Read Dagara, Northern Amɔsɩ 8 Bible Online

Amɔsɩ 8 - Dagara, Northern bible

Amɔsɩ 8

¹Bom ŋa n'ʋ a Sore ɩ̃ Naaŋmɩn tɩ ɩ ɩ̃ lɛb nyɛ̃: tɩ-wɔmɛ nɩ pèlé n'a. A tɩ-wɔmɛ baarʋ daar tɩ n'a.

²Ʋ tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Tɩ-wɔmɛ nɩ pèlé n'a ɩ̃ nyɛ̃, a tɩ-wɔmɛ daar na ta baarʋ a.» Lɛ n'a a Sore tɩ yel mɛ̃: «A ɩ̃ nɩ-bʋʋrɛ Ɩsɩrayɛl baarʋ ta na, ɩ̃ kʋ̃ lɛb bɛr a bɛ sãwna kãw za ɩ.

³A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ. A Sore ɩ̃ Naaŋmɩn n'ʋ yel. A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»

⁴Nyɩɩm na dɔwrɛ a nan dem, ɛ́ kʋrɛ a tẽw pʋɔ bãbàalbɛ pàwr pɛr a, nyɩ bɛrɛ wone a ƴɛ̀r-bie á ŋá:

⁵Nyɩ mɩ́ yel'a: «Debor'a a cuw paala cuw na tɔl mɔ̃, tɩ tʋ̃ɔ́ kʋɔrɩ a tɩ bʋ̃-bie? Ɛ́ debor'a a pɩ̃ɛnʋ-bibir na dɩ yi tɩ tʋ̃ɔ́ yuo a tɩ bowe? Tɩ na siwr'ɩ a bʋ̃-mána ɛ́ dúori a daarʋ libie nʋɔr, tɩ na de nɩ bʋ̃-keri na bɛ tori a.

⁶Tɩ na dà n a nɩ-kɔmɛ nɩ libie blã, tɩ na de nɩ nafawr-ɓɛwlɩkɛl pɛ-been tɛw nɩ a nã́w sob. Tɩ na mɩ́ kʋɔr'a tɩ lãw nɩ a ka-sɩmɛ tɛɛ za[30].»

⁷A Sore pɔ n nɩ a tẽw ʋl a Ɩsɩrayɛl na nyʋʋr'ɩ a, yel à ŋá: «Ɩ̃ bɛ be za na yiiri a bɛ ɩ-faar been kãw za bɛr ɛ!

⁸Alɛ n'a so, a tẽw na vʋ̃ na ɛ́ a nɩbɛ za na be n wahala pʋɔ. A tẽw na vʋ̃ na ìr ʋ za mɛ̃ man a, ʋ na vʋ̃ na ìr ɛ́ lɛb siw lo mɛ̃ a Eziptɩ tẽw man a.

⁹À ŋá n'a a Sore ɩ̃ Naaŋmɩn yere: a ʋlɩ bibir a, mʋ̃tɔ̃-tuo n'a ɩ̃ na ɩ a mʋ̃tɔ̃w kpɛ, mʋ̃tɔ̃-tuo, ɩ̃ na ɩ na a tẽw be lige pʋɔ.

¹⁰Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ[31] vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

¹¹À ŋá n'a a Sore ɩ̃ Naaŋmɩn yere: bibie waar'a na vɩɛ, ɩ̃ na ɩ kɔ̃ lo a tẽw. Bʋ̃-dɩrɩ kɔ̃ bɩɩ kʋ̃ɔ kʋ̃ɔ-nyúur bɛ n'a na kpɩɛr a nɩbɛ ɩ, a Sore ƴɛ̀rʋ bɛr-wob kɔ̃ nɩ a kʋ̃ɔ-nyúur'a na kpɩɛr bɛ.

¹²A nɩbɛ na mɩ́ yi n a saa-pɛrɩ́-dʋrʋ-lowr ɛ́ tɩ sãá a mʋ̃tɔ̃w-kpɛb-lowr, bɛ na mɩ́ yi n a saa-pɛrɩ́-gʋba-lowr ɛ́ bɔr tɩ ta a saa-pɛrɩ́ bɔbr a Sore ƴɛ̀rʋ bɛr-wob, ɛ́ bɛ kʋ̃ páw ʋ wõ ɩ.

¹³A ʋlɩ bibir a, a pɔwsɩrali na pɔl pɔl a nɩ a pɔlbili na kpi n kʋ̃ɔ-nyúur.

¹⁴Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan[32] i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»