Read Dagara, Northern Sɔr-nɛ́ɛ 31 Bible Online

Sɔr-nɛ́ɛ 31 - Dagara, Northern bible

Sɔr-nɛ́ɛ 31

²«A faa a Madian tẽw dem na maalɩ a Ɩsɩrayɛl nɩbɛ zie a, cen tɩ yáa a san a bɛ zu[62], ɛ́ a pùorí fʋ kpi cen tɩ páw a fʋ sãà mɩnɛ.»

³Lɛ n'a a Moyiir tɩ yel a Ɩsɩrayɛl nɩbɛ à ŋá: «A fɛr'a kɛ́ nyɩ mɩnɛ de a bɛ zɛbr bome cen nɩ tɩ zɛb'ɩ a Madian tẽw dem, yaa nɩ a san a Sore na yel a, a bɛ zu.

⁴Nyɩ kaa ír nɩbɛ túr (1 000) dɔwlʋ za pʋɔ, a al ƴãw.»

⁵A Ɩsɩrayɛl zɛbr-nɩbɛ pʋɔ a, bɛ tɩ kaa na ír nɩbɛ túr (1 000) dɔwlʋ za pʋɔ. Bɛ za ɩ sojarɩ tùr-pie nɩ ayi (12 000).

⁶A Moyiir tɩ ƴãw nɩ bɛ za cen a zɛbr zie, bɛlɛ nɩ a bàwr-maalɛ Pɩnasɩ, a Eleazaar bidɛb, na tɩ tɛr a bʋ̃-son[63] nɩ a wɩɩr cen nɩ a zɛbr tib bãwfʋ tɩrʋ ƴãw a.

⁷Bɛ tɩ zɛb'ɩ nɩ a Madian tẽw mɛ̃ a lɛ a Sore na tɩ ƴãw a Moyiir yel a, ɛ́ kʋ a dɛbr za.

⁸Bɛ mɩ̀ tɩ kʋ n a Madian tẽw na-mɩnɛ anũu: Ewi, Erekɛm, Súùr, Huur nɩ Ereva, lãwnɩ a Bewɔɔr bidɛb Balaam.

⁹Bɛ tɩ nyɔw nɩ a Madian tẽw dem pɔwbɛ nɩ a bɛ bibiir bɛ ɩ gbãgbaar, ɛ́ de a bɛ dʋn za, a bɛ zawr dʋn za nɩ a bɛ na-bome za.

¹⁰Bɛ tɩ nyɩw nɩ a Madian tẽw dem tẽ-bɛrɛ za nɩ a bɛ laɩ za bɛr.

¹¹Al pùorí bɛ tɔl cen nɩ a bome, a nɩbɛ nɩ a dʋn bɛ na de a.

¹²Bɛ tɩ wa n nɩ a za a laɩ pʋɔ na tɩ be a Mowab tɩ̃talɛ pʋɔ, pɩɛlɩ a Zurdɛ̃, ɛ́ tori a Zeriko a, kɛ́ bɛ wa wul a a Moyiir, a bàwr-maalɛ Eleazaar nɩ a Ɩsɩrayɛl nɩbɛ lãw za.

¹³A Moyiir, a Eleazaar nɩ a lãw nɩ-bɛrɛ tɩ yi n a laɩ pʋɔ tuori bɛ.

¹⁴A Moyiir tɩ nyɛ̃ nɩ suur nɩ a zɛbr-nɩbɛ túre nɩ-bɛrɛ nɩ a zɛbr-nɩbɛ kɔbr nɩ-bɛrɛ na tɩ yi a zɛbr ŋa zie waar a. Ʋ tɩ yel bɛ nɩ à ŋá:

¹⁵«Alɛ! Nyɩ bɛr'ɩ a pɔwbɛ bɛ cãà vʋʋrɛ ɛ?

¹⁶Nyɩ bãwnɩ a nɩ vla, a Madian tẽw pɔwbɛ nɛbɛ a Balaam tɩ wul a yã bɛ bɛlɩ a Ɩsɩrayɛl nɩbɛ bɛ bɛ tu a Sore, a Pewɔɔr yele pʋɔ ɩ. A pùorí a, a wa ɩ n kpɩɛrʋ yaga a Sore nɩbɛ zie.

¹⁷A na ɩ lɛ a, ƴɛrɛŋa a, nyɩ kʋ a dɛbli za nɩ a pɔwbɛ bɛl za na kul sɩrbɛ a.

