Read Dagara, Northern Oze 9 Bible Online

Oze 9 - Dagara, Northern bible

Oze 9

¹Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.

²Ɛcɛ a ble bɛ na vàrɛ a ble vab gbãgbala pʋɔ a, nɩ a tɩ-wɔmɛ kãá bɛ na tʋɔr íre a, fʋ̃ʋ kʋ̃ so a ɩ. A divɛ̃-paala fʋ na gùre a, fʋ kʋ̃ páw a ɩ.

³Efarayim kʋ̃ tʋ̃ɔ́ kpɩɛr a Sore tẽw pʋɔ ɩ, ʋ na lɛb'a cen a Eziptɩ bɩɩ a Asiiri tɩ dɩrɛ bʋ̃-dɩ-dɛgɛ.

⁴A lɛ pʋɔ a, a Efarayim nɩbɛ kʋ̃ mɩ́ lɛb cir divɛ̃ bɛr a Sore maalʋ ƴãw ɛ, a bɛ bagɛ kʋ̃ mɩ́ pɛlɩ a ʋ pʋɔ ɩ. A bɛ bʋ̃-dɩrɩ na ɩ na mɛ̃ wahala daar dipɛ̃ a: bɛlɩ dem za na 'wɔbr a a na tɛr'ɩ dɛwr. Bʋ̃ʋ n'ʋ vɛ̃, a bɛ dipɛ̃ na mɩ́ guoli bɛ na, ɛcɛ ʋ bɛ kpɩɛr a Sore Ŋmɩn-yir-kpɛ̃ɛ pʋɔ ɩ.

⁵Bʋ̃ʋ n'ʋ nyɩ na ɩ a cuw-kpɛ̃ɛ bibir? A Sore cuw bibir?

⁶Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ[19] a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.

⁷A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

⁸A Sob nɛ na piwre a zie a Efarayim ƴãw a be n a Naaŋmɩn zie, a naaŋmɩn-ƴɛ̀r-manɛ n'ʋ. Ɛcɛ bɛ ƴãwnɛ nɩ bɛrɩ a ʋ sɛ́ɛ za zu, bɛ mɩ́ diw ʋ na tɩ sãá nɩ a ʋ Naaŋmɩn yir.

⁹Nyɩ maal'ɩ a faa tɩ tɔ, mɛ̃ a lɛ nyɩ na tɩ ɩ a Givea[20] tẽw a. Naaŋmɩn na lɛb'a bãwnɩ a nyɩ ɩ-faar, ʋ na dɔwrɩ nyɩ nɩ a nyɩ yel-bebe ƴãw.

¹⁰À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr[21] tẽw a, bɛ bɛr'ɩ bɛ tʋɔra kʋ̀ a Vĩ[22], lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.

¹¹A Efarayim yúor na yi a na tɔl'a mɛ̃ lile na ƴaw cen a: bie kʋ̃ lɛb dɔw ɛ, pʋɔ kʋ̃ lɛb tɛr ɛ, sɩɛ kʋ̃ lɛb ŋmãa a ɩ.

¹²Bɛlɛ saa guole bibiir a, bɛ kʋ̃ mɩ́ ta nɩbɛ sɛr ɛ, ɩ̃ɩ ír bɛ a bɛ zie. Mãa dɛ wa ŋmɛlɛ kpaar cɔwr bɛ a, baw-bio páw bɛ na.

¹³A Efarayim ɩ̃ na nyɛ̃ a, ʋ ɩ na a ʋ bibiir ɩ wɛ-dʋn, ʋ bɛr bɛ na bɛ tuore a bɛ kʋrɛ.

¹⁴Sore e, alɛ na wa ɩ dɔwrʋ a, buor'ʋ bɛ na kaa ír? Kʋ̀ a bɛ pɔwbɛ pʋ-ãàmɛ nɩ bɩr-varsɩ.»

¹⁵A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

¹⁶Bɛ ŋmɛ n a Efarayim páw, a ʋ nyɩgɛ ko na, ʋ kʋ̃ lɛb wɔ̃ wɔmɛ ɩ. Bɛlɛ saa wa dɔwr a, ɩ̃ na ɩ n a bɛ bi-nɔnɩ bɛ ŋa kpi.»

¹⁷A ɩ̃ Naaŋmɩn na zawrɩ bɛ na bɛr, bɛ na bɛ bɛr wõ ʋ a ƴãw. Lɛ n'a bɛ na bɔrɛ yʋ̀ɔr a nɩ-bʋʋr-yoru pʋɔ.