Read Dagara, Northern Sɔr-nɛ́ɛ 7 Bible Online

Sɔr-nɛ́ɛ 7 - Dagara, Northern bible

Sɔr-nɛ́ɛ 7

¹A ʋlɩ bibir a Moyiir na tɩ maalɩ a kpɛb-zi-sõw baar'a, ʋ tɩ cir'ɩ a kãá ƴãw ʋ, maal'ʋ k'ʋ ɩ Naaŋmɩn bʋ̃-sora lãwnɩ a ʋ bome za. Ʋ mɩ̀ tɩ maal'ɩ a bàwr-maal-kuur nɩ a ʋ kpɛ̃kpɛrsɩ za a ɩ Naaŋmɩn bʋ̃-sori.

²Lɛ n'a a Ɩsɩrayɛl dɔwlʋ yie nɩ-bɛrɛ, a bɛl na tɩ tu a nɩbɛ sɔ́rʋ pùor a, tɩ taw ta.

³Bʋ̃-kʋ̀rɩ n'a bɛ tɩ wa n a Sore ƴãw: torkori ayʋɔb na tɛr ɓaarʋ[14] a, nɩ nĩi pie nɩ ayi. Nɩ-bɛrɛ ayi nɛbɛ mɩ́ tɩ lãw tɩr torko, ɛ́ ŋa za tɩr náab. Bɛ tɩ wa n a nɩ a kpɛb-zi-sõw niŋé.

⁴A Sore tɩ yel'ɩ a Moyiir:

⁵«Sàw de a bɛ bʋ̃-kʋ̀rɩ. Bɛ na tone nɩ a tuor-taa pɛn-sɛw tome nɩ a torkori nɩ a nĩi á ŋá. Fʋ na de a na kʋ̀ a levitɩ mɩnɛ, tu n a tome ŋa za na mɩ́ sɛw k'ʋʋ tone a.»

⁶Lɛ n'a a Moyiir tɩ de a torkori nɩ a nĩi kʋ̀ a levitɩ mɩnɛ.

⁷Ʋ tɩ kʋ̀ n a Gɛrson bʋʋrɛ torkori ayi nɩ nĩi anaar, tu n a tome a na sɛw kɛ́ bɛ tone a,

⁸ɛ́ kʋ̀ a Merari bʋʋrɛ a torkori anaar nɩ a nĩi ani na cɛ a, tu n a tome a na sɛw kɛ́ bɛ tone, mɛ̃ a lɛ a Aarɔ̃ na ɩ a bàwr-maalɛ a bidɛb Itamaar na wule bɛ a.

⁹Ʋ bɛ tɩ kʋ̀ a Kehatɩ bʋʋrɛ torkori nɩ nĩi ɛ, bʋ̃ʋ n'ʋ vɛ̃, bɛlɛ tɩ so a bʋ̃-son kaafʋ, ɛ́ a tɩ fɛrɛ kɛ́ bɛ mɩ́ tuo a nɩ a bɛ bawŋmamɛ a.

¹⁰A ʋlɩ bibir bɛ na tɩ maalɩ a bàwr-maal-kuur k'ʋ ɩ Naaŋmɩn bʋ̃-sora a, a yie nɩ-bɛrɛ mɩ̀ tɩ wa n nɩ bʋ̃-kʋ̀rɩ a ʋ maalʋ ƴãw.

¹¹A Sore tɩ yel'ɩ a Moyiir à ŋá: «A nɩ-bɛrɛ, bɛ waar lɩɛrɛ taa, nɩ-been bibir za, wa tɩrɛ a bɛ bʋ̃-kʋ̀rɩ a bàwr-maal-kuur bɛ na maalɩ k'ʋ ɩ Naaŋmɩn bʋ̃-sora a ƴãw.»

