Read Dagara, Northern Zowɛl 3 Bible Online

Zowɛl 3 - Dagara, Northern bible

Zowɛl 3

¹A Sore yere na: «Al pùorí, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na ƴɛ̀rɛ nɩ naaŋmɩn-ƴɛ̀r-manbɛ ƴɛ̀rʋ, zánʋ na waar'ɩ a nyɩ nɩ-kore, a nyɩ pɔlbili na nyɛrɛ nɩ bʋ̃-nyɛrɩ.

²A alɩ bibie nɛ a, ɩ̃ na ƴãw nɩ a ɩ̃ Vʋʋrʋ a tõ-tõ-biir tɛɛ za, a dɛbr nɩ a pɔwbɛ.

³Ɩ̃ na maal'ɩ nɔ-ɓãa-yele a salom zu nɩ a tẽw zu: zɩ̃ɩ, vũu nɩ zʋ̀ʋ́r na ŋmɛlɛ dúor a.

⁴A mʋ̃tɔ̃w na lɩɛb'ɩ lige, ɛ́ a cuw mʋ̃ɔ mɛ̃ zɩ̃ɩ a, ɛ́ a Sore bibir[5] wa bãw vɩɛ, bibi-kpɛ̃ɛ na ɩrɛ dɛ̃bɩ̃ɛ a.»

⁵Lɛ n'a nɩr za na bʋɔlɛ a Sore yúor a na nyɛ̃ a faafʋ. Mɛ̃ a lɛ a Sore na yel a: a Sɩyɔ̃ tãw zu, a Zerizalɛm a, nɩbɛ bɛ mɩnɛ na cɩ̃ɛ na, a na ɩ n a bɛlɩ dem a Sore na bʋɔlɛ a nyɔ-vʋʋrʋ ƴãw a.