Read Dagara, Northern Sɔr-nɛ́ɛ 34 Bible Online

Sɔr-nɛ́ɛ 34 - Dagara, Northern bible

Sɔr-nɛ́ɛ 34

¹A Sore tɩ yel'ɩ a Moyiir à ŋá:

²«Yel à ŋá kʋ̀ a Ɩsɩrayɛl nɩbɛ: Nyɩ na kpɛ n a Kanãa tẽw pʋɔ. A tẽw bɛ na kʋ̀rɛ nyɩ kɛ́ nyɩ so ʋ, ɛ́ a tʋr-bɔwrɩ á ŋá viiri koli ʋ a n'ʋ:

³A saa-pɛrɩ́-dʋrʋ-lowr a, a nyɩ tẽw tʋr-bɔw na ɩ n a Sin wɛja-kpalɛ nɩ a Edɔm tẽw. A saa-pɛrɩ́ a, a tʋr-bɔw na tĩ nɩ a Nyaarʋ kʋ̃ɔ-kpɛ̃ɛ saa-pɛrɩ́-dʋrʋ-lowr.

⁴Ʋ na lɩɛb'ɩ a sɔ́r na dúor a Nan tãw zu a saa-pɛrɩ́-dʋrʋ-lowr, tu a Sin lowr, tɩ yi Kadɛsɩ-Barneya saa-pɛrɩ́-dʋrʋ-lowr, al pùorí, ʋ yi Hasaar-Adaar nɩ Asɩmon.

⁵A Asɩmon a, ʋ na lɛb lɩɛb'a cen tɩ tɔ a Eziptɩ bà-fʋɔla[67], ɛ́ cen tɩ tɔ a Mediterane kʋ̃ɔ-kpɛ̃ɛ.»

⁶«A mʋ̃tɔ̃w-kpɛb-lowr a, a Mediterane kʋ̃ɔ-kpɛ̃ɛ n'ʋ na ɩ a tʋr-bɔw.»

⁷«A saa-pɛrɩ́-gʋba-lowr a, nyɩ na tʋ̃ɔ̀ nɩ a tʋr-bɔw ƴãw a Mediterane kʋ̃ɔ-kpɛ̃ɛ nɩ a Hoor[68] tãw cara pʋɔ.

⁸Nyɩ na ɩ na ʋ yi a Hoor tãw ƴãw, ɛ́ tɩ yi a Lebo-Hamatɩ nɩ Sedadɩ.

⁹Ʋ na yi n a be tu yi Zifuron ɛ́ cen tɩ tɔ Hasaar-Einan. A nyɩ tʋr-bɔw n'ɩ á ŋa a saa-pɛrɩ́-gʋba-lowr.»

¹⁰«A saa-pɛrɩ́ a, nyɩ na tĩ nɩ Hasaar-Einan, ɛ́ tʋ̃ɔ̀ a tʋr-bɔw cen nɩ Sefam lowr.

¹¹Ʋ na yi n a be ɛ́ cen Irivɩla lowr na be a Ayin saa-pɛrɩ́ a, al pùorí, ʋ cen tɩ tɔ a Zenezarɛtɩ kʋ̃ɔ-kpɛ̃ɛ saa-pɛrɩ́ ziir al na tìb a.

¹²Ʋ na cen na tɩ tɔ a Zurdɛ̃ man siw tɩ ta a Kʋ̃ɔ-kpɛ̃ɛ-kũu.» «À à ŋá n'a a nyɩ tẽw tʋr-bɔwrɩ na ɩ.»

¹³A Moyiir tɩ yel'ɩ a yele á ŋá kʋ̀ a Ɩsɩrayɛl nɩbɛ. Al pùorí, ʋ yel bɛ à ŋá: «A tẽw n'ɩ à ŋà a Sore na yel kɛ́ bɛ ŋmɛ a gbãw põ a dɔwlʋ piwaɩ nɩ ŋmãa a.

¹⁴Bʋ̃ʋ n'ʋ vɛ̃, a Urubɛn nɩ a Gadɩ dɔwlʋ, nɩ a Manase dɔwlʋ ŋmãa páw nɩ a bɛ zie baarɩ.

¹⁵A dɔwlʋ ayi nɩ ŋmãa á ŋá zie tori nɩ a Zeriko, a Zurdɛ̃ gãwn, a saa-pɛrɩ́.»

¹⁶A Sore tɩ yel'ɩ a Moyiir à ŋá:

¹⁷«A bàwr-maalɛ Eleazaar nɩ a Nun bidɛb Zozue na põ nɩ a tẽw.

¹⁸Nyɩ na ír'ɩ nɩ-kpɛ̃ɛ dɔwlʋ za pʋɔ ƴãw pʋɔ a bɛ ƴãw, bɛ sõw bɛ a ton ŋa ƴãw.

¹⁹A bɛ yée n'ɩ á ŋá: Zuda dɔwlʋ: Yefune bidɛb Kalɛb

²⁰Sɩmɩ̃ɔ dɔwlʋ: Amihudɩ bidɛb Semuɛl

²¹Bɛ̃zamɛ dɔwlʋ: Kisilon bidɛb Elidadɩ

²²Dan dɔwlʋ: Yogili bidɛb Buki

²³Zuzɛb bidɛb Manase dɔwlʋ: Efɔdɩ bidɛb Haniyɛl

²⁴Zuzɛb bidɛb Efarayim dɔwlʋ: Sifitam bidɛb Kemuyɛl

²⁵Zabulɔ̃ dɔwlʋ: Parnakɩ bidɛb Elisafan

²⁶Ɩsakaar dɔwlʋ: Azan bidɛb Paltiyɛl

²⁷Asɛɛr dɔwlʋ: Selomi bidɛb Ahihudɩ

²⁸Nɛfɩtali dɔwlʋ: Amihudɩ bidɛb Pedayɛl.»

²⁹A nɩbɛ bɛ ŋa nɛbɛ a Sore tɩ yel kɛ́ bɛ põ a Kanãa tẽw a Ɩsɩrayɛl dɔwlʋ.