¹⁸Ɛcɛ a powli bɛl za na bɛ páw dɛb a, nyɩ na tʋ̃ɔ́ na tɛr bɛ a nyɩɩm mɩŋa ƴãw.

¹⁹A nyɩ pʋɔ a, bɛlɩ dem za na kʋ nɩr bɩɩ tɔ kũu a na maal'ɩ bibie ayopõi a yẽw. A na fɛr'a bɛ so a bɛ dɛwr bɛr a bibie ata sob nɩ a bibie ayopõi sob. A nʋɔr ŋa mɩ̀ jɩ́rɛ nɩ a nyɩ pɔwli-gbãgbaar.

²⁰A bʋ̃-suuri, a gamɛ bome za, a bʋʋr kɔblʋ bome bɩɩ a dàar bome, nyɩ mɩ̀ na pɛ́w nɩ a za dɛwr bɛr.»

²¹Al pùorí, a bàwr-maalɛ Eleazaar tɩ yel'ɩ a nɩbɛ na cen a zɛbr zie a: «A nɛ́ɛ n'ɩ á ŋá a Sore na ƴãw kʋ̀ a Moyiir a:

²²“A salm-zɩɛ, a salm-pla, a kur-zɩɛ, a kure, a kur-pla mɔrmɔr bɩɩ a kur-mɔrmɔr[64] bome a,

²³a pɛr lɛ k'aa bome al na bɛ dɩrɛ vũu a, a vũu n'a nyɩ na ír'ɩ a dɛwr bɛr, al pùorí nyɩ tõ a a dɛwr-so-bɛrʋ kʋ̃ɔ pʋɔ. A bome al na na tʋ̃ɔ́ dɩ vũu a, nyɩ na tõ a nɩ a dɛwr-so-bɛrʋ kʋ̃ɔ pʋɔ.

²⁴Nyɩ na pɛ́w nɩ a nyɩ bʋ̃-suuri a bibie ayopõi, ɛ́ nyɩ na lɛb'a vɩɛl. Al pùorí, nyɩ na tʋ̃ɔ́ na lɛb kpɛ a laɩ pʋɔ.”»

²⁵A Sore tɩ yel'ɩ a Moyiir à ŋá:

²⁶«Fʋ̃ʋ nɩ a Eleazaar a, a Ɩsɩrayɛl lãw yie nɩ-bɛrɛ na sõw nyɩ na nyɩ sɔ́r a bome al za bɛ na zɛb de a, a nɩbɛ nɩ a dʋn.

²⁷Fʋ na põ nɩ a bome á ŋá ziir ayi, a zɛ̃ taa: a nɩbɛ na cen a zɛbr zie a tɛr a ŋmãa, ɛ́ a lãw nɩbɛ na cɛ a mɩ̀ tɛr a ŋmãa.

²⁸A nɩbɛ na zɛb a bome pʋɔ a, fʋ na ír'ɩ a ɩ̃ dem: nɩ-been nɩbɛ kɔbr anũu (500) pʋɔ, dʋ̃-been dʋn kɔbr anũu (500) pʋɔ, a nĩi, a bòn, a píir nɩ a bʋʋr pʋɔ.

²⁹A ɩ̃ dem fʋ na na ír à à ŋá a, fʋ na de a na kʋ̀ a bàwr-maalɛ Eleazaar.

³⁰A Ɩsɩrayɛl nɩbɛ bome pʋɔ a, fʋ na ír'ɩ nɩ-been nɩbɛ lɩz'a ayi nɩ pie pʋɔ, dʋ̃-been dʋn lɩz'a ayi nɩ pie pʋɔ, a nĩi, a bòn, a píir, a bʋʋr nɩ a dʋn al na baa cɛ a pʋɔ. Fʋ na de nɩ a bome á ŋá kʋ̀ a levitɩ mɩnɛ na tone a ɩ̃ kpɛb zie tome a.»

³¹A Moyiir nɩ a Eleazaar tɩ ɩ n a lɛ a Sore na yel kʋ̀ a Moyiir a.

³²A bome a zɛbr-nɩbɛ na tɩ zɛb fa a pʋɔ a, bome á ŋá n'a tɩ cɛ: píir nɩ bʋʋr tùr-kɔbr ayʋɔb dɔwlɩ tùr-lɩz'a ata nɩ pie nɩ anũu (675 000),

³³nĩi tùr-lɩz'a ata nɩ pie nɩ ayi (72 000),

³⁴bòn tùr-lɩz'a ata nɩ been (61 000),

³⁵nɩ pɔwsɩrali na bɛ páw dɛbr a tùr-lɩzɛr'ɩ pie nɩ ayi (32 000).

