Read Dagara, Northern Sofoni 3 Bible Online

Sofoni 3 - Dagara, Northern bible

Sofoni 3

¹'Woi! Tẽ-kpɛ̃ɛ-gaara[11] a, tẽ-kpɛ̃ɛ-dɛwr na paalɩ po-to-fãw dem a!

²Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.

³A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra[12], ɛ́ bɛ tɛr bom na 'wɔb a biɓaara a.

⁴A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

⁵Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

⁶A Sore yere na: «Ɩ̃ ɩ na nɩ-bʋʋrɛ bɛ cãà be ɩ, a zɛbr-yir-kpɛn na piw bɛ tɛr a, ɩ̃ da a na lɔb, ɩ̃ ɩ na a bɛ sɛ́ɛ gã zawlɛ: nɩr za bɛ tuur tɔlɛ ɩ! A bɛ tẽ-bɛrɛ ŋmɛr ŋmɛr'a gã: nɩr za bɛ cãà kpɩɛr a ɩ.

⁷Ɩ̃ tɩ tɩɛr'ɩ ɩ̃ pʋɔ: ƴɛrɛŋa a, a tẽw na ƴãwnɛ mɛ̃ na, ʋ na sàw nɩ a ɩ̃ kpãàfʋ. Lɛ n'a ɩ̃ kʋ̃ ŋmɛr ʋ bɛr, a tu a lɛ ɩ̃ na tɩ nyɛ̃ a suur, fuw ʋ a ɩ. Ɛcɛ a ʋ nɩbɛ mɩ́ pawr'ɩ a yel-faa maalʋ tɛwr ƴãw.

⁸A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

⁹«Lɛ n'a ɩ̃ na maalɩ a nɩ-bʋʋrɛ nɛ́ɛ a vɩɛl[13]: bɛ na puore nɩ a mãa Sore, ɛ́ tɛr tɩɛr-been tone nɩ mɛ̃.

¹⁰A ɩ̃ puor-puorbɛ na yaarɩ be a ten za pʋɔ a na mɩ́ yi n zie na zãá zuo a Etiopi mamɛ a, ɛ́ wa n a bɛ de-kʋ̀b bome wa kʋ̀ m.»

¹¹«A ʋlɩ bibir nɛ a, ɩ̃ nɩbɛ ɛ, a nyɩ ɩ-faar za nyɩ na ɩ a vĩ kʋ̃ cãà ɩrɛ nyɩ ɛ, a yel-bebe nyɩ na maalɩ sãw mɛ̃ a. Bʋ̃ʋ n'ʋ vɛ̃, a bɛlɩ dem za a pɔ̀lʋ na kʋrɛ a, ɩ̃ na ír bɛ nɩ a nyɩ pʋɔ a lɛn daar, ɛ́ nyɩ kʋ̃ cãà ɩrɛ nyɔka-ɩb a ɩ̃ tã-sõw zu ɛ.

¹²Su-siwri dem nɩ nan dem tɛwr nɛbɛ ɩ̃ na bɛr a nyɩ pʋɔ, ɛ́ bɛ na mɩ́ zɛlɛ na k'ɩ̃ɩ gùre bɛ.

¹³A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

¹⁴Sɩyɔ̃ tẽw i, lɔbr nʋ̃ɔ̀ cɛlsɩ! Ɩsɩrayɛl nɩbɛ ɛ, nyɩ cáarɛ! Zerizalɛm i, cɩlɛ nɩ fʋ pʋɔ za!

¹⁵A Sore ír'ɩ a dɔwrʋ na tɩ lo a nyɩ zu a bɛr, ʋ ɩ n a nyɩ dɔ̃ dem bɛ zɔ. A Sore, a Ɩsɩrayɛl nãà, be n a nyɩ sɔgɔ, nyɩ kʋ̃ cãà zɔrɛ yel-faa dɛ̃bɩ̃ɛ ɩ.

¹⁶A ʋlɩ bibir nɛ a, bɛ na yel'ɩ a Zerizalɛm à ŋá: «Sɩyɔ̃ tẽw i, ta zɔrɛ dɛ̃bɩ̃ɛ ɩ, taa bàlɛ tɩɛrɛ bɛrɛ ɩ!

¹⁷A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

¹⁸mɛ̃ cuw bibir a.» A Sore yere na: «Ɩ̃ na ɩ na a faa ta páw fʋ ɛ, a vĩ ta cãà kʋrɛ fʋ ɛ.

¹⁹A lɛn daar a, ɩ̃ na dɔwr'ɩ a bɛlɩ dem za na dɔwrɩ nyɩ a. A lɛn daar a, ɩ̃ na sanɩ nɩ a nyɩ nɩbɛ bɛ na ƴãw bàalʋ a, a bɛl bɛ na diw a bɛ tẽw pʋɔ cen nɩ a, ɩ̃ na lɛb'a tɛr bɛ wa n, ɩ̃ na ɩ na nyɩ nyɛ̃ ƴãwfʋ, ɛ́ a nyɩ yúor yi a ten al za pʋɔ nyɩ na tɩ nyɛ̃ a vĩ a.

²⁰A lɛn daar a, ɩ̃ na lɛb'a tɛr nyɩ wa n, a lɛn daar a, ɩ̃ na lɛb'a ɓã nyɩ taa. A nyɩ mimié n'a ɩ̃ na lɩɛbɩ a nyɩ yele. Lɛ n'a a nyɩ yúor na yi, ɩ̃ɩ ɩ nyɩ nyɛrɛ ƴãwfʋ a tẽw zu nɩ-bʋʋrɛ za pʋɔ.» A Sore n'ʋ yel.