ natɩɛ,

²ɛ́ lɛb kʋ̀ tɩ a nyɔ-vʋʋrʋ. Bibie ayi, bibie ata ƴãw, ʋ na ɩ na tɩ lɛb ìr, be a ʋ zie vʋʋrɛ.

³Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

⁴Ɛcɛ a Sore sɔwr nyɩ na: «Ɩ̃ ɩ fʋ ŋmɩn, Efarayim i? Ɩ̃ ɩ fʋ ŋmɩn, Zuda a? A nɔ̃wfʋ nyɩ na tɛr a ɩ̃ ƴãw a ɩ na mɛ̃ biɓaara ulu a, mɛ̃ biɓaara ɓɩɛlʋ na mɩ́ zor fɔ̃wlɛ a.

⁵Alɛ so ɩ̃ ƴãw a ɩ̃ ƴɛ̀r-manbɛ zɛb'ɩ nyɩ, a ɩ̃ nʋɔr ƴɛ̀r'ɩ kũu ƴɛ̀rʋ càar'ɩ nyɩ. Ɛ́ a ɩ̃ ƴɛ̀rʋ-dɩb yel-mɩŋa pur sãá mɛ̃ cãà a.

⁶Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ[14], ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

⁷«Ɛcɛ nyɩɩm a, nyɩ sãw nɩ a wõ-taa bɛr a Adam[15] tẽ-kpɛ̃ɛ́. Be n'a nyɩ zawrɩ mɛ̃ bɛr.

⁸Galaadɩ ɩ n yel-fa-maalbɛ tẽw, zɩ̃ɩ n'a be a ziir za.

⁹A bàwr-maalbɛ bɛ mɩnɛ kʋrɛ nɩ nɩbɛ a Sɩsɛm sɔ́r zu, mɛ̃ nyãnyu-nɩ-kʋrbɛ na mɩ́ sɔwlɩ gù nɩbɛ a. Yele na bɛ maal'ɩ wob a, alɛ n'a bɛ ɩrɛ.

¹⁰A Ɩsɩrayɛl yir pʋɔ a, ɩ̃ nyɛ̃ nɩ yele na bɛ maal'ɩ wob a: a Efarayim nɩ-fa-ɩb mar'ɩ a Ɩsɩrayɛl.»

¹¹«Zuda a, a fʋ̃ʋ ƴãw mɩ̀ a, ɩ̃ cɔbrɛ nɩ a ci-cɛb[16]. A na ɩ n a lɛn daar ɩ̃ nãà wa lɛb maalɩ a ɩ̃ nɩ-bʋʋrɛ bɛ ŋmɛ̃ mɛ̃ a bɛ dãwdãw a.»