³⁶A bome bɛ na tɩ kʋ̀ a zɛbr-nɩbɛ a n'ɩ á ŋá: píir nɩ bʋʋr tùr-kɔbr ata dɔwlɩ tùr-lɩzɛr'ɩ pie nɩ ayopõi dɔwlɩ kɔbr anũu (337 500),

³⁷bɛ ír kɔbr ayʋɔb dɔwlɩ lɩz'a ata nɩ pie nɩ anũu (675) a Sore ƴãw,

³⁸nĩi tùr-lɩzɛr'ɩ pie nɩ ayʋɔb (36 000), bɛ ír 72 a Sore ƴãw,

³⁹bòn tùr-lɩzɛr'ɩ pie dɔwlɩ kɔbr anũu (30 500), bɛ ír 61 a Sore ƴãw,

⁴⁰nɩbɛ tùr-pie nɩ ayʋɔb (16 000), bɛ ír 32 a Sore ƴãw.

⁴¹A Moyiir tɩ de nɩ a Sore bome á ŋá ʋ na ír a kʋ̀ a bàwr-maalɛ Eleazaar, mɛ̃ a lɛ a Sore na tɩ ƴãw a nʋɔr a.

⁴²A bome bɛ na tɩ kʋ̀ a Ɩsɩrayɛl nɩbɛ ŋmãa a tɩ zɛ̃ na taa nɩ a zɛbr-nɩbɛ dem. A tɩ ɩ n píir nɩ bʋʋr tùr-kɔbr ata dɔwlɩ tùr-lɩzɛr'ɩ pie nɩ ayopõi dɔwlɩ kɔbr anũu (337 500),

⁴³

⁴⁴nĩi tùr-lɩzɛr'ɩ pie nɩ ayʋɔb (36 000),

⁴⁵bòn tùr-lɩzɛr'ɩ pie dɔwlɩ kɔbr anũu (30 500)

⁴⁶nɩ nɩbɛ tùr-pie nɩ ayʋɔb (16 000).

⁴⁷A bome al bɛ na kʋ̀ a Ɩsɩrayɛl nɩbɛ a pʋɔ a, a Moyiir mɩ́ tɩ ír'ɩ nɩ-been nɩbɛ lɩz'a ayi nɩ pie pʋɔ, nɩ dʋ̃-been dʋn lɩz'a ayi nɩ pie pʋɔ. Ɛ́ ʋ tɩ de a na kʋ̀ a levitɩ mɩnɛ na tone a Sore kpɛb zie tome a, mɛ̃ a lɛ a Sore na tɩ yel kʋ̀ ʋ a.

⁴⁸A zɛbr-nɩbɛ nɩ-bɛrɛ na mɩ́ tɩ so zɛbr-nɩbɛ túre nɩ zɛbr-nɩbɛ kɔbr a tɩ wa na wa páw a Moyiir,

⁴⁹ɛ́ yel ʋ à ŋá: «Tɩ sɔr'ɩ a zɛbr-nɩbɛ bɛl tɩ na tɩ so a. Nɩr bɛ cɛ ɩ.

⁵⁰Alɛ n'a so tɩ waar'ɩ bome kɛ́ tɩ wa kʋ̀ a Sore, ʋ na gù a tɩ nyɔ-vʋʋrʋ a ƴãw. Tɩ kãw za tɩrɛ nɩ a salm-zɩɛ bome al ʋ na nyɛ̃ a: bãzɔlɩ, nuru bamɛ, nũ-tʋɛ, tokpamɛ, kɔkɔrɩ́ lɛgɛ.»

⁵¹A Moyiir nɩ a bàwr-maalɛ Eleazaar tɩ sàw na de a salm-zɩɛ bʋ̃-maalɩ á ŋá bɛ na tɩ wa n a.

⁵²A bome a zɛbr-nɩbɛ nɩ-bɛrɛ na tɩ kʋ̀ a Sore a, a tɩbrʋ za tɩ tarɛ nɩ kilo[65] lɩz'a ani nɩ pie (170).

⁵³A Sojarɩ bɛl tɩ tɛr'ɩ a bome bɛ na za a.

⁵⁴A Moyiir nɩ a Eleazaar tɩ bin nɩ a salm-zɩɛ bome za a sojarɩ nɩ-bɛrɛ na tɩ tɩr a, a tuor-taa pɛn-sɛw pʋɔ, k'aa Sore mɩ́ cãà bãwnɩ a Ɩsɩrayɛl nɩbɛ.