Read Dagara, Northern Amɔsɩ 4 Bible Online

Amɔsɩ 4 - Dagara, Northern bible

Amɔsɩ 4

¹Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

²A Sore pɔ na yel: «Mãa wa sɩrɩ n'ɩ a Naaŋmɩn na ɩ sõw a, bibie waar'a na vɩɛ a nyɩ zu, bɛ na vɩr nyɩ been been ír tɩ tɔ a pɛ-baara, mɛ̃ zʋ́mɛ́ zʋm-pĩi na nyɔw a.

³Dacin vʋɔrɩ́ n'a nyɩ na mɩ́ yi, ŋa za niwn na dɛ tori a lɛ a, ɛ́ bɛ na diw nyɩ na ƴãw a tẽw saa-pɛrɩ́-gʋba-lowr sɔ́r.» A Sore n'ʋ yel.

⁴«Ɩsɩrayɛl nɩbɛ ɛ, nyɩ gaarɛ a ɩ̃ zie cere a Betɛl, nyɩ gaarɛ zuo a lɛ cere a Gilgal[16]. Nyɩ na ta gã dãw bio a, nyɩ maalɩ a nyɩ bagɛ, ɛ́ a deyere daar nyɩ tɩr a nyɩ bʋ̃-kʋ̀rɩ.

⁵Nyɩ maalɩ yãanɩ puoru bagɛ[17], nyɩw a dipɛ̃ na ƴãw dãbɩl a a bàwr-maal-kuur zu. Nyɩ yel a nɩ-yaga pʋɔ a bʋ̃-tɛrɩ nyɩ na nɔnɛ de kʋ̀ a Naaŋmɩn a, lɛ n'a na nyɩ nɔnɛ a.» A Sore Naaŋmɩn n'ʋ yel.

⁶«A mãa, mãa n'ʋ ɩ kɔ̃ nyɔw nyɩ a ten za pʋɔ, mãa n'ʋ ɩ a dipɛ̃ dɩ nã́w a be za nyɩ na be a, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

⁷«Mãa n'ʋ sɩb nyɩ a saa a nyɩ bʋ̃-kʋ́ɔrɩ deb na tɩ cɛ cuwr ata a. Ɩ̃ ƴãw na a saa wa tẽw ŋa, ɛ́ bɛr tẽw ŋa. Púo ŋa tɩ páw nɩ a saa ɓaarʋ, ɛ́ púo ŋa na bɛ páw a saa ɓaarʋ a ko gã.

⁸Nɩbɛ mɩ́ yi n ten ayi bɩɩ ata pʋɔ kɔ̃kɔlɩ cen tẽ-yũo pʋɔ kɛ́ bɛ tɩ nyũ kʋ̃ɔ, ɛ́ bɛ mɩ́ tɩ nyũ sɛw ɛ. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

⁹«Ɩ̃ ƴãw na bàalʋ kpɛ a nyɩ ciri, ɩ a ko bɩɩ pɔ̃ a dàar zu, a nyɩ zaadɛ̃ pʋɔ bome nɩ a divɛ̃ tɩɩr, a nyɩ kãkamɛ nɩ a nyɩ olivʋ tɩɩr, zãzule 'wɔb a na. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

¹⁰«Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a[18]. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

¹¹«Ɩ̃ ŋmɛ n bom za nyaw taa a nyɩ zie, mɛ̃ a lɛ ɩ̃ na tɩ dãw ɩ a Sodɔm nɩ a Gomɔɔr[19] ten a. Nyɩ ŋmɛ̃ na mɛ̃ dà-ŋmãa bɛ na ír vũumí bɛr a. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

¹²«Alɛ so, Ɩsɩrayɛl i, nyɛ̃ a lɛ ɩ̃ na na ɩ b a, ɛ́ a lɛ ɩ̃ na na ɩ b a ƴãw a, Ɩsɩrayɛl i, cɔbrɛ fʋ̃ʋ nɩ a fʋ Naaŋmɩn tuor-taa.»

¹³Bʋ̃ʋ n'ʋ vɛ̃, nyɛ̃ a: a Sob nɛ na mɩɛr a tã-bɛrɛ, ɛ́ íre a sɛsɛb, ɛ́ wule a ʋ pʋ-tɩɛrʋ a nɩsaal a, a Sob nɛ na dier a lige maalɛ nɩ a cãà a, a Sob nɛ na cere a tẽw zi-kɛrɩ zu a, a ʋ yúor dɩ na kɛ́ Sore, a Naaŋmɩn kpɛnʋ-za-sob.