¹²Bɛ tɩ wa na tu taa à ŋá: Bibi-dãw-niwn sob: Aminadab bidɛb, Nason, na yi Zuda dɔwlʋ pʋɔ a. Bibie ayi sob: Suwaar bidɛb, Netanɛl, na yi Ɩsakaar dɔwlʋ pʋɔ a. Bibie ata sob: Helon bidɛb, Eliyaavʋ, na yi Zabulɔ̃ dɔwlʋ pʋɔ a. Bibie anaar sob: Sedewuur bidɛb, Elisuur, na yi Urubɛn dɔwlʋ pʋɔ a. Bibie anũu sob: Suurisadaɩ bidɛb, Selumiyɛl, na yi Sɩmɩ̃ɔ dɔwlʋ pʋɔ a. Bibie ayʋɔb sob: Dewuyɛl bidɛb, Eliyasafʋ, na yi Gadɩ dɔwlʋ pʋɔ a. Bibie ayopõi sob: Amihudɩ bidɛb, Elisama, na yi Efarayim dɔwlʋ pʋɔ a. Bibie ani sob: Pedasuur bidɛb, Gamaliyɛl, na yi Manase dɔwlʋ pʋɔ a. Bibie piwaɩ sob: Gideoni bidɛb, Avidan, na yi Bɛ̃zamɛ dɔwlʋ pʋɔ a. Bibie pie sob: Amisadaɩ bidɛb, Ahiezɛɛr, na yi Dan dɔwlʋ pʋɔ a. Bibie pie nɩ been sob: Okiran bidɛb, Pagiyel, na yi Asɛɛr dɔwlʋ pʋɔ a. Bibie pie nɩ ayi sob: Einan bidɛb, Ahira, na yi Nɛfɩtali dɔwlʋ pʋɔ a. Bʋ̃-kʋ̀rɩ á ŋá n'a ŋa za mɩ́ tɩ wa n: — salm-pla tasa na tɩbrɛ man gɩram túr dɔwlɩ kɔbr ata (1 300) a, nɩ salm-pla(...)

⁸⁴A bʋ̃-kʋ̀rɩ za a Ɩsɩrayɛl nɩbɛ yie nɩ-bɛrɛ na tɩ tɩr a bàwr-maal-kuur cuw maalʋ daar a n'ɩ á ŋá: salm-pla labɛ pie nɩ ayi, salm-pla koli pie nɩ ayi a zɩ̃ɩ ƴãwfʋ ƴãw, nɩ salm-zɩɛ koli-nyúuri pie nɩ ayi.

⁸⁵Tasa za tɩbrʋ mɩ́ tɩ ɩ n gɩram túr dɔwlɩ kɔbr ata (1 300), ɛ́ kole za tɩbrʋ ɩ gɩram kɔbr ayopõi (700). A bome za tɩbrʋ ɓã taa ɩ salm-pla kilo lɩzɛr'ɩ anaar, ɛ́ a tɩbrʋ manʋ tu a bʋ̃-mána mã bɛ na tɛr manɛ nɩ a zi-sõw pʋɔ a.

⁸⁶Salm-zɩɛ koli-nyúura za tɩbrʋ tɩ ɩ n gɩram kʋba (100). A na ɩ lɛ a, a za pie nɩ ayi tɩbrʋ tɩ ɩ n gɩram túr dɔwlɩ kɔbr ayi (1 200). A tɩ paal'ɩ parfɛ̃ a nyɩwfʋ ƴãw.

⁸⁷Nadɛɛ pie nɩ ayi mɩ̀ tɩ pʋɔ na, pʋ́rɩ pie nɩ ayi, nɩ yũon-been peli pie nɩ ayi, a za nyɩw-a-za-bagɛ maalʋ ƴãw, lãwnɩ a kukur bome de-kʋ̀b na mɩ́ pʋɔ a, bʋrɩ pie nɩ ayi, a yel-bier ír-bɛrʋ bagɛ maalʋ ƴãw,

⁸⁸nadɛɛ lɩzɛr'ɩ anaar, pʋ́rɩ lɩz'a ata, bʋrɩ lɩz'a ata, nɩ yũon-been peli lɩz'a ata, a lãw-taa bagɛ maalʋ ƴãw. A bʋ̃-kʋ̀rɩ tɩ n'ɩ à á ŋá bɛ na tɩ tɩr, a bàwr-maal-kuur na tɩ maalɩ baarɩ, ɩ a Naaŋmɩn bʋ̃-sora a cuw maalʋ ƴãw a.

⁸⁹A Moyiir na mɩ́ tɩ kpɛ a tuor-taa pɛn-sɛw pʋɔ k'ʋʋ tɩ ƴɛ̀r'ɩ a Sore a, ʋ mɩ́ tɩ wone nɩ a Sore kɔkɔr: a seribɛ̃ ayi cara pʋɔ n'a a kɔkɔr mɩ́ tɩ ƴɛ̀rɛ yire, a daga na tɛr a wõ-taa kʋsɛ-pamɛ a nɔ-pàwra zu. Ʋ mɩ́ tɩ ƴɛ̀rɛ nɩ ʋ na.