Read Dagara, Northern Habakukɩ 3 Bible Online

Habakukɩ 3 - Dagara, Northern bible

Habakukɩ 3

¹Nyɛ̃ puoru, a naaŋmɩn-ƴɛ̀r-manɛ Habakukɩ na puori, ʋ tu nɩbaal-yielu kɔkɔr a.

²Sore e, Sore e, ɩ̃ wõ n a fʋ gãda-tome yele, dɛ̃bɩ̃ɛ nyɔw mɛ̃. Tõ a tome á ŋá taabɛ a tɩ cãafʋ daar, ɩ a nɩsaalbɛ bãw a. Alɛ saa sɛw kɛ́ fʋ nyɛ̃ suur a, cãà tɛr su-ɓaarʋ a tɩ zie.

³Teman[1] tẽw n'a a Naaŋmɩn yi waar, a Naaŋmɩn na ɩ sõw a yi n a Paran tan pʋɔ waar. A ʋ vɩɛlʋ caal'ɩ a salom, a ʋ yúor-vɩɛlʋ-danʋ paal'ɩ a tẽw.

⁴Ʋ waar'a, caalɩ wegem! Cãà na ɩ mɛ̃ mʋ̃tɔ̃w gbɛ́ɛ a yire nɩ a ʋ nũú, be n'a a ʋ kpɛnʋ sɔwlɩ.

⁵Bàal-faar mɩ́ de ʋ nɩ niwn, ʋʋ cere ɛ́ a ƴã-tʋlʋ tuur.

⁶Ʋlɛ wa tɛw àr a, a tẽsɔw mɩ́ gbiwre na, ʋ mɩ́ jɩ́r'ɩ a nɩ-bʋʋrɛ bɛ màwr. A tã-kore kore dam'a, a tãli-kore yʋʋr'a, al na tɩ ɩ a ʋ sɛ́ɛ a koro za ʋ tuur a.

⁷Ɩ̃ nyɛ̃ nɩ a Kusan[2] tẽw nɩbɛ kpɩɛrʋ, nɩ a Madian tẽw dɛ̃bɩ̃ɛ.

⁸Sore e, a mamɛ n'a bɩɩ, a mamɛ n'a mɩ́ ƴãw fʋ nyɛ̃ a suur bɩɩ? A kʋ̃ɔ-kpɛ̃ɛ n'ʋ fʋ mɩ́ nyɛ̃ nɩ a suur pi kɔkɛɛ bɩɩ? Fʋ mɩ́ do n a zũzuge zu mɛ̃ zɛbr-torko zu, a wie na wɩɛr'ɩ fʋ a zɛb-tʋ̃ɔ́fʋ zie a.

⁹Fʋ dúore nɩ a fʋ tam, a fʋ pime n'ɩ a pɔb ƴɛ̀r-bie, fʋ na pɔ ƴɛ̀r a. A tẽsɔw mɩ́ 'la n gɛ̀lɛ́, ɛ́ a mamɛ kʋ̃ɔ tɛbr yire.

¹⁰A tan mɩ́ nyɛ̃ b'a màwr, sa-bɛrɛ kʋ̃ɔ mɩ́ paal'ɩ a tẽsɔw za, a kʋ̃ɔ-kpɛ̃ɛ ɩrɛ nɩ gɔmɛ, ɛ́ lɔbr a ʋ kʋ̃ɔ-mie bɛrɛ a dúor saa-zu.

¹¹A fʋ pime na mɩ́ tɔl caalɩ a, a fʋ kafin na mɩ́ nyɩwrɩ mɛ̃ saa a, a mɩ́ ɩ na a mʋ̃tɔ̃w nɩ a cuw tɛw àr.

¹²Suur'a fʋ mɩ́ cɔlɛ nɩ a tẽw, su-yãyaar'a fʋ mɩ́ nɛb'ɩ a nɩ-bʋʋrɛ nɩ gbɛ́ɛ.

¹³Fʋ mɩ́ yi n a fʋ nɩ-bʋʋrɛ faafʋ ƴãw, a fʋ nɩ-kabra faafʋ ƴãw. Fʋ ŋmɛ n a nɩ-faar dɔwlʋ nɩ-kpɛ̃ɛ lɔb, fʋ kʋ n a ʋ nɩbɛ za.

¹⁴A bɛ pime n'a fʋ mɩ́ lɛb ŋmɛlɩ puo nɩ a dɔ̃ dem nɩ-bɛrɛ zuru. Bɛ tɩ dãwnɛ nɩ taa waar mɛ̃ saa-sɛsɛb a, kɛ́ bɛ wa diw tɩ yaarɩ. Bɛ ŋmɩɛr'ɩ nʋ̃ɔ̀ cɛlsɩ a ɩ mɛ̃ bɛ sɔwl'a tĩ kʋrɛ a nɩbɛ bɛ na zɛb tʋ̃ɔ́ a.

¹⁵Fʋ puo nɩ sɔ́r kʋ̀ a fʋ wie a kʋ̃ɔ-kpɛ̃ɛ pʋɔ, a kʋ̃ɔnɩ na damnɛ nɩ fãw a pʋɔ.

¹⁶Ɩ̃ wone nɩ a damnʋ á ŋá za, ɛ́ a mɩ́ dam mɛ̃ tɩ tɔ: a ɩ̃ nɔgbãbie màwr'a ŋmɩɛr taa a dɛ̃bɩ̃ɛ zũú, a ɩ̃ ƴãw za bàl'a ɛ́ a ɩ̃ gbɛ́ɛ yʋɔrɛ. Ɩ̃ ɩ n gbili cɛlɛ nɩ a kpɩɛrʋ bibir, k'ɩ̃ɩ wa cen tɩ zɛb'ɩ a nɩ-bʋʋrɛ bɛl na dɔwrɛ tɩ a.

¹⁷A kãkã-tɩɩr bɛ cãà pure ɩ, a divɛ̃ tɩɩr bɛ wɔnɛ ɩ, a olivʋ tɩɩr bɛ tɛr wɔm kãw za ɩ. A póru bɛ cãà tɛr bʋ̃-dɩra kãw za ɩ. Píir bɛ cãà a píir zaw pʋɔ ɩ. Nĩi mɩ̀ bɛ cãà a nazawr pʋɔ ɩ.

¹⁸Ɛcɛ mãa a, a Sore zie n'a a ɩ̃ nʋ̃ɔ̀ yire, nʋ̃ɔ̀ ɩrɛ mɛ̃ na a Naaŋmɩn na faarɛ mɛ̃ a ƴãw.

¹⁹A Sore Naaŋmɩn n'ɩ a ɩ̃ fãw: ʋ mɩ́ ɩ na ɩ̃ zɔrɛ fɔ̃w fɔ̃w mɛ̃ wala a, ʋ ɩ na ɩ̃ cere ziir na kɛrɩ a zu. A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Bʋ̃-ŋmɩɛrɩ bɛ na maal'ɩ mié a n'a bɛ mɩ́ ŋmɩɛr'ɩ ƴãwn.