Read Dagara, Northern Sɔr-nɛ́ɛ 12 Bible Online

Sɔr-nɛ́ɛ 12 - Dagara, Northern bible

Sɔr-nɛ́ɛ 12

¹A Moyiir tɩ kul'ɩ pɔw na ɩ Kusitɩ[28] a. A Miriyam nɩ a Aarɔ̃ tɩ yere ʋ na a kul-taa ŋa ƴãw.

²Lɛ n'a bɛ tɩ yel à ŋá: «Moyiir yõ zie n'a a Sore ƴɛ̀r bɩɩ? Ʋ mɩ̀ bɛ ƴɛ̀r a tɩ zie ɩ?» A Sore tɩ wõ n a lɛ bɛ na yel a.

³Zɩ̃ k'aa Moyiir tɩ ɩ n nɩr na siwre ʋ tʋɔra yaga a, nɩr na siwre ʋ tʋɔra gãw nɩsaal za a tẽw zu a.

⁴Bɛ wa bere na a Sore yel a Moyiir, a Aarɔ̃ nɩ a Miriyam: «Nyɩ cen nyɩ za ata, a tuor-taa pɛn-sɛw pɛr!» Ɛ̀ bɛ tɩ cen bɛ za ata.

⁵A Sore tɩ siw nɩ zũzuwr[29] na ɩ mɛ̃ kpul a pʋɔ, àr a pɛn-sɛw dɩ̃dɔr nʋɔr ɛ́ bʋɔlɩ a Aarɔ̃ nɩ a Miriyam. Bɛ taw ta bɛ za ayi.

⁶A Sore yel bɛ à ŋá: «Nyɩ cɛlɛ vla a ɩ̃ ƴɛ̀rʋ ƴãw: naaŋmɩn-ƴɛ̀r-manɛ na mɩ́ wa be a nyɩ pʋɔ a, a mãa Sore, yel-nyɛrɩ pʋɔ n'a ɩ̃ mɩ́ ɩ ʋ bãw mɛ̃, zánʋ pʋɔ n'a ɩ̃ mɩ́ ƴɛ̀r a ʋ zie.

⁷A bɛ ɩ a lɛ a ɩ̃ tõ-tõ-bie Moyiir na kaarɛ a ɩ̃ yir za zie a ƴãw ɛ.

⁸Ɩ̃ mɩ́ càar'a ƴɛ̀rɛ a ʋ zie, ƴɛ̀rɛ welwel. Ɩ̃ mɩ́ ɩ na ʋ nyɛ̃ m, ɩ̃ mɩ́ sãá na ʋ nyɛ̃, a mãa Sore. A na ɩ à ŋá a, ŋmɩŋmɩn za n'a nyɩ sʋ̃ɔmɩ sàw yere a ɩ̃ tõ-tõ-bie Moyiir?»

⁹A Sore tɩ nyɛ̃ nɩ suur yaga tɔl cen nɩ.

¹⁰A zũzuwr na wa ìr do a pɛn-sɛw zu-sɔw a, a Miriyam tɩ ɓalɩ ɓalɩ na, ɛ́ a ɓalɛ pɛlɩ yaga za. Kɔnʋ ɓalɛ tɩ n'a. A Aarɔ̃ tɩ jɩ́r ʋ na nyɛ̃ ʋ kɔ̃w!

¹¹A Aarɔ̃ tɩ yel'ɩ a Moyiir à ŋá: «Tɩ sãw na! Ɛcɛ ɩ̃ zɛlɛ fʋ na, ta dɔwrɩ tɩ a yel-bier tɩ na maalɩ a ƴãw, tɩɩm na ɩ dãbol-ɩb a ɩ.

¹²A Miriyam a, ʋ ta ɩ mɛ̃ bi-kũu a ƴã-gan ziir a mɩnɛ na mɩ́ ŋma a ʋ dɔwfʋ daar a ɩ!»

¹³Lɛ n'a a Moyiir tɩ zɛlɩ a Sore kpɛ̃w kpɛ̃w za yel à ŋá: «Naaŋmɩn i, ɩ̃ zɛlɛ fʋ na, sanɩ ʋ!»

¹⁴A Sore tɩ sɔw ʋ na: «A ʋ sãà tɩ n'ʋ cɩr mʋtaar waar'ʋ a niwn a, vĩ k'ʋʋ nyɔw ʋ bibie ayopõi ɛ? A na ɩ lɛ a, bɛ diw ʋ bɛr a laɩ pʋɔ bibie ayopõi. Al pùorí n'a ʋ na tʋ̃ɔ́ lɛb wa.»

¹⁵A lɛ n'a bɛ tɩ diw a Miriyam bɛr a laɩ pʋɔ bibie ayopõi. A Ɩsɩrayɛl nɩbɛ bɛ tɩ lɛb lo a sɔ́r ɛ, ɛ́ gù ʋ wa tɩ lɛb wa.

¹⁶A pùorí n'a bɛ tɩ yi a Aserɔtɩ, ɛ́ cen tɩ maalɩ a bɛ laɩ Paran wɛja-kpalɛ pʋɔ.